Jundizko legez kanpoko lasterketako bi gidariei arduragabekeriak eragindako homizidio delitua leporatu diete
Epaileak aske utzi ditu, karguekin eta kautelazko neurriekin, Jundiz industrialdeko (Gasteiz) legez kanpoko lasterketan parte hartu zuten bi gidariak. Lasterketa horretan, hirugarren auto batekin istripua izan zen, eta hartan zihoazen bi gazte hil ziren. Epaileak "ausarkeriaz gidatzea eta hirugarrenen bizitza mespretxatzea" egotzi die, bai eta "arduragabekeriak eragindako homizidio delitu bana" ere. Gainera, gidabaimena eta pasaportea kendu dizkie, eta astero epaitegira joan beharko dute.
Gidarietako bat arin zauritu zen istripuan, eta gaur guardiako epaitegian deklaratzera deitu zuten. Beste inplikatua atzo atxilotu zuen Udaltzaingoak, Atestatuen Unitateak gertakariak argitzeko egindako ikerketaren barruan.
Epailearen aurrean deklaratu dute biek, eta epaileak behin-behinean aske utzi ditu, ikerketak aurrera jarraitzen duen bitartean.
Antza denez, bi gazteak gama altuko auto bana gidatzen ari ziren abiadura handian, eta elkarren aurka legez kanpoko lasterketa bat egiten ari ziren. Une jakin batean, BMW batek, abiadura handian zihoala, Volkswagen Poloa jo zuen, une horretan aparkalekutik bidera sartzen ari zena.
BMWa baino askoz txikiagoa zen auto horretan, lau gazte zihoazen: horietako bi, 18 urteko neska bat eta 20 urteko mutil bat, hil egin ziren; beste bat oso larri zauritu zen, eta laugarren batek, kopilotuak, lesio arinak egin zituen.
BMWko gidariak (23 urte) negatibo eman zuen alkohol- eta droga-probetan.
Atzo, ustez BMWarekin lehiatzen ari zen ibilgailuaren gidaria atxilotu zuten, eta, beraz, berretsi egin zuten poliziaren hipotesia; hau da, istripu hilgarrian inplikatutako auto hori beste ibilgailu batekin legez kanpoko lasterketa batean parte hartzen ari zela.
Iñaki Gurtubai Gasteizko Segurtasun zinegotziak zehaztu du atxilotu duten auto-gidariak alde egin zuela istripua gertatu zen lekutik, eta segurtasuneko kamerei esker harrapatu duela Udaltzaingoak.
Horren arabera, BMW urdin bat eta BMW gris bat ari ziren lasterketa batean lehiatzen, eta ziztu bizian zihoazela, bidera atera omen zen Volkswagen Poloa. BMW urdinak jo zuen Poloa, eta zinegotziak esan du auto horren gidariak, larri dagoenak, "arduragabekeriaz" jokatu zuela edo "hanka-sartze handia" egin zuela errepidera atera zenean.
Zinegotziak azpimarratu du ikerketak aurrera jarraitzen duela, baina gertatutakoaren nondik norakoak nahiko argi daudela, xehetasunak falta diren arren.
Albiste gehiago gizartea
Basaurin eta Bilbon sexu-erasoak egiteagatik bi aldiz atxilotu ondoren espetxeratu dute
Ertzaintzak gizon bat atxilotu du, Bilboko Udaltzaingoarekin elkarlanean, sexu-askatasunaren aurkako bi delitu egiteagatik, emakume bati telefono mugikor bat indarrez lapurtzen saiatzeagatik eta biktimari lagundu nahi zion gizonari lesioak eragiteagatik.
EBko herrialde handiek ez dute babestu 2040rako emisioak % 90 murriztea. Orain, zer?
Besteak beste, Frantziak, Alemaniak, Italiak eta Poloniak ez dute babestu Europako Batzordearen proposamena, eta orain arteko EBren lidergo klimatikoa kolokan jarri dute.
"Neurri horien aurkako jarrerek negoziazioa zailtzen dute eta Europar Batasunak bloke moduan duen indarra apaldu egiten da"
Mundu mailako berotzearen ondorioz neurriak hartzea premiazkoa bada ere, Europar Batasuneko potentzia handiek, hala nola Frantziak, Alemaniak, Italiak eta Poloniak, uko egin diote 2040rako berotegi-efektuko isurketak % 90 murrizteko Europako Batzordearen proposamenari. Jon Sampedro BC3ko ikertzaileak azaldu du zeintzuk izan diren neurria ez babestearen arrazoi nagusiak.
Ertzaintza Bernedoko udalekua ikertzen ari da, salaketa publiko baten ostean
Hainbat familiak salatu dutenez, 13 eta 15 urte bitarteko neska-mutilak modu mistoan dutxatzera "behartzen" zituzten.
Espetxera bidali dute Solokoetxeko hilketagatik atxilotuetako bat
Krimenagatik atxilotutako beste biak aske utzi ditu epaileak, kautelazko neurriekin.
"Plazentan oso aztarna baliagarriak egon daitezke umearen bilakaera eta osasuna ulertzeko"
Emakume haurdunen odol eta plazenta laginez osatutako biobanku bat sortu du Osakidetzak, gaitz metabolikoak eta neurologikoak ikertzeko. Nora Fernandez Biobizkaiko IRLAB-Inmunogenetika Ikerketa Laborategiko ikertzaileak iragarri duenez, etorkizunean izan daitezkeen gaitzak "beharbada, plazentan aurreikusi daizteke".
Emakume haurdunen odol eta plazenta laginez osatutako biobanku bat sortu du Osakidetzak, gaitz metabolikoak eta neurologikoak ikertzeko
Gurutzetako Ospitalean erditzen diren emakume haurdunek odol-lagin bat eta plazentaren zati txiki bat eman ahal izango dute. EAEko biobankuan gordeko dira, eta diabetesa, hipertentsioa eta garapen neuronaleko nahasmenduak ikertzeko erabiliko dira, goiz diagnostikatzeko eta hobeto artatzen laguntzeko.
Zupiriak esan du Vueltako hiru "gertakari" ikertzen ari direla
Bingen Zupiriak adierazi duenez, Espainiako Txirrindularitza Itzulian Bilbon gertatu ziren gertakariak ikertzen ari dira. Zehazki, elkarbizitzarako arauen aurkako hiru gertakari ikertzen ari dira. Adierazpenak, gaztelaniaz.
Barakaldo eta Santurtzi arteko tartea autobusez egingo da, Renfeko Aldirietako katenarian izandako matxura konpondu arte
Barakaldo eta Bilbo arteko zerbitzuak, baita Bilbo eta Muskiz artekoak ere, betiko moduan ari dira eskaintzen. Hala ere, Bilbo-Santurtzi ibilbidearen kasuan, trenak Barakaldoko Desertu geltokiraino bakarrik ari dira.
Euskadin adingabeei egindako sexu abusuen biktima ia denak (% 92) neskak dira, eta gehienak, 15 urtetik beherakoak
Save The Children gobernuz kanpoko erakundeak haurren kontrako sexu abusuen inguruko 88 epai aztertu ditu, 2019tik 2024ra bitartekoak. Halaber, kasu guztietan akusatua gizona zen.