Gizon bat atxilotu dute Gasteizen, desgaitasuna duen emakume bati sexu erasoa egitea leporatuta
Ertzaintzak 55 urteko gizon bat atxilotu du aste honetan Gasteizen, desgaitasuna duen emakume bati irailean sexu erasoa egitea leporatuta. Sexu erasoaren ondoren, emakumea desagertu eta handik egun batzuetara Alemanian agertu zen.
Eusko Jaurlaritzako Segurtasun Sailak ohar batean jakinarazi duenez, emakumearen familiak desagerpena salatu zuen irailaren 2an, eta Ertzaintzak ikerketa abiatu zuen aurkitzen saiatzeko.
Salaketa jarri eta bost egunera, irailaren 7an, Schengen esparruko nazioarteko polizia-lankidetzarako protokoloei esker jakin zuten desagertutako pertsona hori Alemanian zegoela.
Senideak Alemaniara joan ziren desagertutako emakumearekin elkartzeko, eta urriaren 12an itzuli ziren Gasteizera.
Ertzaintzak ikertzen jarraitu zuen, pertsona hori zergatik desagertu zen argitzeko, eta jakin zuen emakumeak gizon bat ezagutu zuela desagertzeko bezperan. Ikerketaren arabera, ordutik emakumea Gasteizen egon zen aipatutako gizonarekin, eta gero bakarrik joan zen Alemaniaraino.
Geroztik, ustezko erasotzailearen bila aritu dira, eta, azkenean, Ertzaintzak joan den asteartean atxilotu zuen sexu erasoa leporatuta.
Aurrekariak dituen gizona behin-behinean aske dago, atzo epailearen aurretik igaro ondoren. Hala ere, epaileak kautelazko neurriak ezarri dizkio: hamabost egunean behin epaitegian agertu beharko du, eta ezingo da biktimarengandik 200 metro baino gutxiagora hurbildu.
Albiste gehiago gizartea
Pasaiako 'Beti Aingeru' ontziko tripulazioko kideek ukatu egin dute matxinatu zirela eta patroiari eraso ziotela
Armadoreak atzo emandako bertsioa ukatu bakarrik ez, harengandik jasotako tratua salatu dute. "Zaborra gainera bota zigunean esan genuen ezin genuela gehiago", azaldu dute.
Bernedoko udalekuan egondako hiru adingabe deklaratzera deitu dituzte
Ertzaintzaren atestatuan identifikatuta agertzen diren hiru adingabe deitzea erabaki du auziaren ardura duen Gasteizko Instrukzioko 3. epaitegiak, "biktima-lekuko" gisa deklara ditzaten.
Denboralea gogor astintzen ari da Balear Uharteak
Eivissa eta Formentera uharteetan alerta gorria ezarri dute hamabi orduan metro koadroko 180 litro pilatuko direlako. Estatuko Meteorologia Agentziak (Aemet) "kontuz ibiltzeko" eskatu du, "uholdeak eta bat-bateko ur-goraldiak izan daitezkeelako".
Eider Mendoza: "Bernedoko udalekuen kasuan gertatutakoa argitu behar da, inor jomugan jarri gabe, baina arduraz"
Eider Mendoza Gipuzkoako ahaldun nagusiak Bernedoko udalekuen inguruan sortutako "kezka" izan du hizpide, eta nabarmendu du beharrezkoa dela "lehenbailehen argitzea bai udalekuetan gertatutakoa, bai auzitegietan gertatutakoa". Horrez gain, adingabeen familiei babes osoa eman die.
Walk On Project Fundazioak WOP Challenge eta XIII Estropatada egingo ditu asteburuan Bilbon
Zientziaren eta gaixotasun neurodegeneratiboen ikerketaren aldeko sentsibilizazioa lortu nahi dute, ekitaldi berezien bitartez.
'Johan de Witt' NATOren ontzi ezagunak geldialdia egin du Bilbon
Herbehereetako Errege Armadako 'HNLMS Johan de Witt' ontzi anfibioa Bilboko portuan egongo da urriaren 2ra arte, NATOk Portugalen egindako maniobra batzuetan parte hartu ondoren.
772 kokaina kilo atzeman dituzte Hendaian
Kargamentuak 31 milioi euroko balioa du. Iraileko hirugarren esku-hartzea izan da.
Mendozak Bernedon gertatutakoa "lehenbailehen" argitzeko eskatu du, "inor jomugan jarri gabe, baina erantzukizunez"
"Adingabeez ari gara, eta, horiek babesteko, Gipuzkoako Foru Aldundiak ezin du xehetasunik eman", adierazi du ahaldun nagusiak.
"Bazkari solidario hauekin, gorputza eta arima elikatu nahi ditugu"
Bizkaiko 250 sukaldarik osatutako Bisubi Fundazioak 'Utopia Isila' ekimena jarri du abian. Hilean behin, egoera zaurgarrian dauden pertsonaz osatutako talde bat gonbidatuko dute esperientzia gastronomiko batera, jankide horien “gorputza eta arima” elikatzeko helburuarekin. Lagun Artean elkartea gonbidatu dute iraileko otordura.
Ikerketapean dira Paisaiako arrantza-ontzi bateko hiru tripulatzaile matxinada bat antolatzeagatik
Guardia Zibilak azaldu duenez, tripulatzaileak ikerketapean dira kapitaina mehatxatzeagatik eta, horietako bi, ontziaren armadoreari erasotzeagatik.