Nafarroan "oso handia" edo "muturrekoa" da oraindik sute-arriskua
Aemet Espainiako Meteorologia Agentziaren arabera, Nafarroako zati handi batean baso-suteak izateko arriskua "oso handia" edo "muturrekoa" da. Hori dela eta, gaur eta datozen egunetan txinpartak eragin ditzakeen jarduerarik egin behar izanez gero, arreta handiz jarduteko eskatu du Foru Gobernuak.
Hala, Aemetek maila horia ezarri du datozen egunetarako, tenperatura altuengatik; hala, iganderako, 38 graduko maximoak iragarri dituzte erdialdean eta Nafarroako Erriberan, eta 35 gradukoak Pirinioetan.
Abisu horiak astelehenean jarraituko du, 37 gradu harrapatuko baitira isurialde atlantikoan, 38 erdialdean eta Erriberan, eta 36 Pirinioetan.
Foru Gobernuak jakinarazi duenez, tenperatura altuez gain, eguneko hezetasun erlatiboaren beherakada orokorra espero da, eta gaueko hezetasuna aste honetan egunean zehar erregistratutakoa baino txikiagoa izango da.
Hori dela eta, Foru Erkidegoan datozen egunetarako espero diren tenperatura altuengatik baso-suteak izateko arrisku handia dagoela eta, kanpoan arreta handiz ibiltzeko deia egin du.
Hain zuzen ere, Foru Erkidegoko zati handi batean baso-suteak izateko arriskua "muturrekoa" izango da Nafarroa osoan datorren astean, astelehenetik ostegunera gutxienez.
Indarrean dauden murrizketak
Oro har, ezingo da barbakoarik edo erromeriarik egin, ezta material piroteknikorik erabili ere, suteren bat izateko arriskua oso handia edo muturrekoa den bitartean.
Gainera, Nafarroako hegoaldean, irailaren 30era arte debekatuta dago sua erabiltzea aisialdirako, eta horretarako prestatutako lekuak (barbakoak edo kanpoaldean dauden bestelako instalazioak) ere ezingo dira erabili, sute-arriskuaren indizea edozein dela ere.
Halaber, ibilgailu motordunak ezingo dira baso-pistetatik eta landa-bideetatik erabili, baso-suteak izateko arriskua muturrekoa denean, salbuespenak salbuespen.
Ezingo da nekazaritzako makineriarik edo sutea eragin dezakeen ekiporik erabili arrisku-maila gorria badago, erkidegoan 42 graduko edo hortik gorako tenperatura maximoak espero direnean, edo 40koak Pirinioetan.
Nekazaritza- eta baso-lurrak erretzeko (arrazoi fitosanitarioengatik uztondoak, ubideetako eta larrebideetako landaredia edo larre naturalak hobetzeko), administrazioaren baimena beharko da beti, eta ezingo da inolaz ere erreketarik egin sute-arriskuaren indizea oso handia edo muturrekoa bada.
Nola jokatu baso-suterik ikusiz gero
Baso-suterik ikusiz gero, SOS Nafarroari jakinarazi, 112 telefonora deituta, sutearen kokapena eta ezaugarriak zehazteko. Txikia bada, sugarrak oinarritik itzaltzen saiatu, ura, lurra edo zuhaixka-adarrak erabiliz.
Sutearen tamaina dela eta ezinezkoa bada hurbiltzea, landaretza gutxien dagoen tokitik urrundu, eta alde egin bertatik haizearen kontrako norabidean. Sutetik ihes egin ezin baduzu, erretako gune edo soilgune bat bilatu, ahoz behera etzan eta arropa edo lur bustiarekin estali.
Zure interesekoa izan daiteke
Goizeko auto-ilaren ondoren, normaltasuna berreskuratu du zirkulazioak AP-8an eta A-1ean
Irteera operazioa dela eta, ibilgailu ugari pilatu dira goizean goizetik, Frantziatik penintsularen hegoaldera. Araban, A-1 autobidean, Gasteiz parean eta Madrilerako bidean sortu dira pilaketak.
Gizon bat atxilotu dute Gasteizen, gazte bati lapurreta egiten eta hiltzen saiatzea egotzita
Atxilotua, 27 urtekoa, 21 urteko mutil baten furgonetan lapurreta egiten saiatu da lagun batekin, eta biktimak aurre egin die.
Bakion ostiraletik desagertuta dagoen 14 urteko neska baten bila ari dira
VOST Euskadik 14 urteko Olaiaren desagerpenaren berri zabaldu du. Adingabea uztailaren 31n ikusi zuten azkenekoz Bakion, eta baliteke Bilborako autobusa hartu izana. Haren inguruko informaziorik duenak 112ra deitzeko eskatu dute.
Bi pertsona zauritu dira Saratsan, bi ibilgailuk talka eginda
Istripua 18:00ak aldera jazo da, N-240-A errepidean. Gizonak gerrialdeko min arina izan du, eta emakumeak, berriz, hainbat kolpe jaso ditu, eta haren zaurien pronostikoa erreserbatua da.
Pertsona bat zauritu da A-8an, Muskizen, Bilborako noranzkoan, autoa iraulita
Istripua 17:55 aldera jazo da, eta ibilgailua A-8 autobideko eskuineko eta erdiko erreietan traban geratu da; ondorioz, kilometro bateko ilarak sortu dira inguruetan, Bilbora bidean.
Euskarabenturak Getxon amaitu du bere ibilbidea, 650 kilometro egin ostean
130 gaztek Euskal Herriko zazpi lurraldeak zeharkatu dituzte, euskara ahoan, lagun berriak eginez eta esperientziak bilduz bihotzean gordetzeko. Ostiral goizean erantzi dituzte duela 31 egun Atharratzen jantzi zituzten oinetakoak, baina abenturak utzi dien arrastoa ez dute inoiz ahaztuko.
Gasteizek 1.000 lokal etxebizitza bihurtzeko bidea ireki du
Proiektuak eraldaketatik kanpo utziko ditu Alde Zaharra, Zabalgunea, Arriagako zati handi bat eta Salburuko zein Zabalganeko finkatu gabeko eremuak, eta etxebizitza berriak titularraren ohiko bizileku iraunkor gisa erabili beharko dira.
Hendaia eta Bordele arteko tren lotura larunbatean berrezarriko dute
Larunbatetik aurrera, abiadura handiko trenen erdiak ibiliko dira; igandetik aurrera, berriz, zerbitzuak erabateko normaltasuna berreskuratuko du.
39 urteko gizon bat atxilotu dute Santanderren, bikotekidea hil izana egotzita
Gizonak Poliziari deitu dio eta gertakariak aitortu ditu. Ustezko genero indarkeria gisa ikertzen ari dira.
Gasteizko jaiak gogoz eta errespetuz bizitzeko deia egin du Zeledonek
Aurten, hirugarren aldiz izango da Zeledon Iñaki Kerejazu, eta gaur zahatoa eta aterkia jaso ditu Maider Etxebarria Gasteizko alkatearen eskutik. Andre Maria Zuriaren jaiak abuztuaren 4an hasiko dira, Zeledonen jaitsierarekin.