Hiru urtez aritu da udaltzain gisa lanean Etxebarrin, ustez titulua faltsututa
Fiskaltzak epaitegira bidali du Etxebarriko (Bizkaia) Udalak udaltzain baten aurka jarritako salaketa. Udaltzain hori hiru urtez egon zen lanean, Arkautiko polizia-akademiaren titulua ustez faltsututa.
Udaltzaina dagoeneko kaleratu dute. Etxebarriko Udaltzaingoan sartu zen barneko lan-poltsa baten bidez.
Lankideetako batek beste udal batean sasipolizia horri buruz galdetu zuenean piztu ziren susmoak. Bertan aurretik ere udaltzain gisa lan egin zuela ulertuta baitzeukaten, eta, egia ez zela jakin ondoren, haren nagusiek Arkautiko akademian galdetu zuten zalantzak argitzeko, eta han ere ez zuten haren berririk.
Gaur hedabideei zabaldutako ohar batean, Etxebarriko Udalak azaldu du udaltzain baten "balizko irregulartasuna" antzeman ostean, barne-espediente bat abiatu zuela informazio gehiago biltzeko.
"Ikerketa horietan delitu izan zitekeen osagairen bat zegoenez, Udalak Fiskaltzari igorri zion espedientea, eta fiskalak epaitegira eraman zuen", azaldu dute oharrean.
Udalak ez du gertatutakoari buruzko informazio gehiago eman nahi izan, espedientea dagoeneko "epaitegian" dagoela argudiatuz, eta epaileen "lana ez oztopatzeko" eta "justiziak bere zatia egin aurretik" ustez inplikatutako pertsonei kalte egin diezaiekeen adierazpenen bat ez egiteko.
Iker Lopez Comeron Etxebarriko alkateak baieztatu duenez, Udalak udaltzain "faltsuari" buruzko ikerketa abiatu zuen bere lankide batzuen usteek bultzatuta, "curriculumarekin bat ez zetorren gauzaren bat" ikusi baitzuten. Era berean, adierazi du ez zetorrela Arkautiko lan-poltsatik, baizik eta Udalaren beraren hautaketa-prozesu baten bidez kontratatu zutela.
Bestalde, bere kaleratzea errekurritu duen langileak "Udaltzaingoaren eskumenekoak diren lan guztiak" egin ditu, alkateak onartu duenez. Lopez Comeronen esanetan, Udalak ez du curriculumean aurkeztutako agiriak "egiaztatzeko betebeharrik". "Guk ez dugu arazorik izan bere lanarekin", berretsi du.
Azpimarratu duenez, beste udal batzuek bezala, Etxebarrikoak hitzarmen bat du Arkautirekin, beharginak behar izanez gero bere poltsa erabiltzeko. Hala ere, erantsi duenez, "askotan, poltsa hori pertsonarik gabe dago, eta, orduan, udalek bizimodua ateratzeko beharra dute eta poltsa propioak aurrera eramaten dituzte, eta hori gertatu zen kasu honetan".
"Baja asko zeuden betetzeko, oporraldia zen eta Arkautin ez zegoen jenderik eskuragarri; beraz, tokiko poltsa bat egin zen", adierazi du, eta gogorarazi Udalaren hautaketa-prozesu hori 2019an egin zela.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.