Arriskutik kanpo daude Gurutzetan ospitaleratutako aita eta seme getxoztarrak, Tanzanian istripua izan ostean
Abuztuaren 4an Tanzanian istripua izan zuten Getxoko aitak eta semeak politraumatismoak dituzte, baina arriskutik kanpo daude eta egoera erreserbatua dute. Istripuan emaztea eta alaba hil ziren.
Adingabeak aurpegiko eta toraxeko politraumatismoa du, eta "egonkor eta kontziente" dago Barakaldoko Gurutzetako Ospitaleko Bizkortze Unitatean.
Asteartean heldu ziren bak Gurutzetako Unibertsitate Ospitalera, Nairobiko Ospitalean egon ostean, Ngorongoro kraterraren inguruan zihoan ibilgailua erori ostean izandako zauriengatik.
Zaurituak kontratatutako bidaia-aseguruak kudeatutako hegaldi batean abiatu ziren atzo Loiuko aireportura (Bizkaia), eta 22:00etan lurreratu ziren. Aseguru-etxeak prestatutako anbulantzia batek eraman zituen orduan pazienteak aireportutik Gurutzetara.
Ospitaleratu ondoren, medikuen eta erizainen osasun-taldeak pazienteen egoeraren balorazio zehatza egin zuen.
Aita traumatologiako solairuan ingresatuta dago eta adingabeak Bizkortze Unitatean jarraitzen du.
Asteazken goizean komunikabideen aurrean agertu dira Gorka Ojinaga Gurutzetako Ospitaleko Amnestesia eta Bizkortze Zerbitzuko burua eta Iker Castelo mediku laguntzailea, euren osasun egoeraren berri emateko.
Medikuek familiaren eskaera helarazi dute, "bizi izandako tragediaren aurrean, bere intimitatea eta informazioaren konfidentzialtasuna ahalik eta gehien errespetatzeko".
Zure interesekoa izan daiteke
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emaztea hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.
Gasteizko Mitika aretoaren auzia herri-epaimahai baten aurrean epaitzea baztertu du Gorenak
Arabako Probintzia Auzitegiak arrazoia eman zien akusatuaren defentsari eta Fiskaltzari, uste baitzuten gertakariak hobeto egokitzen zirela lesio-delitu batera, zuhurtziagabekeriazko homizidio batekin batera, eta horrek eragotzi egingo luke kasua herri-epaimahai baten aurrean epaitzea.
26 urteko emakume bat oso larri zauritu da Saratsan, auto-istripuan
Ezbeharra N-240-A errepideko 11,5 kilometroan jazo da. Larrialdi zerbitzuek ibilgailutik atera dute emakumea, eta anbulantzian eraman dute Nafarroako Unibertsitate Ospitalera, Iruñera. Guardia Zibila ezbeharraren nondik norakoak ikertzen ari da.