EAEko Auzitegi Nagusiaren arabera, posible da seme edo alaba bat herentziarik gabe uztea
Euskal Autonomia Erkidegoko Auzitegi Nagusiak berriki emandako epai baten arabera, posible da seme edo alaba bat herentziarik gabe uztea. Zehazki, Bergarako (Gipuzkoa) alargun baten testamentuaren kasua aztertuta hartu du erabakia. Bost seme-alaba zituen, eta 2016ko irailean hil zen. Horietako lauri senipartea ukatu zien (herentziaren herena), eta alaba bakarra izendatu zuen oinordeko.
Gauzak horrela, emakume horren lau semek ez dute haren senipartea lortzeko eskubiderik, urte horretara arte indarrean zegoen Kode Zibila betez amak horretara behartuta egon baitzen. Epaiak zehazten duenez, ezin da aurkako errekurtsorik jarri.
Oinordekoa 2018an joan zen notariotzara, eta amaren etxebizitza baten jabe bakar esleitu zen. Anaietako bik helegitea jarri zuten auzitegietan, eta demanda aztertu zuten Durangoko Lehen Auzialdiko 1 zenbakiko Epaitegiak eta Bizkaiko Auzitegiko Hirugarren Sekzioak. Biek eman zieten arrazoia anaiei.
Alabaina, Euskal Autonomia Erkidegoko Auzitegi Nagusiak onartu egin du oinordekoaren kasazio-errekurtsoa, eta atzera bota du eskritura baliogabetzea eskatzen zuten anai-arreben demanda. Epaiaren arabera, testamentuaren inguruabarrak, seniparteen kasuan, Euskal Zuzenbide Zibilari buruzko Legearen "argitan" aztertu behar dira, lege hori kausatzailea hil zenean indarrean baitzegoen, eta ez Kode Zibilaren arabera, 2015ean Euskal Auzotasun Zibilari buruzko Legeak ordezkatu baitzuen.
"Ondorioztatu behar dugu testamentugilearen nahia bere seme-alaba gehienak baztertzea zela, hori posible izan balitz, edo, behintzat, ondorio hori kontrakoa baino askoz ere zentzuzkoagoa dela; izan ere, legeak behartzen zion gutxienekoa utzi zien, eta, gainera, haren herentzia dirurik gabe uzten saiatu zen, gutxieneko hori ere jaso ez zezaten", nabarmendu du Euskal Autonomia Erkidegoko Auzitegi Nagusiak.
Albiste gehiago gizartea
Baionako Lanbide Heziketako zentro batean izandako sutea nahita piztutakoa izan den ikertzen ari dira
Baionako Lanbide Heziketako zentro batean sute handia izan da eguerdian eta lau lagun zauritu dira. 45 suhiltzailek lanak izan dituzte sua itzaltzeko eta 200 lagun bertatik ateratzeko. Zuzendaritzak ez du baztertzen norbaitek nahita piztu izatea sua eta ikerketa zabalik dago.
Sanferminak, entzierroak eta zezenak baino askoz gehiago
Zezenak Santo Domingoko aldapan edo Estafetan. Hori izan ohi da sanferminetako irudirik ohikoena. Baina Iruñeko jaiak hori baino askoz gehiago dira. Eguneko 24 orduetan aurkitu daiteke festa-giroa eta musika non nahi. Dantzak, jotak, erraldoiak eta buruhandiak, kontzertuak... ez dago aspertzeko astirik.
Pauseko (Tarragona) suteak balio ekologiko handiko naturgune bat mehatxatzen du
Udako bigarren sute handia da Katalunian, eta egoera benetan zaila da. Sua kontrolik gabe ari da aurrera egiten, haize bortitzek bultzatuta, eta bederatzi herritako 18.000 pertsona daude konfinatuta.
Euskal jatorriko gazte iparramerikarren talde bat Euskal Herrian dabil egunotan bisitan
16 eta 25 urte bitarteko 50 gazteak Euskadin egonaldia egiten ari dira egunotan, Ateak Ireki 2025 programaren baitan. Helburua euskara ezagutzea eta haien sustrai kulturalak hobeto ezagutzea da. Euskadin dauden bitartean, Goierriko familiekin ari dira bizitzen.
Mutrikuko txiringitoaren jabea zuhurtziagabekeriagatik ikertuko dute, bezero batek garbigarria edan zuen eta
Ertzaintzaren arabera, "botila barra gainean egoteak zerbitzariak huts egitea eragin zuen". Biktima ekainaren 30era arte egon zen Donostia Ospitalean.
Omenaldia egin diote German Rodriguezi, 1978ko Sanferminetan poliziak tiroz hildako gazteari
'Sanferminak 78, gogoan' elkarteak eta Iruñeko Peñen Federazioak, urtero bezala, Orreaga etorbideko hilarrian oroimen eta aldarrikapen ekitaldi bat antolatu dute. Omenaldiak Germanen memoria bizirik mantentzea du helburu.
Kamikazeak detektatzeko eta haiei buruz ohartarazteko sistema berritzailea ezarriko du Gipuzkoak
Sistema N-1 errepidean ezarriko da, Idiazabal eta Lasarte-Oria artean. Hobekuntzarako sistema ezartzeko, 1,35 milioi euroko inbertsioa egingo da, guztira, eta 34 hilabeteko egikaritze-epea izango du.
Uztailaren 9ko entzierroa, zuzenean
Sanferminetako uztailaren 9ko entzierroa bertatik bertara Orainen, 07:40etik aurrera.
Uztailaren 10eko entzierroa, zuzenean
Sanferminetako uztailaren 10eko entzierroa bertatik bertara Orainen, 07:40etik aurrera.