Estatu Islamikoak Txapeldunen Ligako final laurdeneko partidetan atentatuak egiteko deia egin du
Gizonezko futboleko Txapeldunen Ligako final laurdeneko joaneko partidak daude gaur-biharretan Europan, eta horietan atentatu terroristak egiteko deia egin du Estatu Islamikoak, SITE Intelligence Group talde terroristei jarraipena egiten dien inteligentzia erakundeak baieztatu duenez.
Iturrion arabera, talde jihadistaren gertuko webguneek (Al Azaim eta Sarh al Jilafa) mehatxu irudiak kaleratu dituzte egunotan. Horietako batean (albistean ikusgai) burua estalita duen gizon bat ikus daiteke, fusila eskuan. Atzean partidok jokatuko diren estadioen izenak ageri dira: Santiago Bernabeu eta Metropolitano Arena (Madril), Emirates Stadium (Londres) eta Printzeen Parkea (Paris), eta erdialdean honako esaldi hau ingelesez: "Kill them all" (hil itzazue denak).
Moskuko atentatuak izan zirenetik, alerta terroristaren maila gorenean dago Frantzia. Espainia 5. mailatik 4.ean dago.
Hain justu, Espainiako Barne Ministerioak "lasaitasunerako deia" egin du, eta Madrilen jokatu beharreko bi partidei begira segurtasuna handitu duela azpimarratu.
Ministerioaren esanetan, 2.000 agente izango dira lanean gaur-biharretan Espainiako hiriburuko estadioak zaintzen. Real Madril-Manchester City partida gaur da, eta Atletico Madril-Borussia Dortmund, bihar. Bi kasuetan arrisku handiko partidatzat hartu dituzte segurtasun agintariek.
Barne Ministerioaren arabera, "Espainiako biztanleria lasai egon daiteke bere eguneroko zereginak egiten, munduko herrialde seguruenetako bat da Espainia eta".
Terrorismoaren aurkako taldeetako iturriek EFEri azaldu diotenez, gaur bukatuko da Ramadana, eta halakoetan ohi bezala, mehatxu terroristak gora egiten du, baina horren goratzea sare sozialetan. Horri guztiari Gazako gerra batu behar zaio. Hori horrela, udaberri-uda "beroa" izango dela aurreikusi dute, Europan egitekoak diren bi kirol jarduera garrantzitsu jomuga direla: Parisko Joko Olinpikoak (uztailaren 26tik abuztuaren 11ra) eta Eurokopa Alemanian (ekainaren 14tik uztailaren 14ra).
Albiste gehiago gizartea
Kobetamendiko karabana eta autokarabanen gunea martxan izango da igandetik aurrera, Bilbao BBK Live jaialdia amaitu ostean
Udalak instalazioak berritu berri ditu, azken urteetan izandako erabiltzaileen gorakada nabarmenari erantzuteko. Hemendik aurrera Bilbao Caravan Park izena izango du. Azpiegitura nagusi berri bat sortu da eta instalazio zaharra eraldatu da.
Espetxera bidali du epaileak Anoetan txirrindulari bat harrapatu eta hiltzea leporatuta atxilotutako gidaria
Istripua ostiral arratsaldeko zortzietan gertatu zen, eta bertaratutako osasun-zerbitzuek Zizurkilgo 53 urteko kirolariaren heriotza baieztatu besterik ezin izan zuten egin.
Bilboko Konpartsek jai giroan abiatu dute Aste Nagusirako atzerako kontaketa
Urtero bezala, hainbat ekitaldi antolatu dituzte, konpartsa guztietako kideei eta bilbotarrei zabalik, konpartsakidetzera animatu daitezen, Aste Nagusia eta gainerako jaiak bizitzeko oso modu berezia baita. Bilboko Aste Nagusiari hasiera emateko hilabete eskas geratzen dela gogorarazi dute Bilboko Konpartsek, adiskide arteko giroan, Konpartsakide Egun honetan.
Ibiko suteak ez du sugarrik, eta Navaluengakoak jada 1.500 hektarea erre ditu
Ibin (Alacant), Font Roja parke naturaletik gertu, piztutako baso-sutea perimetratzea lortu dute, eta jada ez du sugarrik. Hala ere, suak martxan jarraitzen du Navaluengan (Avila), 26 kilometroko perimetroarekin, eta 1.500 hektarean da jada.
Zaleak prest Peyresourden, Frantziako Tourraren 14. etapa ikusteko
Familia eta kuadrila asko hiru egun lehenago bertaratu dira lekurik onena hartzera, eta giroaz gozatzera. Hala, dozenaka karabana eta furgonetek kanpaleku erraldoia sortu dute egunotan.
Euskal Herria, arrazakeriaren aurrean, erantzun antolatua
Nafarroako eta Bizkaiko arrazismoaren aurkako kolektiboek elkarretaratzeak egin dituzte larunbat honetan, gorrotoak eta indarkeria arrazistak gora egin dutela salatzeko.
18 urteko pertsona bat zauritu da Arroitzen, auto istripu batean
Zauritua Nafarroako Unibertsitate Ospitalera eraman dute, pronostiko erreserbatuko politrauma batekin.
Euromillones zozketak milioi bat euroko saria utzi du Donostian
Gipuzkoako hiriburuko 13. administrazioan baliozkotu dute saria, Madril etorbideko 24. zenbakian, Amara auzoan.
Samaniegon desagertutako 70 urteko gizon baten bila ari dira
Desagertua ostiral arratsaldean ikusi zuten azkenekoz; bilaketa Arabako Errioxako landa-eremuan egiten ari dira.
Euskararen aurkako azken epaia salatzeko elkarretaratzeak egin dituzte ehun bat herritan eguerdian
UEMAko presidenteak larritzat jo du Espainiako Auzitegi Gorenaren epaia, eta “adostasun sendoak” behar direla nabarmendu du Martin Aranburu lehendakariak. Euskarak lege-babesa behar duela azpimarratu du eta elkarrekin aritzeko deia egin die alderdi politikoei, euskal eragileei eta herritarrei.