Indarkeria matxista
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Gizon bat atxilotu dute Tuteran, indarkeria matxistagatik, alabak abisua eman ostean

Gertakariak larunbatean izan ziren, 21:25ean. 59 urteko gizona atxilotu dute, genero-indarkeriako delitu bat egotzita. Alabak jakinarazi zuen bere ama aitarengandik tratu txarrak jasotzen ari zela. Amak berak abisua emana zuen 016an.

Agentziak | EITB Media

Azken eguneratzea

Tuterako Udaltzaingoak 59 urteko gizon bat atxilotu du indarkeria matxista delitu bat egotzita, haren alabak berak abisua eman ostean. Biktimak berak ere Genero Indarkeriaren aurkako 016 telefonoan abisu eman zuen. 

Larunbat honetan, 21:25ean, gertatu zen,  Tuterako Udaltzaingoak jakitera eman duenez. Genero-indarkeriako delitu baten ustezko egilea delakoan, 59 urteko gizonezko bat atxilotu dute. Biktimaren alabak jakinarazi zuen ama tratu txarrak jasotzen ari zela aitarengandik.

Gertakariak egiazkoak zirela eta biktimak 016ra deitu zuela egiaztatu ondoren, atxilotua Foruzaingoaren polizia-etxera eraman zuten, eta zaintzapean izan dute epailearen aurrera eraman bitartean. 

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Gizartea Indarkeria matxista Nafarroa Tratu Txarrak Tutera Indarkeria matxistaren biktimak Eguneko Titularrak

Zure interesekoa izan daiteke

Gehiago ikusi
Publizitatea
X