Sanchezek Sumar babestu du eta Errejon auzian egin duen kudeaketa defendatu
Pedro Sanchez Espainiako Gobernuko presidenteak Sumar bazkidea babestu du eta Errejon auzian egindako kudeaketa defendatu. Dena dela, harago jota, 2027ko hauteskunde orokorrei begira, "ezkerreko esparru politikoaren erreformulatzeko" deia egin du.
Atzerrian dago Sanchez, eta Errejon auziak Omanen harrapatu du, Indiara bidean. Kazetariekin izandako solasaldi informal batean azaldu duenez, Yolanda Diazek ez zion inoiz bere 'bigarrenaren' inguruko susmo txarrik aipatu. Hala, horren ustez, Diazek salaketen berri izandakoan hartu ditu neurriak, eta hori da kontuan hartu beharrekoa.
Errejon auziak Sumari zein Espainiako Gobernuari ekar diezazkiekeen ondorioez galdetuta, erantzun du indarkeria matxista salaketak "mingarriak eta desatseginak" direla, baina gogorarazi du koalizio gobernua gai garrantzitsuak onartzeko gai izan dela, Kongresuan duen gehiengo estua gorabehera.
Harago jo du Sanchezek, eta eskuinaren eta ezkerraren esparru politikoaz mintzatu da. Nabarmendu duenez, Alberto Nuñez Feijoo eskuina batzen saiatu bada ere, bi indar nagusitu dira, akaso hiru (PP bera, Vox, eta agian Alvisseren Se acabo la fiesta). Bien bitartean, PSOEtik ezkerrera dagoen espazio politikoa nola geratu den (orain arte Izquierda Unida, Podemos eta Sumar egon dira) argitzea falta dela uste du, 2027ko hauteskunde orokorrak jomuga.
Sanchezez gain, Ana Redondo Berdintasun ministroak ere Sumarren kudeaketa babestu du. Redondoren hitzetan, Sumar "etxerako lanak egiten ari da", eta PPk Nevenka auzian egindakoarekin alderatu du.
Zure interesekoa izan daiteke
Hantabirusak kaltetutako ontzia Cabo Verden ebakuatzea proposatu du Espainiako Osasun Ministerioak, Kanariar Uharteetan eskalarik ez egiteko
Ministerioak jakinarazi du kasu sintomatikoak Cabo Verden ebakuatzen saiatuko direla.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.
Hiru pertsona hil dira, ustez hantabirusak jota, gurutzaontzi batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago izutzeko arrazoirik". MV Hondius gurutzaontzia lehorreratzeko portu bila ari da, Cabo Verdek baimena ukatu baitio. Ontzian doazen 149 lagunetatik 14k Espainiako nazionalitatea dute.
Eric Courdyren heriotzagatik auzipetutako boxeolari ohiak barkamena eskatu eta bere gain hartu du hilketa
"Egindakoa onartzen dut eta barkamena eskatzen diot biktimaren familiari", esan du lehen saioan. 09:00etan hasi dira Verin epaitzen, hilketa gertatu zenetik ia bi urtera.
Bikotekideak 13 labankada eman zizkion Maialen Mazoni, "hiltzeko asmoarekin", fiskalaren arabera
Fiskaltzak hiltzaileak 45 urteko espetxe zigorra bete dezala eskatu du, Zigor Kodeak baimentzen duen handiena. Zehazki, 25 urte azpikeriaz eta ankerkeriaz egindako hilketagatik (emakumea labankadaz hil zuen), 16 urte bi abortu delituengatik eta 4 urte adingabea (onik atera zen 2 urteko alaba) abandonatzeagatik.