Sexu-indarkeriaren biktimen erdiak adingabeak dira eta, batez ere, neskak
2022an sexu-indarkeriagatik Espainiako Estatuan jarritako salaketen ia erdietan biktima adingabea zen eta, horietatik, 10etik 8 neskak edo nerabeak ziren, Save the Children Gobernuz Kanpoko Erakundeak M8aren harira egindako Silenciadas txostenean bildutako datuen arabera.
Barne Ministerioak 2022an sexu-delituen salaketei buruz emandako datuetatik abiatzen da txostena. Ondoren, adituekin, hainbat arlotako profesionalekin eta nerabeekin kontrastatu dituzte.
Ikerketaren arabera, neskatoa izatea "arrisku-faktore erabakigarria da berriz ere horrelako eraso bat jasan ahal izateko", eta nerabeen sexualitatea hipersexualizazioak eta pornografiak markatzen dute. Txostenak gogorarazten du 10 nerabetik ia 7k horrelako edukiak kontsumitzen dituztela, eta, batez beste, 12 urterekin kontsumitzen dituztela lehen aldiz.
Genero-rolen ondorioz, maitasuna erdigunean izatera, betetzeko zaila den edertasun kanon bat betetzera, sexualki atsegina izatera eta, aldi berean, sexualitatea isilpean bizitzera bideratuta daude nerabeak. Horietan, gizontasun estereotipatua indar fisikoarekin lotuta dago, sexualki aktiboak izatearekin, arrisku-egoerak bizitzearekin, emozioetatik aldentzearekin eta kontrol- eta menderatze-jarrerekin. Azken horiek babesarekin edo afektuarekin nahasten dira.
2022an, 516 salaketa jarri ziren Hego Euskal Herrian sexu-askatasunaren aurkako delituengatik (325 Euskadin eta 191 Nafarroan). Salaketa horiek icebergaren punta besterik ez dira, erasoen % 15 inguru baino ez baitira salatzen. Zigortutako erasotzaileen % 97 gizonak ziren, eta 17 adingabeak ziren (13 Euskadin eta lau Nafarroan).
Txostenak taldeko sexu-erasoei buruzko datuak ere ematen ditu, azken urteetan % 64 hazi baitira. Hala ere, taldeko eraso mota horiek (normalean bi erasotzaileenak Hego Euskal Herriaren kasuan) sexu-indarkeriagatik salatutako delitu guztien % 4,2 baino ez dira. 2022an, Nafarroak 15 salaketa jaso zituen taldeko erasoengatik, eta EAEk bat.
Nerabeek egiten dituzten talde-erasoen kasu zehatzean, biktimek eta erasotzaileek adin antzekoak izaten dituzte (batez beste, 15 urte), eta aurretik ezagutzen dira. Eraso horiek indarkeriak markatzen ditu, fisikoak zein hitzezkoak, eta eraso horien % 10 grabatu edo argazkiak ateratzen dira domeinu seinale gisa. Elkarrizketatutako adituak kezkatuta agertu dira pornografiak horrelako erasoetan duen eraginagatik: "Mutilen artean hasierako erritu bihurtzen ari dira".
Horren aurrean, Save the Childrenek prebentzioa azpimarratzen du, hezkuntza afektibo-sexuala edo teknologia berrien erabilera seguru eta arduratsua bezalako neurriekin.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.