Iñigo Urkulluk, ETSk, Las Poderosasek eta Jabo Iruretak Sabino Arana sariak jaso dituzte
Sabino Arana Fundazioak gaur banatu ditu 2024ko Sabino Arana sariak. Iñigo Urkullu lehendakaria, En Tol Sarmiento musika-taldea, emakumeen trafikoaren aurka lan egiten duen Las Poderosas emakume-taldea, Javier Iruretagoiena, Jabo Irureta, futbol-jokalari eta entrenatzailea, Leopoldo Martinez abokatu eta politikari venezuelarra, Stephane Sejourne politikari frantziarra eta Jean-Claude Larronde abokatu eta historialaria saritu dituzte.
1989. urtetik banatzen dira Sabino Arana sariak eta, orotara, 202 erakunde eta norbanako saritu dituzte.
EAJren ordezkaritza zabala izan da sari-banaketan, Imanol Pradales lehendakaria buru. Sailburu jeltzaleak, hiru ahaldun nagusiak eta Bilboko alkate Juan Mari Aburto ere egon dira fundazioko presidente Mireia Zaratek aurkeztu duen ekitaldian.
Euskal erakundeetako ordezkariek ere hartu dute parte, baita kultur, unibertsitate zein gizarte alorreko pertsonek, eta zenbait kazetarik ere.
Hitza hartu duenean, Iñigo Urkullu lehendakariak esan du Jaurlaritzan egon den 12 urteetan Euskadi "hobeago", "indartsuago", "aurreratuago" eta "bidezkoago" bat eraiki dutela.
Javier Iruretak, bestalde, gogora ekarri du Atletico Madril eta Athletic izan zirela jokalari gisa ezagutu zituen talderik garrantzitsuenak, Pele markatu zuela (ezta ez zuela gola sartzea lortu), eta Liga irabazi zuela, Deportivoko entrenatzaile zela.
Donald Trumpen garaipenaren ondotik, Europak bizi duen "testuinguru korapilatsuari" buruz egin du berba Europako Batzordeko Oparotasun eta Estrategia Industrialeko presidenteorde exekutibo Stephane Sejournek, baina azpimarratu du "europar balore eta ereduentzat" aukera ere badela. Hori horrela, adostasunaren alde egin du.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.