TRAFIKO-ISTRIPUA
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

AP-8 autobidea ireki dute berriro Oiartzunen, bi ibilgailuk eta kamioi batek istripu larria izan ostean

Pertsona bat zauritu da eta Donostia Ospitalera eraman dute. Autobidea itxita egon da Irungo noranzkoan 13:00ak arte. Auto-ilarak 2 kilometrokoak izan dira eta egoera bere onera itzuli da.
AP-8aren egoera istripuaren ondoren. Argazkia: Trafiko orrialdeko webcam-a.
AP-8aren egoera istripuaren ondoren. Argazkia: Trafiko orrialdeko webcam-a.

EITB MEDIA

Azken eguneratzea

AP-8 autobidea zabalik dago jada Oiartzun parean, Irungo noranzkoan, bi ibilgailuk eta kamioi batek gaur goizean izandako istripu larriaren ostean, Eusko Jaurlaritzako Trafiko Zuzendaritzak jakinarazi duenez.

Istripua 10:42an gertatu da, autobidearen 9. kilometroan. Pertsona bat zauritu da eta Donostia Ospitalera eraman dute.

Istripuaren ondorioz, errepidea itxita egon da 13:00ak arte, gutxi gorabehera. Denbora horretan, garabiak bertan egon dira, ibilgailuak kentzeko, eta Ertzaintzak udalerriko gasolindegitik desbideratu du trafikoa. Istripuak 2 kilometroko auto-ilarak sortu ditu.

Gizartea Trafiko Istripuak Trafikoa Oiartzun Eguneko Titularrak A8 Autobidea

Zure interesekoa izan daiteke

Gehiago ikusi
Publizitatea
X