Bi gizon bizkaitar ikerketapean, helburu pornografikoengatik adingabeak galbidean jartzea egotzita
Bizkaiko bi gizon ikertzen ari dira helburu pornografikoengatik adingabeak galbidean jartzea egotzita, Guardia Zibila ohar batean jakinarazi duenez. Polizia operazio horretan 29 urteko gizonezko bat atxilotu dute Madrilen eta 13 gizon ikerketapean jarri dituzte Espainiako hainbat probintziatan.
Atxilo hartutakoari mehatxu eta estortsio delituak ere leporatu dizkiote. Izan ere, 12 urteko neskato bat engainatu zuen argazki intimoak bidal ziezazkion, ondoren, "sexualagoak ziren argazki eta bideoak bidali ezean, irudia argitaratuko zituela mehatxu eginda" ("sextortsioa" delakoa).
Ikertutako gizonek Turkiako berehalako mezularitza aplikazio bat erabili zuten neskatoari mehatxu egiteko, eta horietako batzuek biktimarekin izaera sexualeko bideodeiak egitea lortu zuten, mehatxupean beti ere.
Ikerketa Albaceteko probintziako udalerri bateko bizilagun batek jarritako salaketa batetik tiraka abiatu zuen Guardia Zibilak. 12 urteko alabaren sakelakoan eduki pornografikoko irudiak topatu zituzten, berehalako mezularitza aplikazio batetik ateratakoak.
Ikerlariek adingabearen sakelakoa aztertu ostean baieztatu zutenez, neskatoak aplikazio horretan izena eman zuen profilean bere eta lagun baten argazkia jarrita. Irudia aplikazioko 56 erabiltzaileren artean zabaldu zen, eta horietako batzuek "sextortsio" delakoa egin zioten adingabeari.
Ikerketan zehar egiaztatu dute horietako batzuek izaera sexualeko bideodeiak egitera behartu zutela adingabea.
Zure interesekoa izan daiteke
69 urteko motozale bat hil da Gaubean, auto baten aurka talka eginda
Istripuaren ondoren, Txagorritxuko Ospitalera eraman dute zauri larriekin, eta han hil da ordu batzuk geroago.
Martxoak 3ko sarraskia gogoan, Zeledonek hasiera eman die Ama Zuriaren jaiei
Baskoniako ordezkariek suziria piztu eta Zeledon jaitsita, festa lehertu da Gasteizen, Andra Maria Zuriaren plaza gainezka zegoela.
Gizon bat hil da Lizarran, balkoi batetik erorita, Poliziarengandik ihesi zihoala, genero-indarkeria kasu baten ostean
Ikerketaren arabera, hildakoa laugarren solairutik erori da balkoi batetik bestera igarotzen saiatzen ari zela, agenteak Santiago plazako etxebizitza batera iritsi direnean. Bertan, emakume batek eraso baten berri eman du. Auzia sekretupean dagoenez, ez dute emakumearen egoeraz informatu.
Uharteko parrokoak "Rabat bonbardatzea" eta migratzaileei suarekin erantzutea proposatu du
Javier Aizpun apaizak hainbat mezu argitaratu ditu X sare sozialean Ceutako migrazio krisiaren inguruan, eta Marokoren eta migratzaileen aurkako muturreko neurri gogorrak proposatu ditu.
Zuzenean: Zeledonen igoera
Jarraitu zuzenean Zeledonen igoera Joseba Olagarai eta Josu Pedruzoren kontakizunarekin.
Zuzenean: Edurne eta Zeledon Txikiren jaitsiera
Jarraitu zuzenean Edurne eta Zeledon Txikiren jaitsiera, Ilaski Serranoren eta Josu Pedruzoren komentarioekin.
Poliziak duela 16 urte Fiteroko monasteriotik lapurtutako egurrezko erliebe bat berreskuratu du
Fiteroko Santa Klara Monasterioko aldare nagusian zegoen, eta handik hartu zuten duela 16 urte. Zizelkatutako egurrezko erliebea herriko apaizari eman zaio.
Zuzenean: Zeledonen jaitsiera
Andre Maria Zuriaren jaiak 18:00etan hasiko dira, Zeledonen jaitsierarekin. Baskoniak botako du txupinazoa aurten. EITBk zuzenean emango du ospakizunen hasiera, 17:30etatik aurrera.
Zuzenean: Zeledonen jaitsiera
Gasteizko jaiak gaur hasiko dira, 18:00etan. Zeledon jaitsiko da eta Baskoniak txupinazoa botako du. EITBk zuzenean emango du ospakizunen hasiera, 17:30etik aurrera.
San Mamesko metro geltokia berriz ireki dute, sarrerako eskaileretan sutea piztu ostean
Suhiltzaileak metroaren sarreran izan dira lanean. Dirudienez, eskailera mekanikoetan batu den hautsagatik sortu da sutea eta ketza sortu da.