"Palestina askatu" zioten banderak altxatuta, txalo zaparrada izan da Anoetan, Real-Mallorca partidan
Palestinarren aldeko aldarria ozen entzun da larunbat honetan Anoetan, Realaren eta Mallorcaren arteko partida hasi berritan. 12. minutuan, Aitor Zabaleta harmailan dozenaka bandera palestinar erakutsi dituzte hainbat zalek, eta txaloka erantzun die Anoetako estadioak aho batez.
Ehun euskal errepublikaren aldeko mugimenduak mila bandera palestinar inguru banatu ditu Donostiako estadioaren inguruetan, partidaren aurretik, "palestinar erresistentziaren eskariekin bat egiten dugula esan eta Israelekin erlazio guztiak moztu eta boikota egin behar zaiola adierazteko", azaldu dute komunikabideetara bidalitako ohar batean.
Hain zuzen ere, Donostian martxa erraldoia dago deituta gaur arratsalderako, "Gazako sarraskia gelditu" lelopean.
Palestinako bandera futbol zelaietako harmailetan agertzearen inguruko polemika pil-pilean dago, aurreko asteburuan Eibarko zale bat estadiotik kanporatu ostean bandera erakusteagatik. Ligak hartutako erabakiak zeresana eta zalantzak eragin ditu, eta askok zalantzan jartzen dute legezkoa ote den. Auzi hori dela eta, Realak argi utzi zuen atzo bertan eurek ez zutela banderak erretiratzeko asmorik.
Osasunako zaleek ere bandera palestinarrak erakutsi dituzte
Atzo ere ikusi ziren Palestinako banderak euskal zelaietan. Izan ere, Osasunako zaleek dozenaka bandera palestinar atera zituzten hego harmailan, Granadaren aurkako partidan.
Espainiako Gobernuak Nafarroan duen ordezkariak partidaren aurretik jakinarazi zuen zaleak miatuko zituztela eta Palestinako eta Israelgo banderak kenduko zizkiela horiek zituztenei, "istiluak saihesteko". Espainiako Kirol Bulego Nazionalaren mezua ere jaso zuen Osasunak, bandera horiek kentzeko agindua emanez.
Zuzendaritzak idatziz erantzun zuen ez zegoela ados neurri horrekin, eta adierazi zuen bandera horiek estatu ofizialetakoak direla, eta erabat legezkoak, beraz. Hala, bandera horiek kentzea zaleen eskubide zibilen aurkako erasoa izan daitekeela ohartarazi zuen.
Testuinguru horretan, Indar Gorrikoen inguruan, dozenaka zalek Palestinako banderak erakutsi zituzten "Palestina aurrera" oihuen artean.
Zure interesekoa izan daiteke
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Familian Mugikorrik Gabeko Eguna ospatuko dute Donostian, Bilbon eta Gasteizen. Familietan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta denbora partekatuaren balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga garraiatzeko arduraduna 76 urteko gizon bat zen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.