Asteburu epela eta hodeitsua dugu aurretik
Asteburu honetarako, eguraldiak ostiraleko joerari jarraituko dio, Euskalmeten iragarpenaren arabera. Beraz, egun beroak datozkigu, baina hodeiak lagun izango ditugu oraindik, eta baliteke zaparrada trumoitsuren bat edo beste uztea.
Gaur, ostirala, tenperaturak gora egingo du isurialde atlantikoan, eta eguraldia ezegonkortu egingo da pixka bat. Hego hego-ekialdeko haizea harrotu egingo da eta tenperatura igoaraziko du; isurialde atlantikoan, 30 ºC ingurura edo gorago iritsiko da hozberoa. Hegoaldean, tenperatura altuenak 26-27 ºC ingurukoak izango dira.
Zeruan, hodeiak eta oskarbiguneak izango ditugu, eta eguraldia ezegonkor egongo da. Goizean, zaparrada batzuk bota ditzake han-hemenka, arratsaldean eta gauean, trumoi-ekaitzerako joera nabarmenagoa izango da, eta baliteke zenbait lekutan mardulak izatea, txingor eta guzti.
Larunbatean, hego-haizea eta ezegonkortasuna izaten jarraituko dugu. Tenperaturak antzekoak izango dira, nahiz eta isurialde mediterraneoan maximoak apur bat igo daitezkeen. Zeruan, ostarteak izango dira goizean, eta hegoaldetik iparraldera mugituko dira hodeiguneak.
Arratsaldean, bero-hodeiak ugarituko dira eta zerua estaliago geratuko da; zaparrada trumoitsuak ere bota ditzake han-hemenka. Goiz erdira arte, behe-lainoa izango da Arabako eta Nafarroako hegoaldean.
Igandean, tenperatura altuak izaten jarraituko dugu. Tarteka hodeiak izango dira, eta tarteka eguzkitsu egongo da. Era berean, baliteke goizaldean eta gauean zaparrada bakan batzuk botatzea.
Hego-haizea harro samar ibiliko da, eta tenperaturan ia ez da aldaketarik izango, nahiz eta leku batzuetan apur bat igo daitekeen.
Abisuak eta alertak
Eusko Jaurlaritzako Segurtasun Sailak abisu horiak aktibatuko ditu gaur arratsalderako, euriteengatik, eta astebururako, tenperatura altu iraunkorrengatik.
Lehen abisua gaurko 15:00etatik aurrera egongo da indarrean, eta hurrengo larunbat eta igandeetan beste abisu hori bat egongo da indarrean, tenperatura altuengatik.
Bestalde, Aemet Espainiako Meteorologia Agentziak abisu horia ezarri du ostiral honetarako Nafarroan, ekaitzengatik, baina prezipitazio handiak ez dira asteburura luzatuko, aurreko goi-geruzetako depresio isolatua izan zenean gertatu zen bezala.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.