Beste bi pertsona atxilotu dituzte Real Sociedad-Benfica partidaren aurreko istiluengatik
Ertzaintzak beste bi pertsona atxilotu ditu, Realak eta Benficak azaroaren 8an jokatu zuten Txapeldunen Ligako partidaren aurretik izandako istiluengatik. Atzo atxilotutako bi horiei gertakariak izan ziren egunean bertan Reale Arena estadioaren inguruetan atxilotutako laurak gehitu behar zaizkie. Gainera, beste 13 pertsona ikertzen ari dira eta epailearen aurrera eramango dituzte.
Atzo atxilotutako 21 eta 40 urteko gizonei desordena publikoak eta lesioak eragitea eta "liskar nahaspilatsu" batean parte hartzea leporatu diete, Eusko Jaurlaritzako Segurtasun Sailak gaur goizean zabaldu duen ohar baten bidez jakinarazi duenez.
Azaroaren 8 hartan, istiluak eta borrokak izan ziren Amarako Armeria plazan Realeko eta Benficako zaleen artean, Txapeldunen Ligako partidaren atarian.
Segurtasun Sailaren oharrak dioenaren arabera, partidako segurtasun dispositiboan parte hartzen ari ziren agenteek esku hartu behar izan zuten eta egunean bertan lau pertsona atxilotu zituzten.
Ertzaintzak ikertzen jarraitu du eta atzo bi pertsona atxilotu zituen Lezon eta Usurbilen, istilu horiekin lotura zutelakoan.
Atxilotuak Donostiako ertzain-etxera eraman zituzten, eta, izapideak amaitutakoan, epailearen aurrera eramango dituzte.
Gainera, Ertzaintzak beste 13 pertsonari jakinarazi die ikerketapean daudela gertakari horiengatik.
Bultzada TxuriUrdinak atxiloketak salatu ditu. Halaber, protesta gisa iragarri du ostiral honetan ez direla Realak eta Villarrealek jokatuko duten partidara joango eta Reale Arenako Aitor Zabaleta harmaila hutsik utziko dutela.
Zure interesekoa izan daiteke
Kontrolpean dago Derion, Loiuko aireportutik gertu, piztu den sutea
20:30 aldera sutea piztu da zen atzo Derion, Loiuko aireportutik oso gertu. Sua San Isidro auzoko baso batean piztu zen, Aiartza mendian, eta gauean lanean arituta, kontrolpean izatea lortu dute suhiltzaileek. Suteak ez du eraginik izan aireportuaren funtzionamenduan.
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Aldaketa asteartetik aurrera, eta euria asteazkenerako zein ostegunerako
Astearte goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.