Otsaila, digitalki deskonektatzeko hilabetea
Hego Euskal Herriko gazteen erdiek baino gehiagok digitalki deskonektatzeko beharra sentitzen dute gaur-gauzkoz, ia % 60k EAEn eta % 50ek Nafarroan. Hala jakinarazi du SPC elektronikako konpainiak Espainiako gazteen deskonexio digitalerako ohiturei buruz egindako lehen azterlanak.
Deskonexio digitala goranzko joeran doa. Telefono adimendunekin harreman hobeak izaten ikasteko, Global Solidarity Foundation GKEak "Phone Free February" egitasmoa jarri du abian. Erronka mugatua da denboran (otsailean), eta mugikorraren erabilera murriztu nahi dutenei zuzenduta dago.
Aro digitalean, gure arreta bilatzen duten gailu eta aplikazioz inguratuta gaude etengabe, teknologiak gure bizitzak eraldatu ditu, baita gure osasun mentala eta ongizatea kolokan jarri ere. Testuinguru horretan, detox edo desintoxikazio digital bat egitea funtsezkoa dugu gaur egun.
Gazteen deskonexio digitalari buruzko txostenaren arabera, Hego Euskal Herriko gazteen erdiek baino gehiagok pentsatu dute beren sare sozialetako profilak ezabatzea, eta Nafarroan gazteen % 30ek dagoeneko baztertu dituzte sare sozialak aldi baterako. Halaber, txostenak ondorioztatu duenez, gazteen ia % 80k mugikorra gutxiago erabili nahiko lukete egunerokoan.
Datuok agerian uzten dute gero eta gehiago direla pantailekin eta sare sozialekin dauden arazoaz jabetzen direnak. Hala, askok erabaki dute gailu teknologikorik ez erabiltzea bizimodu orekatuagoa eta osasungarriagoa izateko eta errealitatearekin berriro konektatzeko.
18 eta 35 urte bitarteko 1.000 pertsonarekin egindako txostenaren arabera, nerabeek, oro har, egunean 5-6 orduz erabiltzen dute mugikorra, eta, beraz, egunero, ordu horiek kentzen dizkiote kalean ibiltzeari, harremanak zuzenean lantzeari eta, orobat, benetako bizitza bizitzeari. Mundu hiperkonektatuan bizi gara, sare sozialen presentzia etengabea da eta gailu horien mendekotasuna geroz eta handiagoa da; izan ere, horretarako sortu dira produktu horiek, adikzioa sortzeko, osasun digitalarekin kezkatuta dauden aditu askoren iritziz.
Dumbphone edo adimendunak ez diren telefonoetara itzultzeko mugimendu bat ere badago, deien eta mezuen bidez konektatuta egotea ahalbidetzen dutenak, Internetera sarbiderik ez dutenak. Euskal Autonomia Erkidegoan, esaterako, galdeketan parte hartu duten gazteen % 9,8k aldaketa hori egingo lukete, eta Nafarroan % 20k baloratuko lukete aukera hori.
Telmo Lazkano osasun digitaleko adituaren esanetan, oso aberasgarria da deskonexio digitala egitea, eta hori egin dutenak askeago, libreago sentitzen dira harrezkero. Gakoa, ordea, deskonexioa egunero egitea dela dio Altxa Burua mugimenduaren sortzaile ere badenak.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.