Akusatuak Rebeca Huayta emaztea hil izana aitortu du
2022ko abenduaren 28an Bilboko San Frantzisko auzoko taberna batean bikotekidea hiltzea leporatzen zaion gizonak aitortu du bikotekidea hil zuela eta tratu txarrak ematen zizkiola, Bizkaiko Auzitegian abiatu den epaiketaren lehen egunean. Halaber, bere familiari eragindako "min izugarriaz egunero damutzen" dela adierazi du, nahiz eta badakien "esaten duenak ez duela ezer aldatuko".
Epaimahaia hiru gizonek eta sei emakumek osatzen dute, eta akusazioen eta defentsaren azalpenak eman ostean, akusatuak aitortu du "emaztea hil nuela eta harenganako tratu txarrak" izan zirela. Gaineratu duenez, "harreman arazo oso itsusiak zituzten".
Gaur hasi da epaiketa Bizkaiko Auzitegian, herri epaimahaiaren osaketarekin (sei emakume eta hiru gizon) eta 45 urteko gizonaren deklarazioarekin. Akusatua, L.B.T., behin-behineko espetxealdia betetzen ari da.
Ustezko hiltzailearen ondoren, bideokonferentzia bidez deklaratuko dute lehen lekukoek, tartean, hildako emakumearen alabak.
Auzitegiak ahozko saioa egingo du bost saiotan, astelehenetik ostiralera. Fiskaltzak 25 urteko kartzela zigorra eskatu du gizonarentzat hilketa delituagatik, genero eta ahaidetasunaren larrigarriak aplikatuta, eta 3 urte gehiago ohiko tratu txarren delituagatik. Halaber, espetxe zigorra betetzean, zaintzapeko askatasuna izan dezala eskatu du.
Ministerio Publikoaren zein akusazio partikularren arabera, biktima, 45 urteko Rebeca Huayta, labana handi batekin hainbat aldiz sastatu ondoren hil zen, Hilargi tabernan gertatu zen erasoan. Taberna horretan lan egiten zuen biktimak.
"Harreman sentimentalaren baitan, ez zegoen berdintasunik eta emakumea bikotekidearen mende bizi zen" dio Fiskaltzak
Fiskaltzaren txostenak argi uzten duenez, "harreman sentimentalak iraun zuen bitartean, ez zen berdintasunik izan eta emakumea bikotekidearen mende bizi zen": "Biktimak eraso fisikoak jasaten zituen oso modu ohikoan, kolpeak, iletik eta lepotik heltzea, ostikoak..., baita tratu txar psikikoak ere, telefono mugikorra kontrolatzen zion eta senideekin tratua izatea eragozten zion". Fiskalak gogorarazten du bi prozedura zeudela irekita gizonaren aurka aurrez Rebecaren kontrako jarrera biolentoak izateagatik.
Clara Campoamor elkartea eta Bilboko Udala herri-akusazio gisa aurkeztu dira kasu honetan, eta hildako emakumearen alaba, akusazio partikular gisa aurkeztu da.
Clara Campoamor elkarteko abokatuak azaldu duenez, emakumeari eraso egin ondoren, gizonak hilzorian utzi zuen tabernako sukaldean eta etxera joan zen. Hurrengo goizean, udaltzainei deitu zien hilketa aitortzeko.
Udaltzaingoek aurretik ere esku hartua zuten auzipetuaren kontra emakumeari egiten zizkion erasoengatik eta biktima osasun-zentroetara eraman ere bai. Zehazki, hilketa gertatu baino egun batzuk lehenago, L.B.T. genero-indarkeriako delitua egotzita atxilotu zuten. Gainera, beste emakume batzuei ere tratu txarrak emateagatik historia zabala zuen.
Herri-akusazioak 25 urteko espetxe-zigorra eskatuko du auzipetuarentzat, eta, osagarri gisa, zaintzapeko askatasunaren neurria ezartzea 10 urterako, libre geratzen denean.
Zure interesekoa izan daiteke
Zisterna-kamioiak ura Karrantzara eramaten hasi dira, hornidura bermatzeko
Astelehenetik ostiralera, egunero, 250 metro kubiko eramango ditu foru erakundeak Enkarterriko udalerriko hornidura bermatzen laguntzeko.
