Suak 35 hektarea kiskali ditu Hernio eta Izazpi mendietan
Gipuzkoan azken orduetan piztutako baso-suteak —Hernio mendiaren magalean (Errezil), bata, eta Izazpin (Ezkio-Itsaso), bestea— itzali dituzte suhiltzaileek. Guztira, 35 hektarea kiskali dira.
Hego-haize zakarrak zaildu egin ditu itzaltzeko lanak, baina lurraldeko parkeetatik joandako suhiltzaileek mendean hartu dute azkenean. Bi kasuetan, ikerketa abiatu dute, ez baita baztertzen nahita piztutakoak izatea.
Lehen sutea ostegun arratsaldean hasi zen Hernion, 19:00ak aldera. Gaua lanean eman ostean, 01:30erako kontrolpean hartu dute suhiltzaileek, eta goizeko lehen ordurako itzali dute. Gipuzkoako lau parketako suhiltzaileak aritu dira bertan lanean, basozain eta erretenekin batera. Egunean zehar, zaintza-lanak egiten jarraitu dute berriro piztuz gero lehenbailehen itzaltzeko.
Sugarrek ez dute inguruko baserri edo etxebizitzarik harrapatu, eta ez da inor zauritu. Suak 20 hektarea kiskali ditu.
Koldo Arzalluz Errezilgo alkateak Euskadi Irratian azaldu duenez, eguna argitzerako guztiz itzalita zegoen. Atzo bi foku piztu ziren, 200 metroko tartean, eta sua nahita piztutakoa izan daitekeela iradoki du: "Foku batetik bigarren fokura 200 metro pasatxo daude, eta hori batetik bestera haizeak ez du eraman".
Sutearen fokuetako bat Hernioko tontorretik gertu hasi da, eta bestea, Zelatunen.
Hala ere, garrak ez dira basoraino sartu, eta batik bat otea erre da; guztira, 20 hektarea inguru.
Baso-sutea Izazpi mendian
Ez da azken orduotan Gipuzkoan izandako sute bakarra izan, ostiral goizaldean beste sute bat piztu baita Izazpi mendian, Ezkio-Itsason.
01:20 aldera jaso dute abisua larrialdietarako zerbitzuek, eta berehala bertaratu dira suhiltzaileak. 04:30erako hartu dute kontrolpean, baina hego-haizeak asko zaildu ditu sua itzaltzeko lanak. Goizean lortu dute erabat itzaltzea.
Guztira, Gipuzkoako hiru parketako suhiltzaileak aritu dira bertan lanean, eta erreten bat ere bertaratu da. Lehen kalkuluen arabera, 15 hektarea erre dira.
Eguraldia lagun, helikoptero bat erabiliko dute ingurua hozteko lanetan.
Joseba Telleria Ezkio-Itsasoko alkateak goizean Euskadi Irratian esan duenez, itxuraz sutea pizteko arrazoirik ez zegoen.
Zure interesekoa izan daiteke
Konpondu dute Bilboko metroan atzerapen handiak eragin dituen matxura
17:00ak jota itzuli da bere onera metroen zirkulazioa. Arazoa 11:30ean sortu da, eta itxaronaldi luzeak izan dira hainbat geltokitan ordu luzez.
Feminismoaren aldeko aldarriek eta kolore moreak kaleak hartuko dituzte bihar
Hiru manifestazio deialdi izango dira aurtengo martxoaren 8an. Batetik, ohi bezala, Euskal Herriko Mugimendu Feministak bost hiriburutan eguerdirako egin duena. Bestetik, Euskal Herriko Feminista Abolizionisten Koordinakunde sortu berriak EAEn eta Nafarroan egindakoa. Itaia talde feministak ere deialdi propioa egin du. Martxa guztiak noiz eta non abiatuko diren bildu dizuegu.
Espainiako Gobernuaren Nafarroako ordezkariaren dimisioa eskatu dute zale gorritxoek manifestazio batean
Sadar Bizirik elkarteak deituta, protesta egin dute ehunka lagunek Iruñean. Osasunak duela bi aste Real Madrilen aurka jokatutako partida amaitu ostean Espainiako Poliziak erabilitako indarkeria salatu dute, eta Alicia Echeverriari erantzukizunak bere gain hartzeko eskatu diote. "Ezin dugu normalizatu etxean bertan amorruz eta bortizkeriaz gu jipoitzea", nabarmendu dute.
Behin egoerak hobera eginda, garbiketa lanei ekin diete inguru kaltetuenetan
Mungialdean egin du euri gehien, eta zenbait garaje eta errepide hartu ditu urak bertan, Derion, Bakion eta Getxon bezalaxe. Errepideetan ere gorabehera ugari izan dira.
Dohatik etxera bidean den Garikoitzek astea nola igaro duen azaldu du: "Beldur eta ezinegon uneak bizi izan ditugu"
Garikoitz Knörr euskara irakaslea Dohan (Qatar) zegoen AEBk eta Israelek Iranen aurkako erasoaldia abiatu zutenean. Astebete geroago, etxera bueltatzeko izan dituen zailtasunak azaldu dizkigu bideo honetan.
Asteburu honetan eta hurrengoan ez da trenik ibiliko Andoain eta Irun artean
Astigarraga-Irun tartean hirugarren trenbidea jartzeko lanek eragin dute tren zerbitzuaren etena. Renfek autobus zerbitzua eskainiko du bidaiarien joan-etorriak bermatzeko. Gainera, Loiolako geltokia itxita egongo da apirilaren erdialdera arte.
Arrigorriagako Padura klubak “irmo” gaitzetsi ditu adin txikiko batek jasandako sexu-jazarpenari buruz zabaldutako “funtsik gabeko akusazioak”
Kirol klub horretan neska batek sexu-indarkeria eta jazarpena jasan dituela salatu dute elkarteek. Padurak “gogor" gaitzetsi du “edozein eraso mota” eta baita bideoa hedatzea ere, baina gertakariak klubaren jardueraren esparrutik kanpora gertatutakoak direla adierazi dute.
Euskal sukaldaritza berriaren sortzaileak, 2025eko Euskadi Gastronomia Sarien irabazleak
Besteak beste, hauek aritu ziren mugimendu horretan: Juan Mari Arzak, Pedro Subijana, Karlos Arguiñano, Ramon Roteta, Xabier Zapirain, Luis Irizar, Ramon Zugasti, Ricardo Idiakez, Tatus Fombellida, Patxi Quintana, Pedro Gomez, Manolo Iza, Jesus Mangas eta Jose Juan Castillo.
Asteartean Santanderren hildako ikasleen zentroan lur jota daude
Hildako gazteak Kantabriako La Granja Lanbide Heziketako Ikastetxeko ikasleak ziren. Abeltzaintza eta abere-osasunari buruzko zikloa ari ziren ikasten. Bertako zuzendariak azaldu duenez, zentroan lur jota daude.
Martxoaren 8ko aldarrikapenekin bat egin dute erakundeek eta sindikatuek
Martxoaren 8aren bezperetan, udalek, aldundiek eta sindikatuek aldarrikapen feministekin bat egin nahi izan dute. Bilboko udaletxean egindako ekitaldian, oso kezkatuta agertu dira emakumeen eta berdintasunaren aurkako mezuak ugaritzen ari direlako.