Hiru pertsona atxilotu dituzte Getxoko taberna bateko langileak esplotatzeagatik
Espainiako Poliziak hiru pertsona atxilotu ditu, gizonezko bat eta bi emakume, Getxoko taberna batean lan egiten zuten hainbat emakumeren langile-eskubideen kontrako hainbat delitu egotzita, kontraturik gabe eta abusuzko lan baldintzekin lan egitera behartzeagatik, besteak beste.
Gainera, tabernaren jabea den gizonezkoari eraso sexistak egitea ere leporatzen zaio, langileei ukituak eta eskaintza sexualak etengabe egiteagatik, Poliziak ohar batean adierazi duenez.
Bilboko Atzerritarren eta Mugen Brigada Probintzialak ikerketa abiatu zuen sei biktimen deklarazioak jaso ostean; haiek azaldu zuten Getxoko taberna batean lan egiten zutela, bizileku- eta lan-baimenik ez zuten arren.
Ikertzaileei azaldu zietenez, tabernako jabeak, haren emazteak eta arduradun batek laneko elkarrizketak egin, eta haien ordutegiak eta lan-moduak kontrolatzen zizkieten, eta astean sei egunez eta egunean hamar orduz lan egitea eskaini, hilean 1.000 euroren truke.
Lanean hasten zirenean, ordea, bestelakoa zen topatzen zutena. Ezin zuten lanegun osoan atsedenik hartu, gaixorik egonda ere lanera joan behar zuten eta eguneko 20 eurokoa zen euren soldata. Ez zuten lan-kontraturik.
Azaldu zutenez, gainera, gizonak ukituak egiten zizkien etengabe, baita atximurkak egin eta ipurdikoak eman ere lanean ari zirenean; eta senitartekoak Espainiaratzen laguntzea eskaintzen zien, sexuaren truke.
Lekuko babestu gisa hartu zituen Poliziak salatzaileak, eta ikerketan zehar, baieztatu ahal izan zuten atxilotuek 2018tik zeramatela egoera irregularrean zeuden langileak kontratatzen.
Horregatik guztiagatik, Atzerritarren eta Mugen Brigada Probintzialeko agenteek eta Bizkaiko Laneko eta Gizarte Segurantzako Ikuskaritza Probintzialeko kideek ikuskapena egin zuten tabernan, eta hiru susmagarriak atxilotu zituzten.
Zure interesekoa izan daiteke
Urriaren 29ko 21:05ean SOS Deiak-ek bazekien GOIDIak gutxienez 2 hildako utzi zituela Valentzian
Uholdeak hasi zirenean, emakume batek Zegamatik (Gipuzkoa) deitu zuen, Catarrojan zaintzaile lanetan ari zen bere lagun batek ezin izan zuelako bere ardurapean zuen adineko pertsona bat eskaileretatik igo, eta hura ito egin zela jakinarazi zuen.
Euskadik 64,3 organo emaile lortu zituen milioi biztanleko iaz, eta Nafarroak 88,2
Guztira, Euskadin hil ziren 144 herritarrek eta Nafarroan zendu ziren 60 lagunek eman zituzten organoak 2025ean.
Baserri baten teilatuaren zati bat kiskali da Bitorianon, Zuiako kontzejuan
Sute handi batek baserri bateko teilatua kiskali du ostiral honetan Bitorianon, Zuiako kontzejuko herri txiki batean, Araban. Kalteak izan dira eraikinaren goiko solairuan, 400 urte baino gehiago dituenak, suhiltzaileek azkar jardun duten arren. Garrek ke handia eragin dute, baina suak ez du inor zauritu.
AP-8 autobidea itxita egongo da gaur gauetik larunbat arratsaldera Mendaron, Bilborako noranzkoan
22:00etatik aurrera, 'bypass' bat jarriko dute, Bilborantz doazen ibilgailuak Behobiarako noranzkoko ezkerreko erreietik desbideratzeko.
Foru Berria Gizateriaren Ondare izendatzea eskatuko dute Bizkaiko Batzar Nagusiek eta Foru Aldundiak
Foru Berria onartu zenetik 500 urte betetzen diren honetan egingo dute eskaera. Bizkaiko Batzar Nagusiek 1526an onartu zuten eta urtebete geroago berretsi zuen Karlos I.a enperadoreak.
Otsoen erasoak nabarmen ugaritu dira Karrantzan
Karrantzako (Bizkaia) herritarrak oso kezkatuta daude azken asteotan nabarmen ugaritu baitira otsoek inguruan eragindako erasoak. Ildo horretatik, Kantabrian, otso batek, gutxienez, berriki zauritutako asto bat erakusten dituzten irudiak jaso ditu EITBk. Halaber, Karrantzarekin mugan dagoen Ramales de la Victoria udalerrian (Kantabria) otso bat grabatu dute, Ancillo mendian. Animalia horiek kalte handiak eragin dizkiete inguruko abeltzainei aspaldidanik; izan ere, dozenaka ardi, moxal eta zekor hil edo zauritu dituzte han. Aspaldiko gertaerei, azken aste hauetako erasoak gehitu behar zaizkie. Gertaera horiek eztabaida sortu dute animalien aldeko taldeen eta abeltzainen artean, batzuek otsoa espezie mehatxatuen euskal zerrendan gehitzea eskatzen dutelako, besteek eraso horiei aurre egiteko neurri zehatzak eskatzen dituzten bitartean.
Gipuzkoako adinekoen egoitza publikoetako garbitzaileek euskararen hizkuntza-eskakizunik ez dutela behar ebatzi du epaitegi batek
Euskadiko CCOOk ohar batean azaldu duenez, hautagaiek "hamarkadak zeramatzaten egoitzetan lanean, aldi baterako kontratuekin eta lan ordutegiaren barruan euskara ikasteko aukerarik gabe, bitarteko langileak zirelako". Sindikatuarentzat "hizkuntza eta lan eskubideak guztiz bateragarriak dira proportzionaltasun soziolinguistikoak errespetatuz".
Banderaren jaitsiera, zuzenean
24 orduko festari amaiera emango dio Donostiak hiriko bandera jaistearekin batera.
Donostiako haurren danborrada, zuzenean
Jarraitu zuzenean Donostiako haurren danborrada!
Azpeitiko danborrada, zuzenean
Jarraitu zuzenean Azpeitiko danborrada.