85 urteko gizon baten gorpua aurkitu dute Iruñeko etxebizitza batean
Egunak hilda zeramatzan 85 urteko gizon baten gorpua aurkitu dute Iruñeko Donibane auzoan, Udalak kudeatutako Txoko Berri apartamentu tutelatuetan.
Iruñeko Udaltzaingoko iturriek baieztatu dutenez, ostiralean topatu zuten hilotza. Bizilagun batek eman zuen abisua, 10:50ak aldera, usain txarra antzeman eta atearen azpitik arrak irteten zirela ikusita.
Abisua jaso ostean bertaratu ziren udal langileek aurkitu zuten gizonezkoaren gorpua.
Autopsia egin diote heriotzaren nondik norakoak argitzeko eta Iruñeko epaitegi batek hartu du bere gain ikerketa. Halaber, biktimaren etxebizitza eta eskailera burua desinfektatzeko lanekin jarraituko dute.
Txema Mauleon Iruñeko Udaleko Gizarte Ekintzako zinegotzi ordezkariak aitortu du gertakariak agerian utzi duela "zerbitzua ez dela nahikoa", nahiz eta pertsona hori autonomoa izan.
Deklarazioan, adinekoaren heriotza deitoratu ondoren, zinegotziak azaldu du apartamentu horietan "pertsona autonomoak" bizi direla, "mendekotasunik ez dutenak, berez baliatzen direnak", eta ez dela nahitaezko bisitarik aurreikusten, "baldin eta aldez aurretik etxez etxeko arreta-zerbitzua eskatu ez badute, baina kasu honetan ez da horrelakorik gertatu".
Hala ere, "argi dago" zerbitzua ez dela nahikoa "adineko pertsona horiek behar bezala artatzeko laguntzari eta gainbegiratzeari dagokionez".
Hori dela eta, Gizarte Ekintza arloa lanean ari dela datozen asteetan ezarriko diren hainbat hobekuntzatan ziurtatu du, hala nola plantilla organikoan bost profesional gehiago sartzea, asteazken honetako osoko bilkurara eramango dena.
Helburua gizarte-laguntzako zerbitzua indartzea eta, horrela, "udal-apartamentuetan bizi diren pertsonei arreta egokia bermatzea da. Errefortzu horri esker, zaurgarritasun-egoerak edo beste egoera batzuk detektatu ahal izango lirateke, gertatu eta egun batzuetara pertsona bat hil dela jakin ondoren", adierazi du Udalak ohar batean.
Zure interesekoa izan daiteke
Amaia Galindez, portugaletetarra Granadan: "Urduritasuna eta beldurra nagusitu da hemen"
Granadako bizilagunen artean urduritasuna pil-pilean dago lurrikarak direla eta. Horixe kontatu digu Amaia Galindez portugaletetarrak, bertan bidaian dagoenak.
Eusko Jaurlaritzak ez ditu trafiko kontrolak egingo Oiartzunen, Irunek eskatu duen arren
Cristina Laborda Irungo alkateak "salbuespenezko neurriak" eskatu ditu, oporretatik itzuleran auto-ilarak errepikatuko direla aurreikusita. Hala ere, Ertzaintzak uste du kontrolak jartzeak auto-ilara gehiago eragin eta agenteak eta erabiltzaileak arriskuan jarriko lituzkeela.
Portu Zaharreko jaietan gutxienez hiru sexu-eraso salatu direla jakinarazi du Algortako Mugimendu Feministak
Uztailaren amaieran ospatu ziren San Inazio jaietan ere beste eraso bat izan zela gogoratu dute Getxoko feministek ohar batean.
ENBAk plan bat eskatu du baserri guztiak urez hornitu ahal izateko
Xabier Iraola nekazarien sindikatuko bozeramaileak zehaztu duenez, 5.000 baserri inguru daude Araban, Bizkaian eta Gipuzkoan ur-hornidurako sare publikotik kanpo. Udako lehorteen ondorioz, gero eta gehiago pairatzen dute ur-falta.
4,7ko beste lurrikara batek Granada astindu du, hiru zauritu eta Alhambra itxita utzita
Granadan 4,7ko indarreko beste lurrikara bat izan dute, eta hiru pertsona arin zauritu dira, tartean adin txikiko bat. Granadako Gojar herrian egon da epizentroa, baina Andaluziako beste lurraldeetan ere igarri da. Granadako monumentuak itxi egin behar izan dituzte badaezpada, Alhambra bera ere bai.
Epaileak 24 urteko espetxe-zigorra ezarri dio Nelson David Morenori, Bilbon 73 urteko gizon bat hiltzeagatik
Epaileak 22 urteko zigorra ezarri dio hilketa astunduagatik, eta beste bi urtekoa iruzur informatikoagatik. Laugarren kondena du, eta ikertzaileek uste dute 2021eko udazkenean hildako zazpi gizon homosexualen heriotzekin zerikusia duela.
Suhiltzaileak Urzainkin piztutako baso-sutea itzaltzeko lanean ari dira
Baso suteetarako Babes Zibileko Plan Bereziaren bigarren egoera operatiboa aktibatu du Nafarroako Gobernuak, ostiralean piztu zen sutea berpiztu ostean.
Llantenoko sutea egonkortuta dute eta zaintza- eta hozte-lanetan ari dira suhiltzaileak
Egoerak onera egin duen arren, puntu beroak daude oraindik eta lanean jarraitzen dute Gasteizko eta Espejoko suhiltzaileek. Aiarako Udalak herritarrei eskatu die ez gerturatzeko sute-eremura, suhiltzaileen lana ez oztopatzeko.
Eguzki eklipsearen ondoren, beste bat dator: ilargiarena, partziala, hilaren 28an
Joan den abuztuaren 12ko eguzki-eklipse osoaren ondoren, zeruak fenomeno astronomiko berri bat eskainiko du: abuztuaren 28ko gauean ilargiaren eklipse partziala ikusiko da, eta ilargiaren diskoaren % 93 estaliko du, gutxi gorabehera. Begi hutsez ikusi ahal izango da, instrumentazio berezirik gabe.
Jacan oporretan dauden euskaldunak boluntarioen taldeetan antolatu dira sua herrira irits ez dadin
Huescako sutea itzaltzen saiatzeko boluntaro taldeak antolatu dira. Horietako asko, euskaldunak dira. Jakan etxebizitza duten gipuzkoar eta nafarrak. Sugarrak kontrolatzeko bidean dira suhiltzaileak, baina beraiek ere bere aletxoa jarri nahi dute. Sasi, zuhaitz eta adar; sua indartu dezakeen erregaia kentzen.