Hiru txirrindulari zauritu dira gaur Nafarroan gertatutako bi istriputan
Bi txirrindulari eraman dituzte Nafarroako Unibertsitate Ospitalera, Iruñera, NA-120 errepideko 21. kilometroan, Andia mendilerroan, tropelean zihoazela ibilgailu batek harrapatu eta gero.
SOS Nafarroak 09:24an jaso du istripuaren berri, eta Abartzuzako mediku talde bat, bizi-euskarri aurreratuko anbulantzia bat, oinarrizko bizi-euskarriko anbulantzia bat, helikoptero medikalizatu bat eta Foruzaingoaren patruilak bidali ditu bertara.
Harrapaketaren ondorioz, bi txirrindulari eraman dituzte erietxera: 50 urteko bat, larri, saihetseko kontusioarekin eraman dute, helikopteroan; bigarrena, 53 urteko beste gizonezko bat, arin zauritu da eta oinarrizko bizi-euskarriko anbulantzian eraman dute.
Foruzaingoak bere gain hartu du beharrezko eginbideak egiteko ardura. Ibilgailuaren gidaria onik atera da, eta negatibo eman du alkohol- eta droga-probetan.
Larri zauritu da Arguedasen erorikoa izanda
50 urteko beste gizon bat larri eraman dute Tuterako Sofia Erregina Ospitalera, Arguedasko Yugoko Andre Mariaren baselizatik gertu zihoala bizikletatik erorita zauritu ostean.
SOS Nafarroa 112 larrialdietarako zerbitzuak igandeko 10:50ean jaso du istripuaren berri, eta istripuaren lekura bizi-euskarri aurreratuko anbulantzia bat (medikalizatua) eta Foruzaingoaren patruilak bidali ditu.
Beste txirrindulari batzuekin batera ermitatik gertu dagoen baso-pista batetik zihoala, erori egin da, eta Tuterako Reina Sofia Ospitalera eraman dute anbulantzia medikalizatuan, zauri larriak baitzituen.
Zure interesekoa izan daiteke
Amaia Galindez, portugaletetarra Granadan: "Urduritasuna eta beldurra nagusitu da hemen"
Granadako bizilagunen artean urduritasuna pil-pilean dago lurrikarak direla eta. Horixe kontatu digu Amaia Galindez portugaletetarrak, bertan bidaian dagoenak.
Eusko Jaurlaritzak ez ditu trafiko kontrolak egingo Oiartzunen, Irunek eskatu duen arren
Cristina Laborda Irungo alkateak "salbuespenezko neurriak" eskatu ditu, oporretatik itzuleran auto-ilarak errepikatuko direla aurreikusita. Hala ere, Ertzaintzak uste du kontrolak jartzeak auto-ilara gehiago eragin eta agenteak eta erabiltzaileak arriskuan jarriko lituzkeela.
Portu Zaharreko jaietan gutxienez hiru sexu-eraso salatu direla jakinarazi du Algortako Mugimendu Feministak
Uztailaren amaieran ospatu ziren San Inazio jaietan ere beste eraso bat izan zela gogoratu dute Getxoko feministek ohar batean.
ENBAk plan bat eskatu du baserri guztiak urez hornitu ahal izateko
Xabier Iraola nekazarien sindikatuko bozeramaileak zehaztu duenez, 5.000 baserri inguru daude Araban, Bizkaian eta Gipuzkoan ur-hornidurako sare publikotik kanpo. Udako lehorteen ondorioz, gero eta gehiago pairatzen dute ur-falta.
4,7ko beste lurrikara batek Granada astindu du, hiru zauritu eta Alhambra itxita utzita
Granadan 4,7ko indarreko beste lurrikara bat izan dute, eta hiru pertsona arin zauritu dira, tartean adin txikiko bat. Granadako Gojar herrian egon da epizentroa, baina Andaluziako beste lurraldeetan ere igarri da. Granadako monumentuak itxi egin behar izan dituzte badaezpada, Alhambra bera ere bai.
Epaileak 24 urteko espetxe-zigorra ezarri dio Nelson David Morenori, Bilbon 73 urteko gizon bat hiltzeagatik
Epaileak 22 urteko zigorra ezarri dio hilketa astunduagatik, eta beste bi urtekoa iruzur informatikoagatik. Laugarren kondena du, eta ikertzaileek uste dute 2021eko udazkenean hildako zazpi gizon homosexualen heriotzekin zerikusia duela.
Suhiltzaileak Urzainkin piztutako baso-sutea itzaltzeko lanean ari dira
Baso suteetarako Babes Zibileko Plan Bereziaren bigarren egoera operatiboa aktibatu du Nafarroako Gobernuak, ostiralean piztu zen sutea berpiztu ostean.
Llantenoko sutea egonkortuta dute eta zaintza- eta hozte-lanetan ari dira suhiltzaileak
Egoerak onera egin duen arren, puntu beroak daude oraindik eta lanean jarraitzen dute Gasteizko eta Espejoko suhiltzaileek. Aiarako Udalak herritarrei eskatu die ez gerturatzeko sute-eremura, suhiltzaileen lana ez oztopatzeko.
Eguzki eklipsearen ondoren, beste bat dator: ilargiarena, partziala, hilaren 28an
Joan den abuztuaren 12ko eguzki-eklipse osoaren ondoren, zeruak fenomeno astronomiko berri bat eskainiko du: abuztuaren 28ko gauean ilargiaren eklipse partziala ikusiko da, eta ilargiaren diskoaren % 93 estaliko du, gutxi gorabehera. Begi hutsez ikusi ahal izango da, instrumentazio berezirik gabe.
Jacan oporretan dauden euskaldunak boluntarioen taldeetan antolatu dira sua herrira irits ez dadin
Huescako sutea itzaltzen saiatzeko boluntaro taldeak antolatu dira. Horietako asko, euskaldunak dira. Jakan etxebizitza duten gipuzkoar eta nafarrak. Sugarrak kontrolatzeko bidean dira suhiltzaileak, baina beraiek ere bere aletxoa jarri nahi dute. Sasi, zuhaitz eta adar; sua indartu dezakeen erregaia kentzen.