AP-1 autobidea normaltasunera itzuli da, Bergaran bi ibilgailuk istripua izan eta auto-ilarak sortu ondoren

Gaur goizean Bergaran izandako trafiko istripuak zazpi kilometrorainoko auto ilarak sortu dira AP-1 autobidean, Gasteizko noranzkoan, Eusko Jaurlaritzako Segurtasun Sailak EITB Mediari jakinarazi dionez.

Istripua izan eta berehala, errepidea guztiz itxi dute Gasteizko noranzkoan, baina handik gutxira erreietako bat ireki dute. Ondoren, errei bakarra egon da itxita, denbora tarte batean.

Bi ibilgailuren arteko ezbeharra 07:40 aldera izan da, Gallastegiko tunelean. Ezbeharrean ez da inor zauritu.

10:00ak aldera garabiek ibilgailuak kendu eta errepidea garbitu ostean, zirkulazioa normaltasunera itzuli da.