Gizon batek bere bikotekidea hil du Bartzelonan, eta biktima apiriletik zegoen desagertuta
Esquadra Mossoek 59 urteko gizon bat atxilotu zuten maiatzaren 11n Vicen (Bartzelona), bikotekidea hiltzea egotzita. Emakumea duela hilabete desagertu zen, eta ez dute haren gorpua topatu.
Mossoek gaur jakitera eman dutenez, biktima apirilaren 19tik desagertuta zegoela salatu zuten, eta ikertzaileek gizonak Espainiatik alde egiteko asmoa zuela jakin zutenean atxilotu zuten.
Bestalde, kasuaren gertuko iturriek azaldu dutenez, oraindik ezin izan dute biktimaren gorpua aurkitu. Atxilotuari dagokionez, gaur eraman dute epailearen aurrera, Vicen.
Generalitateko Berdintasun eta Feminismo Departamentuak hilketa gaitzetsi du, indarkeria matxistaren hamaikagarren biktima 2024an, Katalunian.
"Departamentuak doluminak eta maitasuna adierazi nahi dizkie indarkeria matxistak eraildako emakumearen ingurukoei eta herritarrei", dio agiriak.
"Aurten gertatutako hilketa matxistak hamaika dira dagoeneko, tartean sei emakume, indarkeria matxistaren ondorioz amarekin batera eraildako bi ume, eta indarkeria bikarioa helburu zuten beste hiru feminizidio", gogorarazi du Generalitatetik.
2012an datu ofizialak biltzen hasi zirenetik, 141 hilketa matxista izan dira Katalunian, eta horietako zazpitan biktimak seme-alabak izan ziren.
Indarkeria matxistaren ondorioz umezurtz geratu diren seme-alaben kopurua zazpikoa da 2024an, eta 99koa azken hamarkadan.
Kataluniako Administrazioak gogorarazi duenez, "indarkeria matxistekin bukatzea herri osoaren ardura da", eta "gizarteko esparru guztietatik egindako ahaleginak" batu behar dira, indarkeria matxista mota guztiak desagerrarazteko.
Zure interesekoa izan daiteke
Donostian emaztea itotzen saiatu zen gizonak komisarian jarraitzen du
Hilketa saiakera leporatzen diote, emaztea ito nahian aurkitu ondoren.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.
Gasteizko Mitika aretoaren auzia herri-epaimahai baten aurrean epaitzea baztertu du Gorenak
Arabako Probintzia Auzitegiak arrazoia eman zien akusatuaren defentsari eta Fiskaltzari, uste baitzuten gertakariak hobeto egokitzen zirela lesio-delitu batera, zuhurtziagabekeriazko homizidio batekin batera, eta horrek eragotzi egingo luke kasua herri-epaimahai baten aurrean epaitzea.
26 urteko emakume bat oso larri zauritu da Saratsan, auto-istripuan
Ezbeharra N-240-A errepideko 11,5 kilometroan jazo da. Larrialdi zerbitzuek ibilgailutik atera dute emakumea, eta anbulantzian eraman dute Nafarroako Unibertsitate Ospitalera, Iruñera. Guardia Zibila ezbeharraren nondik norakoak ikertzen ari da.
Garcia Ortizi aurre egin zion Madrilgo fiskala ordezkatu du fiskal nagusiak
Zehazki, Maria Isabel Martin Lopezek hartuko du Lastrak orain arte betetako kargua. Fiskaltzaren Idazkaritza Teknikoan aritu izan da 2018tik , fiskal nagusiaren laguntza-organoan. Lastrak bost urte zeramatzan karguan eta Madrilgo fiskal nagusi gisa jarraitu nahi zuen.
Global Sumud Euskal Herria: "Tirokatu gaituzte eta bueltatzeko agindu digute, baina aurrera jarraitzea erabaki dugu"
Israelgo soldaduak ontzira igo eta miaketa sakon bat egin dute Global Sumud Euskal Herriako aktibista batek zehaztu duenez. Soldaduen jarrera kritikatu dute eta gure artean Israelek dituen "konplizeak" ere aipatu dituzte.