Arretaz gidatzeko gomendatzen dute Arabako zenbait mendatetan elurragatik eta izotzagatik
Azken orduotan elur-mailak izan duen beherakadak (500 metroraino une batzuetan) elurra eta izotza ekarri ditu Arabako eta Nafarroako zenbait mendatetara, eta, ondorioz, arretaz gidatzeko gomendatu dute.
Ez dago mendaterik itxita Araban, baina Eusko Jaurlaritzaren Segurtasun Sailak arretaz gidatzeko eskatzen du Altuben, Azazetan, Bernedon, Gasteizko mendatean, Herreran, Kruzetan, Urduñan eta Opakian. Bizkaian, berriz, Diman mendatean bakarrik jarri dute abisua.
Nafarroan, lodi bota du elurra Pirinio aldean, eta Belagua itxita dago aterpetik aurrera elur-jausi arriskuagatik. Otsagabia eta Irati arteko NA-2012 errepidea ere itxi dute elurragatik, Izabatik Iparraldera doan NA-137a eta Zaraitzutik Iparraldera doan NA-2011 bezalaxe. Gainera, kateak behar dira Auritz eta Izaba arteko NA-140 errepidean.
Eguraldiaren iragarpena
Gaur, euri-zaparradak eta giro hotza izango dira nagusi. Tenperaturak maximoak 10-11 ºC inguruan geratuko dira kostaldean eta 6-7 ºC inguruan barnealdean, eta baliteke izotza egitea barnealdeko zenbait lekutan eta mendi inguruetan. Zeruan zaparradak ekarriko dituzten hodeitzar ilunak eta ostarteak tartekatuko dira, isurialde atlantikoan bereziki; gainera, goizean, trumoi-ekaitzak izan daitezke eta txingorra egin dezake. Elur-kotak gora egingo du: goizean goiz, 600 metrora egongo da, eta arratsaldean, 1.000 metrotik gora. Mendebal ipar-mendebaldeko haizea ibiliko da egunaren lehen partean; arratsaldean, berriz, baretu eta aldakor ibiliko da.
Kontsulta ezazu eguraldiaren iragarpena, eta bidali zure argazkiak eta bideoak.
Albiste gehiago gizartea
"Bruce Springsteenek garrantzi berezia eman nahi izan dio euskarari Donostiako bi kontzertuetan"
Amaia Izpizua Get In enpresako promotoreak Bruce Springsteenek Anoetan interpretatu dituen bost abesti euskaratu ditu. "Askatasunaz hitz egiten duten abestiak dira, eta Trump administrazioa hartzen ari den ildoaren aurkakoak dira", adierazi du Izpizuak.
Euskarak BAME azterketan nola puntuatuko duen aztertzen ari da Osasun Ministerioa, baina "ez da aurretiazko baldintza izango”
Gainera, hizkuntzak ez du BAME azterketako baremazioa aldatuko Monica Garcia ministroak Kongresuko Osasun Batzordean esan duenez.
Kamioi batek su hartu du AP68 errepidean, Zuian
Autoak zeramatzan kamioi batek su hartu du AP68an, Zuian, Zaragozarako noranzkoan. Arabako suhiltzaileak bertaratu dira eta errepidea itxita dago oraindik. Trafikoko zuzendaritzak azaldu duenez, auto-pilaketak daude.
Sexu-esplotazioko sare batean zeuden 12 emakume askatu dituzte Euskadin
Polizia Nazionalak sei autonomia-erkidegotako prostituzio-etxeetan emakumeak sexualki esplotatzen zituen erakunde kriminal bat desegin du, besteak beste, Euskadin. Askatutako 18 biktimak —12, Euskal Autonomia Erkidegoan— Kolonbian erakarri zituzten, lan egingo zutela zin eginda, gezurra esanda. Proposamen faltsua onartutakoan, 8.000 euroko zorra zuten esplotatzaileekin, eta prostituzioan jardunez kitatzera behartzen zituzten. Bost atxilotu daude —hiru Bilbon eta bi Gijonen—, horietako bi behin-behineko espetxealdian sartu dituzte, eta sei etxebizitza itxi dituzte.
Lau pertsona atxilotu dituzte sei probintziatako supermerkatuetan 36 lapurreta egiteagatik
Lapurretak 2024ko uztailetik 2025eko apirilera bitartean egin ziren Burgos, Kantabria, Gipuzkoa, Nafarroa, Araba eta Bizkaiko hainbat supermerkatu-katetan.
Arabako Auzitegiak gizon bat epaituko du asteazken honetan, emaztea eta bien alaba adingabeak behin baino gehiagotan bortxatzea leporatuta
Fiskaltzaren eta akusazio partikularraren arabera, gizonak tratu txarrak ematen zizkion emakumeari eta behin baino gehiagotan bortxatu zituen bikotekidea eta bi neskatoak.
Hilketa matxista: gizon batek bikotekidea hil du Getafen
Gertakariak Madrilen jazo dira. Bizilagunek Poliziari ohartarazi diotenez, gizonezko bat oihuka ari zen, emaztea hilko zuela ohartaraziz.
Artolazabalek gaitzetsi egin ditu Gasteizko lorezainen grebaren testuinguruan jasan dituen "erasoak"
Azken protesta San Joan jaien bueltan gertatu da, bart: lorezainek Beatriz Artolazabalen aurpegidun panpina bota dute Judimendi auzoko sutara. Gasteizko Udalak dagoeneko adostu du gaitzespen testua bozeramaileen ezohiko batzordean; ez da aho batez adostu, baina, EH Bilduk ez baitu ekintza gaitzetsi. "Isilik daogena ere erruduna da", adierazi du Artolazabalek.
Hernaniko alkateak esan du "lintxatu behar zuten" pertsona bat babestu zutela
Istiluak izan dira bart, Hernanin, hainbat talderen artean. Borrokak izan dira, eta Ertzainei objektuak jaurti dizkiete. Segurtasun Sailak adierazi du lagun bat atxilotu dutela.
San Joan bezperan Donostiako Konstituzio plazan dantza egin du Udalbatzak, ohiko legez, lizar lerdena lekuko
Udalbatzak esku dantza tradizionala dantzatu du, Goizaldi, Arkaitz, Eskola eta Gero Axular taldeetako dantzariekin eta Udal Txistulari Bandarekin batera. Behin esku dantza amaituta, lizarrari erritua egiteko unea iritsi da. Eneko Goia alkateak lizarra ureztatu du eta, jarraian, dantzariek su eman diote.