Gizon batek bikotekidea hil du Granadan
Gizon batek 37 urteko bikotekidea hil du Granadan, Genero Indarkeriaren aurkako Gobernu Ordezkaritzak baieztatu duenez. Emakumearen gorpua igande honetan aurkitu dute Granadako hiriburuko etxebizitza batean, ustezko hiltzailea hirugarren solairutik behera erori ondotik.
17:30 aldera, larrialdi zerbitzuek 30 eta 40 urte bitarteko gizon bat balkoi batetik behera erori zela ohartarazteko hainbat dei jaso zituzten. Itxura guztien arabera, gizonak emakumea hil, eta bere buruaz beste egin zuen.
Agenteak bertaratu zirenean, gizonaren etxebizitzara igo ziren, atea indarrez ireki zuten eta barruan emakume bat hilik topatu zuten, arma zuriz egindako zauriekin. Hasiera batean bi hildakoak anai-arrebak zirela esan bazen ere, ikerketako iturriek baieztatu dute aspaldidanik zutela bikote harremana.
Biktimak ez zuen seme-alaba adingaberik, eta ez zuen aurretik ustezko erasotzailearen aurkako genero-indarkeriagatiko salaketarik jarrita.
Gainera, Genero Indarkeriaren aurkako Gobernuaren Ordezkaritzak beste hilketa matxista kasu bat baieztatu du gaur, irailaren 3an Palamosen (Girona) ustez bere bikotekideak hil zuen 71 urteko emakumearena.
Hala, urtea hasi zenetik 44 emakume hil dituzte jada beren bikotekideek edo bikotekide ohiek Estatuan, 2003tik 1.228.
Zure interesekoa izan daiteke
Giro ezin hobea Bilboko Europako errugbiaren festa handian
Asteburu honetan Challenge Cup eta Champions Cup txapelketetako finalak jokatuko dituzten errugbi-taldeen zaleen arteko giroaz gozatzen ari dira ehunka lagun ostiral honetan Bilbon. Montpellier eta Ulster izango dira elkarren aurka jokatuko duten lehenak, gaur, San Mamesen.
Medikuen sindikatuek ez dute grebarik egingo udan, baina protestak iragarri dituzte udazkenerako
Medikuen sindikatuen konfederazioak espero du Osasun Ministerioak greba batzordea deituko duela berehala, "negoziatzeko benetako borondatearekin". Deialdirik ez badago, udazkenean "gatazka areagotzeko prest" agertu da.
Eusko Jaurlaritzak elikadura-alerta bat zabaldu du EAEn banatutako gazta freskoetan listeria aurkitu baitute
Cerrato, Nativo, Goya eta El Sabor de Casa markek merkaturatutako hainbat produktu daude kaltetuta. Horietako bat etxean dutenei ez kontsumitzeko gomendatu diete agintariek.
Martxan da Bilbon errugbizaleentzako gunea
Gaur eta bihar jokatuko diren Europa mailako bi final handiek 75.000 zale bilduko dituzte guztira. Lehen finala gaur iluntzean jokatuko dute Ipar Irlandako Ulster eta Frantziako Monpellier taldeek. Casilda Iturrizar parkean jarritako gunean hasi dira giroa berotzen.
Nelson David Moreno errudun jo dute, 73 urteko gizon baten hilketagatik
Laugarrenez kondenatu dute auziperatua; guztira, 2021eko udazkenean zazpi gizonezko homosexualen hilketekin lotzen dute.
79 urteko emakume bat larri zauritu da Tafallan, auto batek harrapatuta
SOS Nafarroak jakitera eman duenez, ezbeharra 10:43an izan da, NA-8607 errepideko 4,2 kilometroan, Foruzaingoaren polizia etxearen aurrean, herrigunean bertan. Oinarrizko bizi euskarriko anbulantzia bat eta anbulantzia medikalizatu bat bertaratu dira, eta azken horretan eraman dute Nafarroako Unibertsitate Ospitalera, larri.
Udalekuetan adingabeen babesa indartzeko erreformaren behin betiko testua onartu du Legebiltzarrak
Gazteria Legearen aldaketa Bernedo auziak bultzatu du, eta batzordean eta osoko bilkuran onartu behar da oraindik. 600.000 eurorainoko isunak aurreikusten ditu.
Okupatutako pabiloi bat hustu dute Donostiako Herrera auzoan
Ertzaintzak Donostiako Udaltzaingoarekin lankidetzan burututako operatiboa epailearen aginduz egin da, pabiloiaren jabeak eskatuta. Kale egoeran zeuden sei pertsona kaleratu dituzte, eta horietako bi Polizia Nazionalaren esku geratu dira.
Erromes bat hil da Garesen, ibaira erorita
Gorpua Robo ibaian agertu da, eta Foruzaingoak ikerketa abiatu du gertatutakoa argitzeko.
Trafiko murrizketak Bilbon: hauek dira kaltetutako kaleak eta ordutegiak
Itxierak hasi dira jada San Mames eta Abandoibarra inguruan, eta igande goizaldera arte iraungo dute. Udalak ibilgailuaren erabilera saihesteko eta metroa edo trena erabiltzeko gomendatu du.