Tabakorik eta alkoholik gabeko gune gehiago ezarriko dituzte Euskadin, drogen kontsumoaren hasiera atzeratzeko
Eusko Jaurlaritzaren adikzioen plan berriak gune osasungarri gehiago sortzea bilatuko du, alegia, tabakorik eta alkoholik gabeko toki gehiago egotea, eta horrekin drogen kontsumoaren hasiera gibeleratzea.
Osasun sailburu Gotzone Sagarduik azaldu duenez, 2023-2027rako diseinatutako planak 58 berritasun dakartza.
Alkohola eta tabakoa, gehien kontsumitzen diren droga legalak
Sailburuak azaldu du tabakoa eta alkohola —biak legalak— direla gehien kontsumitzen diren drogak, nahiz eta horien kontsumoak behera egin duen.
Alkoholaren kontsumoa jaitsi egin da, batez ere, gutxitu egin delako egunero alkoholdun edariak edaten duten pertsonen kopurua. 2005etik, bestalde, tabako pakete gutxiago saltzen dira, baina zigarro elektronikoak gorantz ari dira.
Gune osasungarriak sortzeko ildo horri jarraikiz, kerik eta alkoholik gabeko espazioak ugarituko dituzte.
Kalamuari dagokionez, gutxiago kontsumitzen da orain, baina arduraz hartu dute plana diseinatzen jardun dutenek kalterik eragiten ez duten drogatzat dutela askok, eta gazteen artean kontsumoa areagotu dela.
Lasaigarrietan eta antidepresiboen kasuan, gora egin du kontsumoak, batik bat, emakumeen artean. Horixe bera gertatu da edari energetikoekin.
Droga ilegalen kontsumoa 90eko hamarkadako mailan dago orokorrean, nahiz eta heroinak gorakada izan duen.
Jokoa ere izan dute aztergai. Euskal gizartearen erdiak loteria erosi eta kinielak jokatzen ditu. Internet bidezko jokoan ere, geroz eta diru eta denbora gehiago xahutzen da.
Azkenik, bideo-jokoen, interneten eta sare sozialen gehiegizko erabilera nabarmendu dute, biziki ari delako hazten, bereziki nerabeen eta gazteen artean. Ondorioztatu dutenaren arabera, pandemiak eragina izan zuen horretan.
Zure interesekoa izan daiteke
Sei kilometrorainoko auto-ilarak sortu dira Barakaldorako noranzkoan, Avanzadan eta Txorierrin
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
40 urteko gizon bat atxilotu dute bikotekideari eta Gasteizko taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Lukas Aguirre kasuko fiskalak esan du labankadak "hiltzeko asmoz" hil zituztela
Eskatu 22 urteko kartzela-zigorra bai labankaden ustezko egile materialarentzat, bai ustez labana eman zion gizonarentzat, gogorarazi du biktimak ez zuela ebakirik eskuetan, ezta "defentsa-zauririk" ere.
Maialen Mazonen senarra espetxean artatu zuen medikuak esan du ez zuela buru nahasmendu zantzurik
Azaldu duenez, atxilotu zuten delituaren ezaugarriengatik sartu zuten Jaime Roca auzipetua suzidioak prebenitzeko programan, ez bere buruaz beste egiteko arriskua zegoenik detektatu zutelako. Epaiketaren seigarren saioa hartu du gaur Arabako Lurralde Auzitegiak.
Iran eta sarreren prezioa polemikaren erdigunean, Munduko Futbol Txapelketa hasteko hilabete falta denean
Irango selekzioak parte hartuko duen baieztatu gabe dago oraindik. Bestalde, sarreren "prezio aldakorrak" salatu dituzte; hori ohikoa da NBA eta NFL ligetan.
