Hego Euskal Herriko gazteen erdiek baino gehiagok 10 urte bete aurretik erabiltzen dute internet
Hego Euskal Herriko gazteen % 53,4k 10 urte bete aurretik erabiltzen du internet bere egunerokoan, eta hirutik ia batek 11 urte bete ondoren erabiltzen du. Hori da Save the Children haurren eskubideen aldeko erakundeak #DerechosSinConexión kanpainaren baitan ostegun honetan kaleratu duen txostenaren emaitzetako bat.
Gainera, ikerketak ondorioztatu du 10 nerabetik ia 9 internetera konektatzen direla egunean hainbat aldiz edo etengabe. Haurren eta nerabeen eskubideak eta horiek ingurune digitalean babestea du helburu txostenak, eta 14 eta 17 urte bitarteko nerabeei egindako 3.315 inkestetan oinarrituta dago. Inkesta horietatik ia % 18 Hego Euskal Herriko ikastetxeetan egin dira, 292 EAEn eta 279 Nafarroan.
Txostenak nabarmentzen duenez, gazteen % 80,5ek internet sare sozialetan sartzeko erabiltzen du, % 77k komunikaziorako, eta % 47,6k telesailak eta filmak ikusteko. Aipatzekoa da mutilen ia % 62 jokoetan online jokatzeko sartzen direla internetera, nesken % 8,8ren aurrean.
Gurasoek jartzen dieten mugen inguruan, berriz, gazteen % 47,3k aitortu dute konexio-orduak mugatuta dituztela, eta % 34k adierazi du etxekoek azaldu dietela arriskuen berri. Inkestan parte hartu duten gazte askok (10 nerabetik ia 4k) diote eduki erotikoa eta pornografikoa aurkitu dutela bilatzen ibili gabe.
Andres Conde Save the Childreneko zuzendariak adierazi duenez, "eduki horiekiko esposizioak oso ondorio kaltegarriak izan ditzake haien garapenean; izan ere, eredu patriarkal batean oinarritutako sexu-harremanen pertzepzioa sor lezake haiengan, emakumeen aurkako indarkeria erotizatuz".
Ikerketaren arabera, hiru nerabetik bat ezezagunekin harremanetan jartzen da internet bidez, eta bost nerabetik hiruk ez dute uste baimenik gabe sexu-izaerako argazkiak bidaltzea delitua denik edo delitu izan behar duenik. Gainera, erdiek baino gehiagok ez lukete jakingo non salatu internet bidez jasandako indarkeria kasu bat.
Condek gogorarazi du kezkagarria dela gazte gehienek jokabide horiek delitu gisa ez identifikatzea, "indarkeriatik babesteko lehen urratsa identifikatzen jakitea baita".
Txosten honen helburua da haurrak eta nerabeak interneten eta teknologia berrien erabilera arduratsu eta seguruan heztea, eta horretarako, ezinbestekotzat jotzen du elkarteak tresnak eta mekanismo eraginkorrak eskuragarri jartzea, Interneten indarkeria prebenitzeko eta eduki kaltegarriak ekiditeko.
Zure interesekoa izan daiteke
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.