Neguko Bidezaintza Plana 700 metrotik behera zuritzen duenean aktibatuko dute Euskadin
Elur maila 700 metrotik jaisten denean, prezipitazio kopuruak hala eskatzen badu, aktibatuko dute Euskadin 2023-2024 Neguko Bidezaintza Plana, Eusko Jaurlaritzako Trafiko Saileko zuzendari Estibaliz Olabarrik iragarri duenez.
Guztira, elurra kentzeko 206 makina izango dituzte erabilgai aldundiek, iaz baino bat gehiago.
Gainera, zazpi garabi kokatuko dituzte beste horrenbeste puntu estrategikotan, zama handia duten ibilgailuak mugitu ahal izateko. Bestalde, 130 ibilgailu arituko dira laguntza, koordinazio eta zaintza lanetan, baita Ertzaintza ere.
2023-2024 negurako 27.600 gatz tona gorde dituzte, eta 760.000 litro gatzun.
Elur maila 1.000 metrotik behera kokatzen denean, planaren jarraipen edo informazio fasea aktibatuko dute, eta 700 metrotik jaisten denean fase operatiboa.
A-15 autobia itxiko dute Gipuzkoan, elur arriskua dagoenean
Gipuzkoan, iaz bezala, A-15 autobia itxi egingo dute elur arriskua dagoen guztietan, Oindolar eta Gorosmendi tuneletan egiten ari diren lanak tarteko, Aldundiak gaur, ostegunarekin, jakinarazi duenez. Berastegiko eta Andoaingo lotuneen artean ibilgailu guztientzat itxiko dute autobia.
"Elurra A-15 nieve" Telegram kanalaren bidez zerratuta ala zabalik dauden errepideen gaineko informazioa jasoko dute erabiltzaileek berehala.
Zure interesekoa izan daiteke
Udalekuetan adingabeen babesa indartzeko erreformaren behin betiko testua onartu du Legebiltzarrak
Gazteria Legearen aldaketa 'Bernedo auziak' bultzatu du, eta batzordean eta osoko bilkuran onartu behar da oraindik.
Okupatutako pabiloi bat hustu dute Donostiako Herrera auzoan
Ertzaintzak Donostiako Udaltzaingoarekin lankidetzan burututako operatiboa epailearen aginduz egin da, pabiloiaren jabeak eskatuta. Kale egoeran zeuden sei pertsona kaleratu dituzte, eta horietako bi Polizia Nazionalaren esku geratu dira.
Erromes bat hil da Garesen, ibaira erorita
Gorpua Robo ibaian agertu da, eta Foruzaingoak ikerketa abiatu du gertatutakoa argitzeko.
Trafiko murrizketak hasi dira Bilbon: hauek dira kaltetutako kaleak eta ordutegiak
Itxierak hasi dira jada San Mames eta Abandoibarra inguruan, eta igande goizaldera arte iraungo dute. Udalak ibilgailuaren erabilera saihestea eta metroa edo trena erabiltzea gomendatu du.
Euskal Herriko erraldoiak ezagutu nahi? Hauek dira tradizionalenak
Herriko jaietan festarik ez da erraldoiak kalean ez badira. Batzuek pertsonaia historikoak irudikatzen dituzte. Beste batzuk euskal mitologiatik datoz. Herri bakoitzak bereak ditu, bere historia eta nortasunarekin; gaur, ezagunenen eta kuttunenen errepasoa egingo dugu.
Europako errugbiko finalek Bilbo hartuko dute asteburuan, 75.000 zalerekin
Bizkaiko hiriburuak EPCR Challenge Cup eta Champions Cup finalak hartuko ditu ostiralean eta larunbatean San Mamesen. Ekitaldiak milaka bisitari, trafiko mozketak, garraio publikoaren indartzea eta segurtasun eta garbiketa dispositibo zabala ekarriko ditu.
Euskal Sukaldaritza Berriaren sortzaileek, Txomin Etxaniz upategiko familiak eta Izaskun Orivek jaso dituzte Gastronomia Sariak
Eusko Jaurlaritzak 2025eko Euskadi Gastronomia Sariak banatu dizkie gaur "euskal gastronomiaren historia eta etorkizuna markatu duten erreferenteei". Lehen edizio honetan, saridunak honakoak izan dira: Euskal Sukaldaritza Berriaren sustatzaileak, gastronomiako ibilbide onenaren sari bereziarekin; Andres, Ernesto eta Iñaki Txueka Isasti anaiak, Txomin Etxaniz upategiko arduradunak, enogastronomia ibilbide onenaren sariarekin; eta Izaskun Orive Aizpuru, AidTec Solutions enpresaren sortzailea, talentu gaztearen sariarekin.
Nogen, Janus Lester, Maialen Lujanbio eta Amets Arzallus igoko dira oholtzara EHUk San Mames egingo duen festan
Euskal Herriko Unibertsitateak antolatu duen gradu eta graduondo amaierako lehen ekitaldi bateratua ekainaren 12an egingo da. Palestinaren aldeko keinu batekin borobilduko dute ekitaldia; palestinarrez osatutako Sol Band taldeko abeslariak hartuko du parte.
Hizkuntza gutxituen irakaskuntzarako estatutua agindu du Frantziako Hezkuntza ministroak
Asanblea Nazionalean gai horren inguruko batzordea gidatzen duten Peio Dufau eta Paul Molac diputatuek uste dute “aurrerapauso” handiak etorri daitezkeela euskarazko zein bretoierazko hezkuntzari dagokionean.
Igandean irekiko dute A-15 errepidearen azken zatia, Belabietako tunela, Donostiarako noranzkoan
Zortzi urteko lanen eta 95 milioi euroko inbertsioaren ondoren, igande honetan irekiko dute A-15 errepidearen azken zatia, Belabietako tunela, Donostiarako noranzkoan. Gipuzkoako ahaldun nagusiak azpiegitura horren garrantzia azpimarratu du, tunel seguruagoak, adimentsuagoak eta iraunkorragoak baititu.