Etxeko langileentzat, eskubide berriak: doako osasun-azterketak eta lan-arriskuak ebaluatzea
Lan-arriskuak ebaluatzea, arriskuen prebentziorako online ikastaroa eta doako osasun-azterketak. Hemendik aurrera etxeko langileek izango dituzten eskubideetako batzuk dira horiek, orain arte ez zituztenak. Espainiako Gobernuak Ministroen Kontseilura eraman duen errege-dekretuan daude jasota, eta, aurreikusita zegoen bezala, onartu egin da etxeko langileen eskubideak zabaltzen dituen testu berria.
Hala, Laneko Segurtasun eta Osasunerako Institutu Nazionalak lanpostuen arriskuak ebaluatzeko tresnak jarriko ditu kontratatzaileen eskura, eta arriskuei eta prebentzioari buruzko formaziorako online ikastaroa egiteko aukera izango dute langileek.
Bestalde, mediku-azterketak doan egiteko aukera ere izango dute aurrerantzean etxeko langileek, eta hori ere administrazio publikoak hartuko du bere gain. Etxe batean baino gehiagotan lan egiten duten pertsonek osasun azterketa bakarra egitea nahikoa izango dute. Beti, langileak berak nahi badu egingo du azterketa.
Lan-arriskuei buruzko ikastaroa derrigorrean egin beharko dute langileek: euren lan ordutegian egingo dute, eta hala ez bada, ikastaroan igarotako orduak libratzeko aukera izango dute. Kontratazaileek, beren aldetik, lanerako ezinbestekoak dituen "tresna egokiak" jarri beharko ditu langilearen eskura.
Testu berriak, halaber, etxeko lanetan indarkeria eta jazarpen egoerei aurre egiteko jarduera protokolo bat aurreikusten du. Protokolo hori Laneko Segurtasun eta Osasunerako Institutu Nazionalak prestatuko du, errege-dekretua argitaratu eta urtebeteko epean, gehienez ere.
Dekretua ez da 2026ko urtarrilera arte indarrean sartuko.
Biztanleria Aktiboaren Inkestak (BAI) bildutako datuen arabera, etxeko langileen % 88,9 emakumeak dira, eta ia erdiak, migratzaileak.
Ministroen Kontseiluaren ondorengo agerraldian, Yolanda Diazek adierazi du "emakume ikusezinak, gure bizitzei eusten dietenak, zaintzen gaituztenak eta duela gutxi arte eskubiderik aitortzen ez zitzaienak" babesteko araua dela gaur onartutakoa.
Espainiako Estatuan lehen aldiz aitortu zaizkie halako eskubideak etxeko langileei.
Zure interesekoa izan daiteke
Aranako harrera zentroa urrian zabalduko dute eta 120 pertsonentzako lekua izango du
Espainiako Gobernuak azaldu duenez, plaza kopurua murriztu izanaren arrazoia da —hasiera batean, 350 plaza zeuden aurreikusita— duela hiru urte proiektua pentsatu zenean baino errefuxiatu gutxiago ari direla iristen egun Estatura. Ondorioz, "presioa nabarmen murriztu" da.
Ikertzaileek nabarmendu dute akusatuak "bere borondatez" bi aldiz aitortu zuela Lukas Agirre hil zuela
Halaber, agente batek adierazi du bigarren auzipetuak jakinarazi ziola krimenean erabilitako labana berea zela eta ustezko hiltzaileari berak eman ziola.
Jokabide homofoboa egotzita Iruñean epaitu dituzten lau gazteek ukatu egin dute gertakarietan parte hartu izana
Biktimari elkartasuna adierazteko, Egham Nafarroak elkarretaratzea egin du auzitegiaren atarian eta homofobiari aurre egiteko neurriak eskatu ditu.
100.000 € gorde dira indarkeria matxistaren biktimen seme-alaben laguntzetarako Euskadin
2025ean emakumeen aurkako indarkeria matxistaren ondorioz hildako emakumeen 8 seme-alaba lagundu dira. Laguntza ama hiltzen den unean adingabeak diren seme-alabei zuzenduta dago, eta 21 urte bete arte eska daiteke.
Insaustik airean utzi du 2030eko Munduko Futbol Txapelketarako Donostiaren hautagaitza: “Zer ekarriko duen aztertu egin behar da”
Alkateak “zuhur eta zorrotz” aztertu nahi du ekitaldiak ekonomian, logistikan eta gizartean izango duen eragina; PSE-EEk, berriz, Donostiaren hautagaitza irmoago babestea eskatu du.
Maialen Mazonen hilketagatik akusatutako gizonak uko egin dio epaiketan deklaratzeari
Ondorioen idatzian, akusazioek 45 urteko kartzela eskariari eutsi diote Mazonen ustezko hiltzailearentzat, eta defentsak ere hasierako eskaria mantendu eta absoluzioa galdegin du.
Honako hauek dira Euskadiko bizitegi-larrialdiari erantzuteko gaurtik indarrean diren premiazko neurriak
Etxebizitzaren arloko politika publikoak merkatuaren errealitate berrira egokitzea bilatzen du Eusko Jaurlaritzak onartutako dekretuak, estaldurak eta laguntzak handituz, tresnak malgutuz eta gaur egun etxebizitza duina eta egokia lortzeko zailtasun handiagoak dituztenei "modu azkarragoan eta eraginkorragoan" erantzuteko. Gainera, etxebizitza babesturako eta alokairu publikorako higiezinen-parkea handitzeko neurriak aurreikusten ditu.
Isabel Aaiun, Boney M, Ojete Calor eta Shinova taldeek kontzertuak eskainiko dituzte 2026ko sanferminetan
Nafarroako hiriburuko Udalak aurtengo sanferminetan kontzertuak eskainiko dituzten artistetako batzuk ezagutzera eman ditu.
Kartzelara bidali dute, behin-behinean, Arrasaten ikasle-egoitza batean sexu-erasoa egin duelakoan atxilotutako gizona
Ustezko bortxaketa joan den otsailean gertatu zen Arrasateko ikasle-egoitza batean, eta 22 urteko emakumeak ostiralean jarri zuen salaketa. Mondragon Unibertsitateak oharra zabaldu du gaur goizean, ikasle eta langileen artean bortxaketaren berri emateko, eta elkarretaratzeak egin ditu unibertsitateko campus guztietan.
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitzaren prezioa tasatzea da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestua eskuratzeko baremoen gainetik dago, baina merkatu libreko prezioen azpitik".