Haizeagatik alertapean izango dira bihar Araba eta Bizkaia, 120 km/h-ko ufadak gainditzea espero baita
Eusko Jaurlaritzako Segurtasun Sailak haizeagatik alerta laranja ezarriko du bihar, asteazkena, Arabako eta Bizkaiko haizeguneetan 120 km/h baino gehiagoko boladak espero baitira. Gipuzkoan, Nafarroako zati batean eta Ipar Euskal Herrian, aldiz, abisu horian izango dira.
Euskalmet euskal meteorologia agentziak egindako iragarpenaren arabera, asteburuko haize zakarrak indarra hartuko du gaur arratsaldean, eta 100 km/h-ko ufadak gaindi dezakete Araba eta Bizkaiako haizeguneetan, bereziki mendebaldeko mendi inguruetan. Bestalde, Bizkaia eta Arabako haizelekuak ez diren lekuetan, haize-boladak 70-80 km/h ingurukoak izan daitezke. Hori horrela, Segurtasun Sailak abisu horia ezarri du 18:00etatik aurrera.
Asteazkeneko 06:00etan abisua alerta bilakatuko da, bortitzago joko baitu haizeak. Hego-mendebaldeko haize boladek 120 km/h-ko abiadura gaindi dezakete Araba eta Bizkaiko haizelekuetan, bereziki mendebaldeko mendi inguruetan. Eguerditik aurrera, baina, indarra galduko dute ufadek, eta orduan, abisu horia ezarriko dute eguna bukatu arte.
Gipuzkoa abisupean egongo da asteazkenean: haizeguneetan 100 km/h-koak izango dira boladak, eta leku ez haizetsuetan, 80 km/h-koak.
Bestalde, Aemet Espainiako meteorologia agentziak abisu horipean jarriko du gaur arratsaldean Nafarroako Kantauri isurialdea (erkidegoaren ipar-ekialdea). 70 km/h-ko ufadak espero dira 14:00etatik 00:00ra. Asteazkenean, Pirinioak ere abisupean izango dira (gauerditik 18:00etara), han 100 km/h-ko boladak izango dira.
Ipar Euskal Herrian ere abisua ezarri du biharko Meteofrancek (00:00tik 20:00etara).
Zure interesekoa izan daiteke
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Familian Mugikorrik Gabeko Eguna ospatuko dute Donostian, Bilbon eta Gasteizen. Familietan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta denbora partekatuaren balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga garraiatzeko arduraduna 76 urteko gizon bat zen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.