Auto-karabana Bilbon, Ertzainak Gatazkan mugimenduak eta Euspel sindikatuak deituta
Euspel sindikatuak eta Ertzainak Gatazkan mugimendu asindikalak protestei ekin diete gaur berriro, Bilbo inguruan auto-karabana eginez, Ertzaintzarentzat "hitzarmen duina" eskatzeko.
Protestak trafiko oso motela eragin du Txorierriko korridorean, Donostiarako noranzkoan, eta A-8an, Max Centerreko zuzengunearen parean, Segurtasun Sailak jakitera eman duenez.
Horrela, Bilbo inguruan zirkulazioa moteldu dute, 07:30etik aurrera, "borrokatzeko gogoz" dauden kolektiboak direla erakusteko. Josu Erkoreka Segurtasun sailburuak eta ErNE, Esan eta Sipe sindikatuek bilera egin eta hiru egunera egin dute mobilizazioa.
Ibilgailuen karabana amaitutakoan Barakaldoko Puerta de Bilbao hotelean egindako batzar informatibo baten ostean, "gerturatzearen alde" egin dute, eta Sailak bilera bat egiteko deituz gero bertaratzeko asmoa agertu dute, Joseba Saralegi Euspeleko ordezkariak azaldu duenez.
Euspel ere prest dago Erkoreka sailburuarekin biltzeko eta Ertzainak Gatazkan kolektiboaren jarrera eta aldarrikapenak bideratzeko.
Bitartean, lan- eta soldata-baldintzak hobetzeko beren eskarien alde mobilizatzen jarraituko dute. Euspelek eta Ertzainak Gatazkan taldeak odola emateko kanpaina bat egingo dute datozen asteetan hiriburuetan, eta urriaren 16an Bilbon "manifestazio handi bat" egiteko asmoa dute, ordurako egoera bideratu ez bada.
Zure interesekoa izan daiteke
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.