Atertuz joango da eta asteburuan giro dotorea izango dugu, eguzkia eta tenperatura atseginak lagun
Eguraldiak egonkortzera egingo du apurka-apurka, eta atzean geratuko da Euskal Herriko ipar-ekialdea astindu duen euri-denboralea. Hori horrela, asteburuan giro txukuna izango da, eta eguzkiaz eta tenperatura epelez gozatzeko aukera izango dugu.
Euskalmet Euskal Meteorologia Agentziaren iragarpenaren arabera, gaur goizean, Gipuzkoan eta Ipar Euskal Herrian izan diren zaparradak gorabehera, gainerakoan ateri eutsi dio. Arratsaldeak aurrera egin ahala, fronte bero bati loturiko hodeitza iritsiko zaigu mendebaldetik, eta baliteke gauean euri txikia edo zirimiria egitea han-hemenka. Tenperaturak apur bat berreskuratuko dira, eta maximoak 15 eta 20 ºC artekoak izango dira.
Larunbat goizaldean eta goizean, fronte horren ondorioak izaten jarraituko dugu, eta zerua lainotuta egongo da; zirimiria egingo du han-hemenka. Gainerako orduetan, ostarteak izango dira, baina arratsaldean, isurialde atlantikoan zaparradaren bat edo beste sar daiteke noizbehinka itsasaldetik. Goizean, hego-haizea ibiliko da, eta horrek tenperatura maximoak igoaraziko ditu (18-22 ºC).
Igandean, eguzkia eta tenperaturen igoera nabarmena. Goizean, erdi-mailako hodeiak eta goi-hodeiak agertuko dira zeruan, baina saretuz joango dira eguerdirako. Termometroek beste koska bat egingo dute gora isurialde atlantikoan, eta 25-26 ºC harrapatuko dituzte; gradu batzuk beherago geratuko dira hegoaldean. Hego-haizea ibiliko da, eta baliteke mendi inguruetan traba egitea.
Joeraren arabera, astelehenean beste fronte bat sartuko da, eta euritara joko du berriro.
Gainera, gogora ekarri behar da itsasaldeko arriskuagatik abisu horia izango direla indarrean ostiral arratsaldean eta igandean. Lehena 17:00etatik 19:00etara aktibatuko da, itsasaldi oso bizia espero baita; beraz, itsasertzeko itsas-uholdeez gain, uholde-eremuetan ere gainezka egin dezake urak. Igandean, beste abisu bat egongo da indarrean, 06:00etatik 08:00etara. 2,5-3 metroko olatuak espero baitira, eta 4,7 metroko marea.
Kontsultatu eguraldiaren iragarpena, eta bidali zure argazkiak eta bideoak.
Zure interesekoa izan daiteke
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.