Indar Gorriko kide bat atxilotu dute, Shon Weissman jokalari israeldarraren aurkako gorroto delitua leporatuta
Espainiako Poliziak Indar Gorriko kide bat atxilotu du gaur, Shon Weissman jokalari israeldarraren aurkako gorroto delitu bat egotzita.
Polizia iturriek baieztatu dutenez, atxiloketa X sare sozialean (Twitter zaharra) egindako mezuengatik izan da, aipatutako jokalariak Sadarrera bisita egin behar zuenean.
Indar Gorrik, ordea, ohar batean salatu duenez, Shon Weissman Granada FC taldeko jokalari ohiak "Israelek Palestinaren aurka egindako genozidioa babestu zuen bere twitter kontuan, eta Gazan 200 tona bonba jaurtitzea eskatu zuen", Sadarren jokatu behar zuen aste berean.
"Zergatik ez du Ezaelek buruan tiro egiten?" izan zen futbolariaren mezuetako bat, nahiz eta ondoren ezabatzea erabaki. "Zanpatu. Estutu. Zanpatu. Jainkoaren mendeku", "Zer arrazoi logiko dago Gazaren aurka 200 tona bonba jaurti ez izateko?", dira bere mezu edo partekatutako txio batzuk. "Gaza osoak babesten du terrorismoa. Gaza osoa hilik dago", da sare sozialean eman zuen beste like bat.
"Indar Gorrik sionistaren presentzia salatu zuen 'Shon Weissman kanpora, sionismoa-faxismoa suntsitu' zioen kartel batekin", azaldu du zale gorritxoen kolektiboak.
"Poliziaren aldetik ezer berririk ez, beste errepresio kasu bat harmailen aurka, borroka egiten eta elkartasuna adierazten dutelako. Gure aldetik ere ezer berririk ez, aldarrikapena gure harmailetara eramaten eta erresistentzia palestinarra babesten jarraituko dugu", ziurtatu dute.
Era berean, Palestinarekin Elkartasuna ekimenak elkartasuna adierazi dio atxilotuari, "Palestinaren aldeko borrokan sionismoa seinalatzea eta konfrontatzea betebehar bat baita. PALESTINAREKIKO ELKARTASUNARI ERREPRESIORIK EZ!"
Sare Antifaxistak ere atxiloketa kritikatu du X sare sozialean: " gorroto delitu hitzaren prostituzio berria Poliziaren eskutik".
Zure interesekoa izan daiteke
Auto-pilaketak Bizkaiko hainbat errepidetan, zenbait istripuren ondorioz
Auto-ilarak daude Santo Domingoko jaitsieran, Sondikako BI-30 errepidean eta Txorierrin. Bi puntu horietan errei bat itxita dago eta zirkulazioa oztopatzen ari da.
75 urtetik gorakoen erdiak baino gehiagok antsietatea edo estresa du, baina hazkunde handiena gazteengan eman da
Ondoez psikologikoa ez da berdin azaltzen gizarteko sektore guztietan. Emakumeei gehiago eragiteaz gain, adina ere faktore garrantzitsua da: 75 urtetik gorako herritarren % 57,1ek pairatzen ditu sintomak, baina gazteenak dira (15-24 urte) pandemiaren ondoren osasun mentalaren narriadura gehien nozitu dutenak.
Psikiatriako kontsultak bikoiztu egin dira bost urtean
Euskadik 58.100 paziente zituen psikiatria kontsultetan 2019an. 2024an zenbakia ia bikoitza zen: 109.400. Aldi berean, osasun mentalarekin lotutako laneko bajak ere etengabe hazten ari dira, eta 16-25 urteko gazteen artean, esate baterako, sei aldiz handitu dira 2016tik.
Osasun mentalaren inguruko kontzientzia gero eta handiagoa da euskal gizartean
Azken urteetan handitu egin da ondoez psikologikoren bat pairatzen dutela eta laguntza behar dutela adierazten duten EAEko biztanleen kopurua; 2018an % 13 izatetik 2023an % 22,4 izatera igaro da. Duela ez asko, gaitz horiek ezkutatu egiten ziren, orain publikoki aitortzen hasi gara, baita konponbidea bilatzen ere.
Zer dago PISA txostenaren emaitzen atzean?
Lucas Gortazar Hezkuntza arloko adituak eta Nelida Zaitegi irakasle eta pedagogoak PISA txostenaren emaitzen gakoak azaldu dituzte. Aldagaiak bat baino gehiago diren arren, bat datoz esatean teknologiak eta Adimen Artifizialak eragin zuzena dutela esatean.
Euskal Herria atzean utzita, Freedom Flotilla Gazara bidean da
Bilbotik Vigora joango da, eta ondoren, Mediterraneoko beste portu batzuetara. Urrian iritsi asmo dute Gazara. Genozidioa, okupazioa eta Palestinako zein Gazako garbiketa etnikoa salatzeko helburuarekin, Israelek ezarritako blokeoa apurtzen saiatuko dira.
Zein mailatan kokatzen dira Euskadi eta Nafarroa munduko gainerako herrialdeen artean PISA txostenean?
Azken txostena astearte honetan argitaratu du ELGAk, eta agerian utzi du atzerakada orokorra izan dela Espainiako Estatuan eta Hegoaldean.
Baso-sute bat piztu da Idiazabalen
15:30 inguruan piztu da sua, Atxurbi eta Txara mendien inguruan. Ertzaintzak jakinarazi duenez, N-1 errepidearen Urtsuarango irteera itxi egin du, badaezpada.
30 urte Alarde mistoaren alde: elkarrizketa, aurrerapausoak emateko bidea
Jaizkibelgo kideek eta erakundeetako ordezkariek Alarde publiko eta parekidea aldarrikatu dute, eta hiru hamarkadako gatazkari irtenbidea emateko elkarrizketaren alde egin dute.
