Fronte bat sartuko da eta euria egingo du astearen hasieran
Atzoko ostarte zabalen eta tenperatura epelen ondotik, astea hastearekin batera, hoztu egingo du eta euria itzuliko da, bereziki ipar partean. Euskalmeten eguraldi iragarpenaren arabera, hori izango da aste osoko joera orokorra. Dena den, asteazkenean eta igandean atertu eta giro epela izango dira nagusi.
Astelehenean, eguraldi aldaketa dator. Eguna lehorretik hasiko dugu, erdi-mailako hodeiekin eta goi-hodeiekin, baina goizak aurrera egin ahala, fronte bat sartuko da, lainotu eta euritara joko du. Euria denera zabalduko den arren, euri gehien isurialde atlantikoan egingo du. Haizea hego-mendebaldetik sartuko da hasieran; eguerdi partean, baina, ipar-mendebaldekoari emango dio paso, eta zakartu egingo da, bereziki kostaldean. Egunsentia epelagoa izango da; maximoak, berriz, apur bat jaitsiko dira.
Asteartean, moteletik eta bustitik jarraituko du. Zerua lainotuta egongo da eta euria egingo du tarteka, bereziki isurialde atlantikoan eta egunaren lehen partean; euria sarriago egingo du orduan. Azken orduetan, atertzera egingo du eta hodeitza saretuko da. Goizean, ipar-mendebaldetik sartuko da haizea; egunak aurrera egin ahala, ahuldu egingo da, eta norabide aldakorreko haize ahula ibiliko da azken orduetan. Tenperaturak berdin jarraituko du.
Asteazkenean, hego-haizeak tenperatura igo eta zerua garbituko du, batez ere ipar partean. Une batzuetan zerua oso lainotuta agertuko bada ere, beste batzuetan ostarte ederrak zabalduko dira, eguerditik aurrera gehienbat. Tenperatura maximoak nabarmen igoko dira eta beroenak 19-20 graduren bueltan geldituko dira ipar isurialdean, eta, 15 graduren bueltan, barnealdean.
Ostegunean, giro ezegonkorra itzuliko da, eta, itsasoko haizea nagusituko denez, hoztera egingo du. Euria egiteko arriskua egongo da eta, oro har, giro umela izango da nagusi. Ostiralean, itsasoko haizea ibiliko da, hotz egingo du eta euria egin dezake.
Asteburuari begira, larunbatean euria egiteko arriskua txikiagoa izango da eta igandean, berriz, giroa lehorragoa eta argitsuagoa izango da.
Kontsulta ezazu eguraldiaren iragarpena eitb.eus-en, eta bidali zure argazkiak eta bideoak.
Zure interesekoa izan daiteke
Nafarroako Larrialdietako Zuzendariordetzak botako du sanferminetako txupinazoa
Erakunde hori aukeratu dute herritarrek bozketan, Joseba Asiron alkateak iragarri duenez.
Hasi dira presoak Martuteneko espetxetik Zubietara lekualdatzen
Goizean hasi dira, furgonetetan, presoak Martuteneko espetxetik ateratzen. Gauzak ondo bidean, aste honetan amaituko da lekualdatzea eta kartzela zaharra ekainaren 24an itxiko dute betiko, bertan zeuden 254 presoak Zubietara eraman ostean.
44 urteko garraiolari bat hil da Murchanten, beste kamioi batekin izandako istripu batean
Ezbeharra AP-68an gertatu da. Bertaratu diren langileek ezin izan dute ezer egin hildakoaren bizia salbatzeko. Istripuan 41 urteko beste garraiolari bat zauritu da.
Eusko Jaurlaritzak EHUri eskatu dio euskara azterketetako zeroen auziko "balizko gorabeherak" aztertzeko
Unibertsitate eta Hezkuntza sailburuek eta errektoreak urgentziazko bilera bat egin dute, giro adeitsuan. Aurretik, Jaurlaritzako bozeramaileak azkartasuna eskatu du zuzenketetan, eta zuzenketa horiek unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, eta milaka euroko kalteak eragin dituzte.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago inolako salaketarik, eta Fiskaltzak ezin du ofizioz jardun salaketarik ez dagoenean.
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.