Migratzaileak Ceutan sartzea ekintza antolatua izan zen ala ez ikertzen ari da Auzitegi Nazionala
Maria Tardon epaileak aurretiazko eginbideak abiatu ditu, eta Polizia Nazionalari txostena egin dezala eskatu dio, uztailaren 30ean eta 31n Ceutara iritsitako migratzaile kopuru handiak erakunde kriminal batek hitzartutako edo zuzendutako jarduera izan ote zen argitzeko.
Babeslekurik eta janaririk gabe: migrazio-krisiak gainezka utzi du Ceutako migrazio-zentroa, eta GKEak ere gainditu egin ditu
Atzerritarrentzako Aldi Baterako Egonaldi Zentroa gainezka dago azken egunotan. Marokotik zein Saharaz hegoaldeko Afrikako herrialdeetatik —Sudanetik eta Txadetik, besteak beste— iritsitako ehunka migratzaile Trampolin hondartzan eta migrazioa-zentroaren kanpoaldean daude zain, tokirik ez dutelako. Bien bitartean, migrazio-presioak GKEak ere gainditu egin ditu. Haien lehentasuna iritsi zirenetik jan barik dauden migratzaileei janaria ematea da, eta, gainera, haien eskubideei buruzko informazioa ematen diete.
betiONek bere zerbitzua zabalduko du nahi ez den bakardadea detektatzeko eta 1.500 zaintzaileri laguntzeko
Telelaguntza-zerbitzu publikoak bakardade-arriskuan dauden erabiltzaileentzako plan pertsonalizatuak gehituko ditu, eta adineko edo mendeko senitartekoak etxean zaintzen dituztenentzako laguntza zabalduko du. Hortaz, uztailean iragarritako telelaguntza prediktibo eta aurreratuaren hedapena osatu egingo da.
Zer da 764 sarea, Gipuzkoako 10 ikastetxetan tiroketa-mehatxuak egin zituen erakunde kriminala
Ertzaintzak, Esquadra Mossoekin eta Guardia Zibilarekin batera, 17 urteko adingabe bat atxilotu du Gipuzkoan. Gazte hori Espainiako Estatuan erakunde transnazional horren erreferente nagusia da, eta gazte kalteberen sextortsio, mehatxu eta manipulazio delituengatik ikertzen ari dira.
Jaien hasiera dela eta, Gasteizko Andre Maria Zuriaren plazako landare-eskultura kendu dute
Urtero bezala, Andre Maria Zuriaren jaiak direla eta, Gasteizko Udalak aldi baterako kenduko du Andre Maria Zuriaren plazan dagoen landare-eskultura, jende gehien biltzen den ekitaldietan kaltetu ez dadin.
Kerman Villateren gurasoak, Gasteizko alkateari: "Hitzemandako barne-ikerketa abiatuko duzu orain?"
Radio Euskadiko erreportaje batek zabaldu duenez, Mitika diskotekako atezainek gutxienez lau gazteri eraso egin zieten Kerman Villate hil aurreko hilabeteetan. Kermanen gurasoek salatu dutenez, atezainek gutxienez 22 eraso egin dituzte; horietako 13, Gasteizko Udalak berak Arartekoari aitortuta.
37 urteko gizon bat atxilotu dute, N-634 errepidean, Zornotza parean, txirrindulari bat autoarekin harrapatu eta hiltzeagatik
Uztailaren 25ean Zornotzan 82 urteko txirrindulari bat harrapatu zuen ibilgailuaren jabea atxilotu egin dute, Bilbon. Gidariak ihes egin zuen istripuaren tokitik, eta biktima egun horretan bertan hil zen, Gurutzetako Ospitalean.
Iñigo Etxezarretak "Zurekin Batera" abestu du Gasteizko jaietako pregoian
Gasteizko Plaza Barria Iñigo Etxezarretaren pregoiaren lekuko izan da. ETSko abeslariak Zurekin Batera abestu du Oreka TX taldearekin batera.
Zangozan desagertutako 84 urteko emakume baten gorpua aurkitu dute
Bilaketa hasi eta gutxira, 20:00ak aldera, desagertutako 84 urteko emakumearen gorpua aurkitu dute. Heriotzaren arrazoia argitzeko ikerketa abiatu du Foruzaingoak. Vadoluengoko San Adrian elizaren inguruan topatu dute haren gorpua.