Nerabezaroan osasun mentaleko arazoak tratatzearen garrantzia
Nerabezaroa aldi erabakigarria da ongizate mentalerako garrantzitsuak diren ohitura sozial eta emozionalak garatzeko. Gazteekiko hainbat esamolde gure gizartean errotuta daude, esaterako: "Nerabezaroko kontuak dira" edo "atentzioa emateko egiten du". Eta, tamalez, askotan, hori dela eta, benetako arazoak oharkabean pasatzen dira. Lanketarik ez egiteak ondorioak ditu, helduarora arte hedatu daitezkeelako.
Nerabezaroan, faktore askok dute eragina osasun mentalean, baina honako hauek dira ohikoenak: nahasmendu emozionalak, hala nola antsietatea edo depresioa, (horiek eskola-errendimenduan arazoak ekar ditzakete, eta isolamendua eta bakardadea eragin); portaera-nahasmenduak; substantzien kontsumoa edo sare sozialen gehiegizko erabilera.
Gazte eta nerabeen osasun mentalarekin gero eta kezkatuago dago gizartea. UNICEFek berriki egindako ikerketa baten arabera, nerabeen % 40k baino gehiagok adierazi dute osasun mentaleko arazoren bat izan dutela azken urtean, baina erdiek baino gehiagok aitortu dute ez dutela laguntzarik eskatu. Oraindik ere, beraz, estigma egon badago gaiaren inguruan. Laguntza eskatu duten gehienek, bestalde, beren ingurune hurbilean egin dute:
Buruko osasunari loturiko arazoek arreta espezializatua eta profesionala behar dute. Iaz, nerabezaroa modu bereziki gatazkatsuan igarotzen ari diren nerabeak artatzeko Norbera izeneko programak 13 eta 17 urte bitarteko 202 nerabe eta horien gurasoak artatu zituen.
Leire Zapirain programaren zuzendari teknikoaren ustez, nerabeentzat garrantzitsua da terapian familiak parte hartzea, aurrez aurre dituen erronkei aurre egiteko tresnak garatzen laguntzeko.
Zure interesekoa izan daiteke
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Familian Mugikorrik Gabeko Eguna ospatuko dute Donostian, Bilbon eta Gasteizen. Familietan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta denbora partekatuaren balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga garraiatzeko arduraduna 76 urteko gizon bat zen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.