Asteburuak argitzera eta epeltzera egingo du, euritsu hasiko bada ere
Udazkeneko lehen asteburua hodeitsu eta zaparradekin abiatuko da, baina orduak igaro ahala, argitzera egingo du, udaberri tankerako igandea uzteraino, EITBko meteorologia zerbitzuak zein Euskalmetek egindako iragarpenaren arabera.
Gaur, ostirala, giro nahasia izango da protagonista. Denean bustiko du, baina zaparradak sarriagoak izango dira lurraldearen ekialdean (Gipuzkoa eta Nafarroa iparraldea) egunaren bigarren partean. Ez da baztertzen ekaitzen bat izatea kostaldetik gertu. Dena dela, egunean zehar, ostarteak ere zabalduko dira, tarteka bada ere. Tenperaturek behera egingo dute, eta mendebaldeko eta ipar-mendebaldeko haize gogorraren ondorioz, hotz sentsazioa areagotu egingo da. Tenperatura maximoak 17-19 ºC-koak izango dira, eta minimoak egunaren amaieran neurtuko dira.
Iragarpena kontuan hartuta, Nafarroako isurialde atlantikoan abisu horia ezarri du Aemetek, euriagatik. Abisua gaurko 18:00etatik larunbateko 12:00ak arte egongo da indarrean, eta ez da baztertzen 12 orduan 40 litro pilatzea metro koadroko.
Larunbat goizean ere, antzeko giroa izango dugu, baina egunak aurrera egin ahala, hobera egingo du. Goizaldean, zaparradak sarri botako ditu isurialde atlantikoan, eta zenbait lekutan trumoitsuak eta mardulak izan daitezke. Zaparradak bakanduz joango dira, eta arratsaldean ostarteak irekiko dira: iluntzean garbi geratuko da zerua. Hotz egingo du, batez ere goizaldean eta iluntzean, eta tenperatura maximoetan ez da aldaketarik izango. Haizeak ipar-mendebaldetik joko du; eguerditik aurrera, ipar-ekialdetik.
Igandeak bestelako aurpegia erakutsiko du: epeltzera egingo du eta giro eguzkitsua nagusituko da. Egunaren lehenengo partean, hodeiak eta ostarteak izango ditugu, erdi-mailako hodeiekin eta goi-hodeiekin, eta arratsaldean, zerua nahiko garbi geratuko da. Hego-haizea ibiliko da, eta tenperaturak gora egingo du; altuenak 22-25 ºC-koak izango dira.
Zure interesekoa izan daiteke
PISAko emaitza txarren gakoak sakon eta denboraz aztertu behar direla diote adituek
Ostiral honetan EAEko 900 ikastetxetako ordezkariekin bildu aurretik, Begoña Pedrosa Hezkuntza sailburua aditu talde batekin bildu da gaur arratsaldean, hezkuntza-sistemaren gabeziak aztertzeko. Horietako batek, Junkal Gutierrezek, azaldu du ez dagoela faktore bakar bat PISA txostenak erakutsitako emaitza txarrak azaltzen dituena, eta askotarikoak izan daitezkeela.
CAFen Beasaingo plantako komun batean kamera bat aurkitu dute eta langile batek bere burua erruduntzat jo du
Enpresa Batzordeak gertatutakoa salatu du eta "elkartasun osoa" adierazi die "eraso hau jasan ahal izan duten pertsona guztiei". Ertzaintzak ikerketa zabaldu du.
'Euskara Bonuaren' estreinaldiarekin hasi da euskaltegietako matrikulazioa
Ekimen horri esker, euskara lau urtez ikas daiteke 120 euroko ordainketa bakarra eginda, eta herritar gero eta gehiago hizkuntzaren "erabiltzaile independente" izatea du helburu.
Hezkuntza Saila arratsaldean bilduko da ebaluaziorako aditu taldearekin PISA txostenaren emaitzak aztertzeko
Begoña Pedrosa sailburuak gidatuko du gaurko bilera, eta hezkuntza-sistemaren gabeziak aztertzeko balioko du, besteak beste. Hausnarketa horiek guztiak bihar BECen bilduko diren 900 ikastetxeetako ordezkariei helaraziko dizkiete, elkarrekin aurrera pausoak emateko.
Salbuespenezko egoera deklaratu du berriro Bizkaiak, inoren kargura ez dauden adingabe migratzaileak hartzeko
Neurri horri esker, aldi baterako egoitza-baliabideak gaitu ahal izango dira, lurraldera iristen diren adingabeen arreta bermatzeko eta lehendik tenkatuta dagoen sarea arintzeko.
Ertzaintzak 6 pertsona atxilotu ditu Beasainen droga trafikoa eta talde kriminaleko kide izatea leporatuta
Senpere auzoko eraikin bat hustu dute, eta atxilotuez gain, 12 pertsona etxetik aterarazi dituzte. Agenteek kokaina, speeda eta saltzeko prest zegoen haxixa atzeman dituzte, besteak beste, baita garaje eta trastelekuetan lapurtutako hainbat objektu ere.
Chivitek iragarri du Ceutara iritsitako bost neska hartuko dituela Nafarroak
Nafarroako presidenteak azaldu duenez, bere Gobernuaren "politika ulertzeko" modua Ceutara iritsitako pertsona horiei "babesa" ematea da.
Albiste izango dira: Suizidioa Prebenitzeko Munduko Eguna, Yoyesen hilketaren 40. urteurrena eta medikuen greba
Gaurkoan Orain-en albiste izango direnen laburpena, bi hitzetan.
Adimen artifizialak hurrengo hamarkadan hilko gaitu?
Anthropiceko ikertzaile batek dimisioa eman du eta adimen artifizialak gizadia akabatu dezakeela ohartarazi du; enpresako beste arduradun batek, berriz, % 10 baino gehiagoan kokatu du hori gertatzeko probabilitatea.
Hainbat kilometroko auto-ilarak AP-8an Irunera bidean, Malmasingo tunela baino lehen izandako istripu baten ondorioz
Bi ibilgailuren arteko istripu bat izan da Malmasingo tunelaren aurretik, AP-8ko 114. kilometroan, Irungo noranzkoan, eta hainbat kilometroko auto-ilarak sortu dira. Erreietako bat itxita izan da.