Bizkaiko Aldundiaren zaintzapean zegoen adingabe bat hil da Burgosko urtegi batean
Guardia Zibilak eta Burgosko suhiltzaileek, Gaztela eta Leongo larrialdi zerbitzuak koordinatuta, adingabe bat bilatzeko dispositibo bat martxan zuten. Adingabea Bizkaiko Foru Aldundiaren zaintzapean zegoen, eta gaur eguerdian desagertu da, Arijako (Burgos) Ebroko urtegian bainatzen ari zela. Handik gutxira, guardia zibilek adingabea hilik aurkitu dute.
Guardia Zibilak azaldu duenez, hildakoa Bizkaiko Foru Aldundiaren zaintzapeko adingabea da, kanpamentu batean parte hartzen ari zen, eta gainerakoak kanpin-dendak muntatzen ari ziren bitartean, urtegian sartu da.
Gaztela eta Leongo larrialdi zerbitzuak dei bat jaso du 14:20 aldera, gizon bat aurkitzeko laguntza eskatuz. Gizona bistatik galdu dute urtegian bainatzen ari zela, Playa de Arija kanpineko sarreraren parean, 1-1-2 zenbakiaren arabera.
Aldundiko iturriek adierazi dutenez, 17 urteko adingabea lau edo bost eguneko ohiko kanpamentuetako batean parte hartzen ari zen, beste mutil batzuekin eta hezitzaileekin batera.
"Gaztea txonbo egitera joan da urtegira, eta handik gutxira gainerakoek faltan bota dute", azaldu dute iturri berberek. Gaineratu dutenez, "zorigaitzeko istripua" izan da.
Gaztearen heriotza deitoratu dute, eta berarekin zeuden adingabeei eta hezkuntza-taldeko profesionalei laguntza psikologikoa emateko zerbitzua aktibatu dutela jakinarazi dute. Adierazi dutenez, "lur jota geratu dira" eta Aldundia harremanetan dago haiekin. Guztiak itzuli dira Bizkaira.
Zure interesekoa izan daiteke
Gizon bat atxilotu dute Angelun 10 urteko alabari sexu-abusua egitea leporatuta
Gertaerak ikasturte barruko oporretan jazo dira, neskatoa aitaren etxean zegoen bitartean. Epailearen aginduz, gizona espetxeratu egin dute behin-behinean.
Zisterna-kamioiak ura Karrantzara eramaten hasi dira, hornidura bermatzeko
Astelehenetik ostiralera, egunero, 250 metro kubiko eramango ditu foru erakundeak Enkarterriko udalerriko hornidura bermatzen laguntzeko.
Migratzaileak Ceutan sartzea ekintza antolatua izan zen ala ez ikertzen ari da Auzitegi Nazionala
Maria Tardon epaileak aurretiazko eginbideak abiatu ditu, eta Polizia Nazionalari txostena egin dezala eskatu dio, uztailaren 30ean eta 31n Ceutara iritsitako migratzaile kopuru handiak erakunde kriminal batek hitzartutako edo zuzendutako jarduera izan ote zen argitzeko.
Babeslekurik eta janaririk gabe: migrazio-krisiak gainezka utzi du Ceutako migrazio-zentroa, eta GKEak ere gainditu egin ditu
Atzerritarrentzako Aldi Baterako Egonaldi Zentroa gainezka dago azken egunotan. Marokotik zein Saharaz hegoaldeko Afrikako herrialdeetatik —Sudanetik eta Txadetik, besteak beste— iritsitako ehunka migratzaile Trampolin hondartzan eta migrazioa-zentroaren kanpoaldean daude zain, tokirik ez dutelako. Bien bitartean, migrazio-presioak GKEak ere gainditu egin ditu. Haien lehentasuna iritsi zirenetik jan barik dauden migratzaileei janaria ematea da, eta, gainera, haien eskubideei buruzko informazioa ematen diete.
betiONek bere zerbitzua zabalduko du nahi ez den bakardadea detektatzeko eta 1.500 zaintzaileri laguntzeko
Telelaguntza-zerbitzu publikoak bakardade-arriskuan dauden erabiltzaileentzako plan pertsonalizatuak gehituko ditu, eta adineko edo mendeko senitartekoak etxean zaintzen dituztenentzako laguntza zabalduko du. Hortaz, uztailean iragarritako telelaguntza prediktibo eta aurreratuaren hedapena osatu egingo da.
Zer da 764 sarea, Gipuzkoako 10 ikastetxetan tiroketa-mehatxuak egin zituen erakunde kriminala
Ertzaintzak, Esquadra Mossoekin eta Guardia Zibilarekin batera, 17 urteko adingabe bat atxilotu du Gipuzkoan. Gazte hori Espainiako Estatuan erakunde transnazional horren erreferente nagusia da, eta gazte kalteberen sextortsio, mehatxu eta manipulazio delituengatik ikertzen ari dira.
Jaien hasiera dela eta, Gasteizko Andre Maria Zuriaren plazako landare-eskultura kendu dute
Urtero bezala, Andre Maria Zuriaren jaiak direla eta, Gasteizko Udalak aldi baterako kenduko du Andre Maria Zuriaren plazan dagoen landare-eskultura, jende gehien biltzen den ekitaldietan kaltetu ez dadin.
Kerman Villateren gurasoak, Gasteizko alkateari: "Hitzemandako barne-ikerketa abiatuko duzu orain?"
Radio Euskadiko erreportaje batek zabaldu duenez, Mitika diskotekako atezainek gutxienez lau gazteri eraso egin zieten Kerman Villate hil aurreko hilabeteetan. Kermanen gurasoek salatu dutenez, atezainek gutxienez 22 eraso egin dituzte; horietako 13, Gasteizko Udalak berak Arartekoari aitortuta.
37 urteko gizon bat atxilotu dute, N-634 errepidean, Zornotza parean, txirrindulari bat autoarekin harrapatu eta hiltzeagatik
Uztailaren 25ean Zornotzan 82 urteko txirrindulari bat harrapatu zuen ibilgailuaren jabea atxilotu egin dute, Bilbon. Gidariak ihes egin zuen istripuaren tokitik, eta biktima egun horretan bertan hil zen, Gurutzetako Ospitalean.
Iñigo Etxezarretak "Zurekin Batera" abestu du Gasteizko jaietako pregoian
Gasteizko Plaza Barria Iñigo Etxezarretaren pregoiaren lekuko izan da. ETSko abeslariak Zurekin Batera abestu du Oreka TX taldearekin batera.