Ertzaintzak pertsona bat atxilotu du Berangon okupatutako gune bat husteko operazioan
Berangoko (Bizkaia) Otxandategi dorretxea eta haren inguruan okupatutako lurrak hustu ditu astearte honetan Ertzaintzak. Kanpoan zeuden ekintzaileek erresistentzia baketsua egin dute, eta ertzainek banan-banan kanporatu eta identifikatu dituzte, desobedientzia delitua egotzita. Otxantegi Herri Lurra plataformako kideek jakinarazi dutenez, pertsona bat atxilo eraman dute, eta beste bi zauritu dituzte. Atxilotutakoa aske dago dagoeneko, epaiketaren zain, eta zauritutakoak Urdulizko ospitalean artatu behar izan dituzte.
Dorretxe barruan ere beste hainbat ekintzaile egon dira gotortuta, horietako batzuk teilatuan, eta beste bat egurrezko tripode handi batean eskegita. Horiek guztiak ere kanporatu eta identifikatu ditu Ertzaintzak.
XV. mendeko dorretxe eta lursail horretan, hainbat ekintzaile ekologistak Otxantegi Herri Lurra proiektua garatu zuten bertan duela bi urte, 2022an, hiriaren eta baserriaren arteko zubi-lana egiteko egitasmo "agroekologikoa" garatzeko eta, aldi berean, inguru horretan garatu nahi den proiektu urbanistikoa geldiarazteko asmoz.
Lurrak okupatu eta hilabete gutxira, jabeek ekintzaileak salatu eta horien kontrako epaiketa izan zen. Gerora, ingurua husteko agindua eman zuen epaileak, eta birritan saiatu dira, lehenengoa iazko azaroan, eta, azkena, joan den apirilean. Bi saiakera horietan, baina, kanporaketak bertan behera gelditu ziren, Ertzaintzak "baliabide nahikorik" ez zituelakoan. Gaur, baina, berriro bueltatu dira, bitarteko askorekin: 15 furgoneta eta dozenaka polizia, mailu, borra eta istiluen aurkako materialarekin.
Hiruka tokiko komunikabideak salatu duenez, Ertzaintzak ukatu egin die bere kazetariei gertatzen ari zenaz barrutik informatzea, eta poliziek osatutako segurtasun-hesiaren kanpotik informatzera behartu dituzte. Horren aurrean, ekintzaile askok salatu dute, prentsarik gabe, poliziek "bortizki" jo dutela haien kontra kanporatze-operazioan.
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.