EHUko errektoreordeak kargua utzi du, Joxerramon Bengoetxea errektoregaia iraintzeagatik
Guillermo Quindos EHUko errektoreordeak, Eva Ferreira egungo errektorearen kolaboratzaileak, karguari uko egin dio, sare sozialetan Joxerramon Bengoetxea errektoregaiari irainak bota baitizkio.
Eva Ferreira errektore eta hautagaiak, X sare sozialean argitaratutako mezu batean, jakinarazi du Quindosek, hautagaitzan harekin zebiltzanak, karguari uko egin diola, "errektoretza-taldearen eta unibertsitatearen beraren izaera eta balioak islatzen ez dituzten" mezuak sare sozialetan zabaldu baitzituen.
Ferreira "erabat atsekabetuta" agertu da, eta ziurtatu du ez zituela ekintza horiek ezagutzen, "modu erabat pribatuan" egin zirelako. "Mezuen edukia ez ezik, jokabidea ere guztiz onartezina iruditzen zait", gaineratu du.
Eva Ferreira eta Joxerramon Bengoetxea EHUko errektoregaiek programak aurkeztu dituzte gaur Bilboko Bizkaia Aretoan egin den Unibertsitateko Klaustroan.
Bengoetxearen salaketa
Ekitaldian zehar, Joxerramon Bengoetxea hautagaiak hauteskundeetan "garbitasun falta" salatu du, baita X sare sozialean bere aurkako eta bere lantaldeko kideen aurkako irainak ere, Ikasle Kontseiluak zehaztu duenez.
Bengoetxeak adierazi duen bezala, irainen egilea Quindos errektoreordea da, Eva Ferreiraren hautagaitzako kidea.
Bengoetxeak informatikako ikasle talde batek egindako ikerketan oinarritu ditu bere ondorioak.
Bengoetxeak azaldu duenez, uztailean bilera bat izan zuten Eva Ferreirarekin, hauteskunde-prozesua "errespetuan oinarrituta eta garbia" izan zedin adosteko. Hala ere, kanpaina "zikina" izaten ari dela salatu du, eta "atxikipen politikoak" leporatu dizkiote. Era berean, erantsi duenez, azken asteetan bere hautagaitzako kideak "iraintzen eta difamatzen aritzen diren trollak agertu dira sare sozialetan".
Hautagaiaren hitzetan, informatikako ikasle batek txosten bat bidali dio "ziurtasun osoz erakutsiz troll kontu oldarkorrenetako baten atzean Eva Ferreiraren taldeko errektoreorde bat dagoela eta bere hautagaitzaren parte dela".
Ikasle Kontseilua
Txostena kontsultatu ondoren, Iñigo Ugedo Ikasle Kontseiluko presidenteak Bengoetxeak azaldutakoagatik kezkatuta dagoela adierazi du. "Ezin da izan, eta are gutxiago hauteskunde-prozesu batean, garbia, gardena eta eraikitzailea izan behar duena, jarrera negatiboak eta gorrotoa egotea", gaitzetsi du.
Ildo beretik, Zuzenbideko irakaslearen kasua gogorarazi du, diskurtso "matxista, arrazista eta homofoboak" egiteagatik kargugabetua, eta adierazi duenez, "gorrotzoko jarrera batzuek ez dute lekurik Unibertsitatean".
Ikasleen organoak, hori bai, azpimarratu du euren jarrera "neutrala" izan dela eta jarraitzen duela izaten hauteskundeen aurrean, baina horrek ez die eragotzi "gorrotozko jarrerek unibertsitate publikoan lekurik ez" dutela azpimarratzea.
Bestalde, gogorarazi dute azaroaren 19an, 12:00etan, bi errektoregaiek euren programei buruzko eztabaida izango dutela, Leioako Areto Nagusian. Ikasleen Kontseiluak berak antolatu du hitzordua, eta ikasleak izango ditu ardatz nagusi.
Zure interesekoa izan daiteke
Ertzaintzak 65 urtetik gorako pertsonen 11.976 biktimizazio erregistratu zituen 2025ean
Biktimizazio mota hauen erdia baino gehiago 50.000 biztanletik gorako udalerrietan kontzentratu ziren.
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.