Ertzaintzak publiko egin du epaitegietara bidalitako jakinarazpena, arma ustez ostu zuen gazteari buruzkoa
Ertzain bati pistola ustez ostegatik atxilotutako gazteari buruzko auzian, Eusko Jaurlaritzako Segurtasun Sailak argitaratu egin du Bilboko epaitegiari bidalitako jakinarazpena. Idatzian argi geratzen da 19 urteko gazteari leporatu ziotela lapurreta, eta indarkeria matxistagatik aurrekari larriak zituenez, biktimari babes neurriak handitzeko erabakia hartu zela. Atzo bertan, kontrakoa esan zuen Aner Uriarte Bilboko epaile dekanoak, Ertzaintzak lapurretaren inguruko atestatua bidali ez ziela nabarmenduta.
Jakinarazpena telematikoki agindu zuen Ertzaintzak astelehen eguerdian, hots, gaztea epailearen esku geratu baino ordu batzuk lehenago.
Bertan irakur daitekeenez, ikerlariek larunbatean bertan jo zuten gazte matxista pistolaren lapurtzat, eta bila aritu arren, une horretan desagertuta zegoela ohartarazi zuten. Hori horrela, gizonaren bikotekide ohia arriskuan zegoela ondorioztatuta, biktimaren babes maila gorenera igotzea ebatzi zuten.
19 urteko gizonezkoak astelehen arratsaldean aurkeztu zuen bere burua Ertzaintzaren komisarian; ez zuen, baina, pistolarik eraman. Egun horretan bertan geratu zen epailearen esku, eta horrek aske utzi zuen. Epaitegietatik adierazi zutenez, gaztea indarkeria matxistaren inguruko auziagatik utzi zuten libre, ez omen zekitelako pistolaren lapurretan nahastuta zegoela.
Hain zuzen ere, bertsio hori berretsi zuen atzo arratsaldean Aner Uriarte Bilboko epaile dekanoak. Ohar bidez nabarmendu duenez, Ertzaintzak ez zuen lapurretaren inguruko atestatua aurkeztu, eta epaitegietara heldu zen "bakarra" Bilboko Zigor arloko 7. epaitegiak horrekin zerikusirik ez zuen "atxiloketa agindu baten inguruko atestatua" izan zen. "Guardiako epaileak zitazio horren ingurukoak jakinarazi eta, horren arabera, atxilotutakoa aske uztea ebatzi zuen, erantsi zuen.
Albiste gehiago gizartea
Karabela portugesa gorabeherak eragiten ari da Euskal Herriko hondartzetan
Donostiako Zurriolan eta Kontxan, eta Bizkaian Bakioko hondartzan atzeman dituzte. Itsas korronteen eta haizearen ondorioz iritsi ohi dira bizidun horiek itsasertzera, eta zenbaitetan horien ziztadak arriskutsuak izan daitezke.
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.