Bi elkarretaratze deitu dituzte Bilbon izandako eraso homofoboa salatzeko

Bilbao Bizkaia Harro elkarteak deituta, aste honetan bi gizonek Bizkaiko hiriburuan jasandako eraso homofobo fisikoa salatzeko elkarretaratzea deitu dute. Bilkura Arriaga plazan izango da, arratsaldeko zazpietan. E28 koordinadorak ere bilkura deitu du, Zamudioko atean, ordu berean.

Aste honetan, bi gizonek Bilbon eraso homofobo baten biktima izan zirela salatu zuten, eta salaketa jarri zuten Ertzaintzaren aurrean eraso fisikoagatik. Erasoa urtarrilaren 31n gertatu zen, Zazpikaleetan, Goienkalen. Antza denez, lauzpabost pertsonak eraso zieten eta irain homofoboak egin zizkieten.

Biktimetako batek eitb.eus-i kontatu zion gertatutakoa.