Bilboko metroak markak hautsi ditu bart: 512.046 joan-etorri 24 orduan
Athleticen garaipena ospatzeko atzo antolatutako ospakizunak direla eta, jende oldea izan zuten Bilboko metroan. Markak hautsita, milioi erdi bidaiari izan zituen 24 orduan.
Gabarraren inguruko ikuskizuna dela eta, zerbitzu berezia eskaini zuen atzokoan. Hain zuzen ere, ohiko zerbitzua indartu zuen, 143 joan-etorri gehiago eginez. Gainera, gau osoan zehar ibili dira trenak aurrera eta atzera.
Guztira, osteguneko 06:00etatik ostiraleko 06:00etara, 512.046 joan-etorri zenbatu dituzte.
Ostegun gauerdira arte, 485.338 joan-etorri izan dira, 2018ko San Tomas eguneko marka % 19 hobetuta.
Bizkaibus
Bestalde, Bizkaibusek 123.119 bidaiari eraman zituen ostegunean.
Behin-behineko datuen arabera, EHUrainoko linea guztietan beherakada orokorra izan zen, gabarraren ospakizunagatik hainbat klase bertan behera utzi baitzituzten.
Alde batetik edo bestetik ekitaldiak mugatutako eremuetatik igarotzen ziren lineetako bidaien kopuruak ere behera egin zuen, Bizkaiko campusa Getxorekin, Erandiorekin (itsasadarretik) eta, neurri txikiagoan, Txorierriko lineekin (Moyuara ezin izan ziren sartu) edo Bilboko goiko auzoekin (Santutxu-Begoña) lotzen dituen lineetan.
Hiriburuaren eta herrigune nagusien arteko zerbitzua ematen duten lineetan, berriz, ugaritu egin zen bidaiarien joan-etorria; Bilbo eta Mungia, Lekeitio, Ondarroa, Bermeo, Durangaldea, Enkarterri eta Arratia arteko lineetan, esaterako.
Euskotren
Euskotrenen zerbitzuei dagokienez, gabarraren ekitaldiarekin lotutako eremuan 117.000 bidaiari izan ziren, lanegun batean izan ohi diren 61.000 ingururekin alderatuz, hau da, % 84 gehiago.
Nabarmentzekoa da Matiko (% 290), Uribarri (% 91), Zazpikaleak (% 94) eta Kukullaga (% 71) geltokietako bidaiarien hazkundea; lehenengo hirurak Bilbon eta azkena Etxebarrin.
Gainera, aipatzekoa da 15:00etatik 16:00etara Zazpikaleak geltokian 6.211 bidaiari erregistratu zituztela.
Albiste gehiago gizartea
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.