Azken sei urteetan laukoiztu egin da bapeatzaileen kopurua EAEn eta lautik batek 15-21 urte ditu
Euskal Autonomia Erkidegoan azken sei urteetan laukoiztu egin da zigarro elektronikoen, berotze bidezko tabakoaren eta bestelako gailuen erabilera, eta lautik bat 15 eta 21 urte bitarteko gazteak dira, Eusko Jaurlaritzak gaur zabaldutako datuen arabera.
Datorren ostiralean, maiatzak 31, ospatuko den Tabakorik Gabeko Mundu Egunaren atarian, Osasun Sailak bapeatzeak osasunean dituen arrisku larriez ohartarazteko kanpaina abiatu du. Kanpaina gazteei zuzenduta dago bereziki, eta helburua da kaltegarria dela erakustea, "kalterik eragiten ez duen moda erakargarritzat hartzen bada ere".
Gotzone Sagardui jarduneko Osasun Sailburuak gaur goizean Bilbon emandako prentsaurrekoan azaldu duenez, Osasunaren Mundu Erakundearen ildoari jarraituz, aurten bere indarrak herritarrak babestera bideratuko ditu, "tabakoaren eta horrekin lotutako produktuen industriaren esku-sartzearen aurrean".
Sagarduik azpimarratu duenez, "kaltegabetasunaren pertzepzio faltsua" eragiten duen gailu mota baten aurrean gaude. Ildo horretan, ohartarazi du ez dagoela "esposizio maila segururik", tabakoa "kaltegarria delako bere modalitate guztietan, tradizionaletan eta berrietan".
Sentsibilizazio kanpaina, batez ere, sare sozialetan egingo da, baina ohiko bitarteko eta euskarrietan ere izango du presentzia.
Nerabeen artean ohikoak diren bi egoeraren irudien gainean, mezu hau erakutsiko da: "Bapeatzea ez da broma. Bizitza izorratzen dizu". Osasun Sailaren kanpainak "tonu dramatikoa" erabiltzen du, giro apokaliptikoen bidez, protagonistak atmosfera toxiko batean murgilduz. "Zigarro elektronikoa ez da jolas bat, ez da moda bat, ez da itxurakeria. Zigarro elektronikoak bizitza kontsumitzen dizu", dio kanpainako mezuak.
Zure interesekoa izan daiteke
Bi emakume erreskatatu dituzte Aizkorri eta Jaizkibel mendietan izandako ezbeharren ostean
Bi mendizaleak, 64 eta 70 urtekoak hurrenez hurren, helikopteroz eraman behar izan zituzten larrialdi zerbitzuek, eta ondoren ospitalera eraman zituzten.
Hiru zauritu, horietako bat larri, auto batek eta furgoneta batek talka eginda Cintruenigon
Istripua N-113 errepidean (Iruñea-Madril) jazo da, 16:39 aldera. Istripuaren ondorioz, zirkulazioa eten egin dute bi noranzkoetan, 19:25 arte.
Zuiak ur mozketak bertan behera utzi ditu
Egoerak hobera egin ostean, amaitutzat eman ditu mozketak Udalak. Hala ere, herritarrei uraren kontsumo arduratsua izateko eskatu die, mozketa berriak saihesteko.
Kirurgia robotikoa erabiliz lehen giltzurrun transplantea egin dute Gurutzetako Ospitalean
Kirurgia robotikoa hainbat ebakuntza egiteko erabili ohi da aspaldi, baina sekula ez giltzurruna transplantatzeko. Gasteizko ama-semeak dira emaile eta pazientea. Dena ondobidean, abuztuan giltzurrunen bigarren transplante bat egingo dute Gurutzetan robotaren laguntzaz.
Zortzi arrantzale eta saregile bat omendu dituzte, bizi osoa itsasoari eskaintzeagatik
Gaztetatik sakrifizio handiko lana egin duten zortzi arrantzale eta saregile baten aldeko omenaldia egin dute gaur Donostian. Gipuzkoan itsasoan lan egin duten 310 lagunek erretiroa hartu dute, eta guztien omenez eman dituzte sariak.
Donostiako Udala akusazio partikular izango da hirian delituak behin eta berriz egiten dituztenen aurkako auzietan
Jon Insasuti Donostiako alkateak esan du delinkuentziaren aurkako borroka lehentasunetako bat dutela, eta akusazio partikular izateko asmoa beste urrats bat dela. Hori bai, zehazteko dago zein kasutan emango lukeen Donostiako Udalak pausu hori.
Bost lagun atxilotu dituzte Nafarroan, bizileku-baimenak manipulatzeko sare bateko kide direlakoan
Guardia Zibilak desegindako ustezko erakunde kriminalak bizileku- eta lan-baimenak lortzeko prozesua manipulatzen zuen, diru-truk. Talde kriminaleko kide izatea, Administrazio Publikoaren aurka egitea eta immigrazio irregularra bultzatzea leporatzen zaie.
Perez Iglesias: “Milioi bat pertsona baino gehiago mugituko dira eklipsea ikusiko den inguruetara, eta hori aurreikusi egin behar da”
Juan Ignacio Perez Iglesias Zientzia, Unibertsitate eta Berrikuntzako sailburua Radio Euskadiko Boulevard saioan izan da eta, besteak beste, abuztuaren 12an Euskal Herrian ikusi ahal izango den eguzki-eklipseaz mintzatu da. Sailburuak gomendatu du jendea “oinez edo garraio publikoan joatea eklipsea ikustera”, joan-etorriek trafikoan eragin oso handia izango dutelako. Halaber, eklipsea segurtasunez ikusteko aholku zientifikoei jarraitzeko beharra azpimarratu du, eta lehen neurri gisa homologatutako eklipse-betaurrekoak erabiltzea gomendatu du.
Samina nagusi da Erronkarin, herriko hiru bizilagun Ezka ibaian itota hil ostean
Asteazken arratsaldean emakume bat eta horren bi seme adingabe hil ziren Ezka ibaian itota, eta hiru dolu-egun ezarri dituzte herrian.
Eutanasia legezko izango da Ipar Euskal Herrian ere, Frantziako Parlamentuak heriotza lagundua izateko eskubidea onartu du eta
Orain arte, 2016an onartutako Claeys-Leonetti legeak gaixotasun terminala eta bizi-pronostiko laburra zuten pertsonentzako sedazio sakon eta jarraitua ahalbidetzen zuen. Aurrez ere Asanblea Nazionalak hiru aldiz onartu zuen lege-proiektua, baina atzera bota izan du hori gehiengo kontserbadorea duen Senatuak. Hainbat aldaketa eta erreforma eginda, oraingo bozketa behin betikoa izan da.