10 familiatik 8 jabetzan duten etxebizitza batean bizi dira
Euskadiko Autonomia Erkidegoko eta Nafarroako hamar familiatik zortzi jabetzan dauzkaten etxebizitzetan bizi ziren 2023an; % 81,2 eta %82,6, hurrenez hurren. Datua Estatuko batez bestekoaren gainetik dago, han % 75,1ekoa izanik.
Hala ere, azken hamarkadan (2013-2023) alokairuan bizi diren familien ehunekoak gora egin du lurralde guztietan, batik bat Gipuzkoan (% 2,9 hazi da). Aldaketaren arrazoia izan daiteke migratutakoen familia kopuruak gora egin duela; % 11 izatetik % 15 izatera pasa dira. Familia horiek, hein handi batean, alokairuan bizi dira.
Lurraldeei banan-banan begiratuta, Nafarroak du portzentajerik handiena alokairuari dagokionean, % 13,7koa. Gipuzkoan eta Bizkaian % 11ren bueltan dabiltza eta Araban % 10 inguruan.
Udalerriei banaka erreparatuta, orokorrean, hiriburuetan eta horien eskualdeetan altuagoa da alokairuan bizi diren familien kopurua, herri txikietan eta nekazal guneetan baino.
Donostialdea da alokairuaren ehuneko altuena duen hiriburua (% 20), Iruñeak oso gertutik jarraitzen dio (% 19,6), Bilbo dago hirugarren postuan (% 16,1) eta, azkenik, Gasteizen % 16koa da datua.
Azken urteetan asko igo da alokairuen prezioa, Kontsumorako Prezioen Indizea (KPI) baino gehiago. EAEn, 2016 eta 2023 bitartean, % 23koa izan da alokairuen igoera, KPIarena, aldiz, % 19koa.
2023an, Nafarroak zuen batez besteko alokairurik merkeena (558 euro/hilean) eta Gipuzkoak, aldiz, garestiena (808 €/h). Tartean zeuden Araba (716 €/h) eta Bizkaia (768 €/h).
Nafarroan, Iruñerria kenduta, gainerako eskualdeetan 500 €/h-tik behera daude alokairuak. Merkeenak Erriberako herrietan topatuko ditugu; Allon, Fiteron, Cortesen eta Los Arcosen 300 €-ren bueltan dabiltza. Aldiz, Iruñerrian, Oltza Zendean eta Zizurren daude prezio altuenak; 700 €-tik gora.
EAEn eskualde gehienetan 700 €/h-tik behera ordaintzen dira. Salbuespenak Arabako Lautada, Bilbo Handia, Plentzia-Mungia, Bidasoa Beherea, Donostialdea eta Urola Kosta dira. Donostialdea da garestiena eta batez besteko prezioa 930 €-tik gora dago. Alokairu merkeenak, aldiz, Arabako Errioxan daude, 430 euroren bueltan.
Zure interesekoa izan daiteke
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Familian Mugikorrik Gabeko Eguna ospatuko dute Donostian, Bilbon eta Gasteizen. Familietan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta denbora partekatuaren balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga garraiatzeko arduraduna 76 urteko gizon bat zen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.