Laudio B.C. Eskubaloi Taldeak entrenatzaile bat kanporatu du adingabe bati sexu erasoa egiteagatik
Laudio B.C. Eskubaloi Taldeak entrenatzaile bat kaleratu du adingabe baten kontrako sexu erasoa egitea egotzita, klubak berak sare sozialetan argitaratutako oharrean salatu duenez.
"Laudio Eskubaloi Klubetik jakitera eman nahi dugu La Granjako kiroldegian jokatu zen gizonezko kadeteen partiduan gertatutakoa: epaileak ipurdian jo zuen adin txikiko neska bat, haren baimenik gabe. Klubetik biktima eta haren senideak gertatutakoa Ertzaintzan salatzera animatu ditugu", dio oharrak.
Ertzaintzak eitb.eus-i baieztatu dionez, ikerketa irekita dago salaketa bat jaso ostean.
Epaile ari zen pertsona klubeko entrenatzaile bat ere bazela argitzen du oharrak, eta gertatutakoaren ondoren, kaleratu egin dutela. Radio Llodiok zabaldu duenez, erasoa partidaren atsedenaldian gertatu zen, bigarren zatia hasi baino minutu batzuk lehenago.
"Laudio Eskubaloi Klubetik horrelako jokabideak erabat gaitzetsi nahi ditugu eta horiek salatzera bultzatu", gaineratu du klubak.
Laudioko Udalak adingabekoaren eta haren familiaren esku jarri ditu "beharrezko baliabide guztiak", eta eskerrak eman dizkio Laudio B.C. taldeari izan duen jarreragatik.
Zure interesekoa izan daiteke
Arratiko Zekorrak taldeak saldutako loteria txartelen auzian kaltetutakoen artean ziurgabetasuna eta haserrea da nagusi
Igorreko errugbi klubari loteria-partaidetzak erosi eta Gabonetako zozketan sarituak gertatu ostean, dagozkien diru-kopurua jaso ez duten kaltetuek haserre eta ziurgabetasun handiz bizi dute egoera. Dagoeneko salaketak jarri dituzte, eta gehienek uste dute iruzur egin dietela.
Duranako Ikasbidea Ikastolako ikasbidaia bat ikertzen ari dira, adingabeei droga hornitu zietelakoan
EITBk jakin ahal izan duenez, Mediterraneoan barrena gurutzaontzi batean bidaiatu zuten gazteek, eta barkutik bertatik gazteek familiei egindako deiek piztu zituzten alarmak. Uste dute hainbat neskei edarira substantziaren bat bota zietela.
Dagoeneko 100 dira Arratiko Zekorrak taldeak saldutako loteria txartelen auzian salaketa jarri duten herritarrak
Behar baino 225 partaidetza gehiago saldu zituela aitortu du Arratiko Zekorrak errugbi taldeak. 2,2 milioi euroko zuloa dago, saritutako txartel bakoitzari 9.600 euro dagozkio eta. Kaltetuak plataforma batean elkartzekotan dira.
Guardia Zibilak berretsi du Maialen Mazonen arrisku egoera "muturrekoa" zela
Maialen Mazonen hilketa argitzeko epaiketaren laugarren egunean, ustezko hiltzailearen amak deklaratu du. Adierazi du semea "egoera normalean" ez dela halakorik egiteko gauza.
"Kuadrilla" kartelak iragarriko ditu 2026ko sanferminak
Marta Garatea artista iruindarraren artelanak festako uneak eta pertsonaiak uztartzen ditu, kolore bero eta bizien bidez. Kartela herri-bozketaren bidez aukeratu dute, eta inoizko parte-hartzerik handiena izan da: 10.000 boto baino gehiago jaso ditu.
24 partidako zigorra ezarri diote futbol-jokalari bati epaileari eraso egiteagatik, Nafarroan
Erasoa pasa den asteburuan gertatu zen, CDA Rotxa eta UD Mutilvera C taldeek jokatutako gazte mailako futbol partidan.
Adimen artifizialarekin sortutako irudi sexualizatuak debekatu ditu Europar Batasunak
Irudi sexualizatuak nahiz haurren kontrako sexu-abusuekin lotutako edukiak sortzeko helburu bakarra duten adimen artifizialeko sistemak debekatu egingo dira 2026ko abenduaren 2az geroztik. Grok X sare sozialeko AAko tresnak sortutako ika-mikaren ondoren adostu dute neurria.
'MV Hondius' ontziak Kanaria Uharteetara heltzeko egingo duen bidea, hemen
Hantabirus kasuak atzemandako itsasontziaren bidaia maiatzaren 9an iritsiko da Kanarietara, zehazki, Granadillako industria-portura. Hortik, tripulatzaileak Tenerife Hegoaldeko Nazioarteko aireportura eramango dituzte.
Gutxienez sei kilometroko auto-ilarak AP-8 autobidean, Usurbilen, Irunerako noranzkoan
Lau autok istripua izan dute, eta erreietako bat itxita dago AP-8 autobidean, Usurbil parean, Irunerako noranzkoan. Bigarren istripu batek are gehiago zaildu du egoera, eta auto-ilara luzeak sortzen ari dira Irunerako noranzkoan.
Albiste izango dira: hantabirusaren azken ordua, Tubos Reunidosko langileen batzarra eta Gabonetako Loteriaren Igorreko auzia
Gaurkoan Orain-en albiste izango direnen laburpena, bi hitzetan.