2025a hotz eta eguzkitsu hasi da, baina fronte batek lainoak ekarriko ditu bihartik aurrera
2025a aldaketa nabarmenik gabe abiatu dugu, eguraldiari dagokionez, bederen. Hotz egin du goizean, eta eguzkia da jaun eta jabe zeruan. Aro hori izango dugu, hain justu, egun guztian nagusi, Euskalmet euskal meteorologia agentziaren arabera. Bihartik aurrera, baina, aldaketak etorriko dira, fronte bat hurbilduko baita; hodei gehiago izango ditugu eta tenperaturek koxka bat egingo dute gora.
Urteko lehen egun honetan, giro egonkorrak eta eguzkitsuak jarraipena izango du. Aldaketa egunaren amaieran etorriko da, erdi mailako hodeiak eta goi-hodeiak ugarituko baitira. Eguna hotzetik hasi dugu, eta barnealdeko zenbait txokotan izotzak bazterrak zuritu ditu. Gasteizen eta Iruñean, esate baterako, -3 graduko tenperaturak neurtu dira. Gainerako hiriburuetan goiza epelagoa izan da, eta 0 graduko tenperaturak gainditu dira. Egunak aurrera egin ahala, termometroek gora egingo dute, kostaldetik gertu hego ukituko haizea bizitu egingo baita. Bilbon, Donostian eta Baionan 15 gradu ingurura igoko da merkurioa. Gasteizen eta Iruñean, aldiz, 8 gradu ingurukoak izango dira maximoak.
Ostegunean aldaketa nabarituko dugu. Fronte bat gerturatuz joango da eta hodeiak ugaritu egingo dira. Goizean erdi mailako hodeiak eta goi-hodeiak sartuko dira. Arratsaldean, ostera, trinkoagoak izango dira, baina litekeena da ateri eustea. Hego-mendebaldeko haizea apur bat harrotuko da. Tenperatuei dagokionean, gauekoek gora egingo dute eta zailagoa izango da izotza egitea. Horrela bada, minimoak 0 graduren gainetik geldituko dira barnealdean eta 5 graduak gaindituko dituzte kostaldean. Altuenek, aldiz, ez dute aldaketa nabarmenik izango: 14 gradura iritsiko dira Bilbon, Donostian eta Baionan, eta 8 edo 9ren bueltan geldituko dira Iruñean eta Gasteizen.
Azkenik, ostiralean lainotuago egongo da zerua. Egunaren bigarren zatian hodei trinkoak iritsiko dira eta han-hemenka euri apur bat egin dezake. Haizea hegoaldetik sartuko da eta mendebaldean biziago ibiliko da. Tenperaturek ez dute aldaketa nabarmenik izango.
Zure interesekoa izan daiteke
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Abian da Osakidetzako EPEaren bigarren eguna, zeladore, erizaintzako laguntzaile eta zerbitzuetako langile izateko probekin
Ostiralean hasi eta igandera bitartean, 9 kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbollahrekin zerikusia dutelakoan Bizkaian atxilotutako bi lagunak
Pasaportea kendu diete eta 15 egunean behin epaitegian agertu beharko dute. Bi gazteak "inperialismo genozida salatzearen aurkako kanpaina bat" salatu duen Iranekin bat plataformako kideak dira.
Emakume bat hil da Tuteran izandako auto istripu batean
Ezbeharra NA-134 errepidean gertatu da, ostiral arratsaldean. Emakumeak zeraman autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.
Iganderako aurreikusitako hainbat ekitaldi bertan behera utzi dituzte, bero handia dela eta
Bilbon, hiribilduaren sorreraren 726. urteurrenaren desfile ofiziala ez dute egingo. Bestalde, Gogorak bertan behera utzi du Artxandan egin behar zuen gudari eta milizianoen omenaldia. Sopelan, Kosta Trail mendi lasterketa bertan behera geratu da, eta Barakaldon hainbat ekitaldi moldatu dituzte.
Osakidetza kontaktuak bilatzen ari da Trapagarango klub batean tuberkulosi kasu bat antzeman ondoren
Euskal Osasun Zerbitzua proba diagnostikoak zabaltzea eta establezimenduko langileak banan-banan deitzea aztertzen ari da, miaketa osatzeko eta kutsatze berriak baztertzeko.
Basauriko banketxe batean lapurreta egin zuen gizonaren bila ari da Ertzaintza
Lapurreta ostegunean gertatu zen, 14:45 aldera, eta gizonak dirua hartu eta ihes egitea lortu zuen. Ertzaintzak ikerketa abiatu du, eta oraingoz ez du lapurretaren inguruko datu gehiagorik zabaldu.