Zeintzuk dira uda honetan Pertseidak ikusteko lekurik hoberenak?
Aurten ere Pertseidak ikusteko aukera izango dugu Euskal Herriko zeruetan, eguraldiak laguntzen badu. 'Done Laurendiren malkoak' abuztuaren 10aren inguruan gertatzen den udako fenomeno astronomiko ikusgarrienetako bat dira. Aurten, uztailaren 17tik abuztuaren 24ra bitartean izango dira ikusgai, baina unerik gorena hilaren 11 eta 13a bitarteko gauetan izango da. Sasoialdi honetan, zeruak dir-dir berezia egingo du, ikuskizun liluragarri bat eskainiz guztion gozamenerako.
Izar iheskorren zaparrada horiek udako protagonista bihurtu dira; izan ere, garai honetan urteko gainerako egunetan baino errazago ikusi ahal dira, eta oporraldiarekin bat egiteak ere laguntzen du.
Aurten ilargia laugarren ilgoran dagoenez, meteoroak ikusi ahal izateko ilargia ezkutatu arte itxaron beharko da; izan ere, horren argiak zaildu egiten du ikuskizunaz gozatzea. Pertseidak ikusteko lekurik onenak argi-kutsadura txikia duten zeru iluneko eremuak dira. Horregatik, Euskadik kokapen ezin hobeak ditu izar-jasak behar bezala ikusteko.
Nondik ikus ditzaket Pertseidak?
Fenomeno astronomiko honetaz gozatzeko lekurik onenetako batzuk Urkiolako Parke Naturala eta Serantes mendia dira Bizkaian; Izki eta Valderejoko Parke Naturalak, Gorbeiako Parke Naturala eta Garaioko Parkea Araban; eta Igeldo mendia Gipuzkoan. Leku horiek oso aproposak dira behaketa astronomikorako, zeru ilun eta garbiak eskaintzen baitituzte, argi-kutsaduratik urrun.
Iruñeko Planetarioan hitzordua
Iruñeko Planetarioak, aurten ere, Pertseidak ikusteko ekitaldi berezia antolatu du abuztuaren 12tik 13rako gauean, hau da, jarduera handieneko unean. Ekitaldia Xabierko gazteluaren inguruan izango da, 22:00etatik aurrera, iluntasun gorena dagoenean, hain zuzen.
Fenomeno honen sekretuak ezagutu ahal izango dituzte Planetarioari esker, bi orduz, Iñaki Ordoñez eta Fernando Jauregui astronomoen eskutik, eta teleskopioak erabiltzeko aukera izango da. Suakai musika taldeak girotuko du ekitaldia, 'Natura' obraren egokitzapen berezi batekin.
Zure interesekoa izan daiteke
Baionako gotzainak Urruñako erretorea baztertu du adingabe batek sexu-abusu salaketa jarri diolako
Marc Ailletek Baionako elizbarrutian apaiz gisa jardutea debekatu dio Xavier Zabaletari, Besiers herrian adingabe bati ustez egindako abusuen salaketa baten berri izan ostean. Zabaletak ukatu egin ditu akusazioak.
Eskisabel: "Norbanakoen esku utzita, nekez egingo du aurrera euskarak; baldintza politikoak behar dira"
Larunbatean Iruñean egingo den Euskaltzaleen Martxaren atarian, Idurre Eskisabel Euskalgintzako Kontseiluko idazkari nagusia itxaropentsu mintzatu da, eta ekitaldi jendetsua izatea aurreikusten dutela ziurtatu du. Herritarren inplikazioa eskatzeko ez ezik, agintariei mezu zuzena helarazteko ere baliatuko dute hitzordua. Euskaraz bizitzeko eskubidea bermatzeko, baldintza sozialak, politikoak, kulturalak eta materialak behar direla aldarrikatuko dute.
Larunbatean Iruñeko kaleak euskaltzalez betetzeko azken deia egin du Kontseiluak
Nafarroako hiriburuko kaleak zeharkatuko dituzten hiru zutabeen pankarten diseinuak eta egileak iragarri dituzte, hain zuzen ere, gaurkoan. Hartara, zutabeen hasieran, gizarte zibileko hiru kolektibok botako dituzte pregoiak eta txupinazoa: Azterketak Euskaraz mugimenduak, euskarazko eduki sortzaileek, eta Batuz Aldatuko talde eragileak.
25 urteko kartzela zigorra berretsi du Auzitegi Gorenak Nelson David Morenorentzat, hilketa, lapurreta eta iruzurra egotzita
Bizkaiko Auzitegiak eta, ondoren, Euskal Autonomia Erkidegoko Auzitegi Nagusiak errudun jo zuten Nelson David Moreno, eta gaur, astelehenarekin, Auzitegi Gorenak gaitzetsi egin du akusatuaren defentsak epaiaren aurka jarritako kasazio errekurtsoa.
Leon XIV.a aita santuak migratzaileei babesa, harrera eta integraziorako benetako aukerak ematea eskatu du
Historian lehen aldiz, aita santu batek hitzaldia eman du Espainiako Kongresuan. Besteak beste, abortuaren eta eutanasiaren kontra hitz egin du, estatuen berrarmatzea salatu eta aurkaria deskalifikatzea kritikatu.
Espainiako Gobernuak preskripzio epea zabaltzeko legea blokeatu duela salatu dute Elizaren abusuen biktimek
Reparacion Integral Ya (RIYA) elkarteak Leon XIV.a aita santuari eskatu dio pederastia delituen preskripzio epeak luzatzearen alde egiteko. Halaber, Felix Bolaños Presidentetzarako eta Memoria Demokratikorako ministroak Kongresuan agerraldia egin dezala eskatzeko galdegin die talde parlamentarioei.
Albiste izango dira: EITB Data, aita santua sexu abusuen biktimekin bilduko da eta Iran-Israel gatazka
Gaurkoan Orain-en albiste izango direnen laburpena, bi hitzetan.
Aita santua Elizak egindako sexu abusuen biktimekin bilduko da arratsaldean
Madrilen egingo duen azken egunean batzartuko da Leon XIV.a biktimekin, Kongresuan hitzaldia eman eta gero.
Zopak, tortillak eta izozkailukoak dira gehien kontsumitzen diren aurrez prestatutako platerak
Zopak eta kremak janari prestatuaren kontsumoaren liderrak dira; pizzak, ordea, pisua galdu du, eta jateko prest dauden plater berriak goraka doaz.
Gero eta gutxiago kozinatzen dugu: aurrez prestatutako plateren kontsumoa % 150 hazi da Euskadin, eta % 133 Nafarroan
Euskadik eta Nafarroak etxeko elikagaien kontsumoa murriztu dute janari prestatuaren erosketa handitzen den bitartean.