Hiru pertsona zauritu eta auto-ilara luzeak sortu dira Barakaldon, N-637an izandako istripu baten ondorioz
Barakaldon, N-637 errepidean, gaur goizean izan den trafiko istripu batek auto-ilara luzeak eragin ditu Getxorako noranzkoan. Hiru lagun zauritu dira istripu horretan.
Gainera, kontrako noranzkoan ere, alegia, errepide horretan baina Bilborako noranzkoan, ibilgailu bat matxuratu da goizeko lehen orduan, Arrontegiko zubian. Horrek zirkulazioa zaildu du Bizkaiko zenbait errepidetan, eta noranzko horretan ere ilarak sortu dira, Segurtasun Sailak eitb.eus-i jakinarazi dionez.
10:20rako, ohikora itzuli da bidearen egoera.
Albiste gehiago gizartea
86 urteko gizon baten bila dabiltza Gorbeia mendian
Asteartetik darama desagertuta eta Muruako harrobien aparkalekuan aurkitu dute bere autoa.
Azterketarien % 90,61ek gainditu dute Unibertsitatera Sartzeko Probaren ezhoiko deialdia, Euskadin
Euskadi osoko datuak kontutan hartuta, euskaraz aurkeztutakoen % 93,79k gainditu zuten azterketa, eta gaztelaniaz aurkeztutakoen % 83,06k.
Ikusi berriz uztailaren 9ko entzierroa
2025eko sanferminetako uztailaren 9ko entzierroa, Orainen.
Alvaro Nuñezen zezenek korrikalari bat adarkatu dute, entzierro azkar eta arriskutsu batean
Estreinakoz atera dira Iruñeko kaleetara Alvaro Nuñezen ganadutegiko zezenek, eta 2 minutu eta 20 segundo behar izan dituzte bidea egiteko. Lehen balantzearen arabera, adarkatutako korrikalariaz gain, hiru pertsona ospitaleratu behar izan dituzte, kolpeak hartuta.
Paülseko suteak indar gutxiagoz jo du gaur, baina aktibo dago; konfinamendua bertan behera utzi dute
Orain arte, suak 3.300 hektarea inguru kiskali ditu, 1.125 inguru Els Portseko Parke Naturalaren barruan daude. Atzo, Salvador Illa Generalitateko presidenteak esan zuen "dena ondo bidean" gaur egonkortu daitekeela sutea.
Baionako Lanbide Heziketako zentro batean izandako sutea nahita piztu ote zuten ikertzen ari dira
Baionako Lanbide Heziketako ikastetxe batean sute handia izan da eguerdian, eta lau lagun zauritu dira. 45 suhiltzailek lanak izan dituzte sua itzaltzeko eta 200 lagun bertatik ateratzeko. Zuzendaritzak ez du baztertzen sua inork piztu izana, eta ikerketa zabalik dago.
Sanferminak, entzierroak eta zezenak baino askoz gehiago
Zezenak, Santo Domingoko aldapan eta Estafetan. Hori izan ohi da sanferminetako irudirik ohikoena. Baina Iruñeko jaiak hori baino askoz gehiago dira. Egunean 24 orduz aurkitu daiteke festa-giroa eta musika non-nahi. Dantzak, jotak, erraldoiak, kilikiak eta buruhandiak, kontzertuak... Ez dago aspertzeko tarterik.
Paülseko (Tarragona) suteak balio ekologiko handiko naturgune bat txikituko du
Uda honetan bigarren sute handia izan dute dagoeneko Katalunian, eta egoera benetan zaila da. Sua kontrolik gabe ari da aurrera egiten, haize bortitzek bultzatuta, eta bederatzi herritako bizilagunak konfinatuta daude, 18.000 pertsona.
Euskal jatorriko gazte iparramerikarren talde bat Euskal Herrian dabil egunotan bisitan
16 eta 25 urte bitarteko 50 gazteak Euskadin egonaldia egiten ari dira egunotan, Ateak Ireki 2025 programaren baitan. Helburua euskara ezagutzea eta haien sustrai kulturalak hobeto ezagutzea da. Euskadin dauden bitartean, Goierriko familiekin ari dira bizitzen.
Mutrikuko txiringitoaren jabea zuhurtziagabekeriagatik ikertuko dute, bezero batek garbigarria edan zuen eta
Ertzaintzaren arabera, "botila barra gainean egoteak zerbitzariak huts egitea eragin zuen". Biktima ekainaren 30era arte egon zen Donostia Ospitalean.