Behin-behinean kartzelatu dute Gasteizko diskoteka baten atarian izandako heriotzagatik atxilotutako atezaina
Gasteizko Instrukzioko 3. Epaitegiak behin-behinean espetxeratu du igande goizaldean Arabako hiriburuko dantzaleku baten atarian izandako heriotzarekin zerikusia zuelakoan atxilotu zuten atezaina. Homizidio edo hilketa delitua egotzi diote.
Ostegunean Mendizorrotzako kiroldegian ekitaldia izango da hildako 31 urteko gaztearen omenez.
Diskotekako 24 urteko atezaina igandean arduragabekeriazko homizidioa egotzita atxilotu zuten, baina instrukzio-epailearen ustez leporatu beharrekoak homizidio edota hilketa dira eta kartzelara bidali du.
Gizon handia da, eta EITBk galdetutako iturrien arabera, arte martzialetan aditua. Ez du aurrekari penalik, baina ikerketaren gertuko iturri horiek diote hamar salaketa inguru jarri dizkiotela antzeko kasuengatik.
Aurki epaituko dute lesio delitu batengatik, martxoaren 12an, Gasteizko bigarren auzitegian.
Ertzaintzak biktimari ustez emandako kolpea ikusi zuten lekukoen testigantzak hartu ditu, eta Mitika diskoteka inguruko kamerak aztertu ditu, irudi bila, baina, EITBk jakin du ez dagoela gertatutakoaren irudirik. Antza, kamera horiek ez zeuden diskotekaren sarrerara begira.
Gasteizko Bake kalean izan zen heriotza, 04:50 aldera, Mitika diskotekaren atarian, hain zuzen ere.
112 SOS Deiak larrialdi zerbitzuak abisua jaso zuen, ohartarazteko dantzaleku baten atarian gizon bat lurrean konortea galduta zegoela.
Itxuraz, atxilotutako atezainak emandako zartako baten eraginez erori zen mutila, eta buruan hartutako kolpearen ondorioz hil zen.
Ertzaintza eta osasun-zerbitzuak bertaratu ziren, eta gizona suspertzen saiatu ziren arren, ez zuten lortu, eta bertan hil zen.
Zure interesekoa izan daiteke
Osakidetza kontaktuak bilatzen ari da Trapagarango klub batean tuberkulosi kasu bat antzeman ondoren
Euskal Osasun Zerbitzua proba diagnostikoak zabaltzea eta establezimenduko langileak banan-banan deitzea aztertzen ari da, miaketa osatzeko eta kutsatze berriak baztertzeko.
Basauriko banketxe batean lapurreta egin zuen gizonaren bila ari da Ertzaintza
Lapurreta ostegunean gertatu zen, 14:45 aldera, eta gizonak dirua hartu eta ihes egitea lortu zuen. Ertzaintzak ikerketa abiatu du, eta oraingoz ez du lapurretaren inguruko datu gehiagorik zabaldu.
Landa ingurua vs hirigune handiak: hirietako bi autoko hiru daude landaguneetan
Trafiko Zuzendaritza Nagusiaren (DGT) azken erregistro ofizialen arabera, Hego Euskal Herriko landa-ingurunean metropoli-eremuetan baino % 55 auto gehiago daude biztanleko, eta kasu batzuetan herriko bizilagunen kopurua gainditzen dute.
Gero eta emakume gidari gehiago dago Hego Euskal Herrian: gizonena halako bi baino gehiago hazi da kopurua azken hamarkadan
2014tik 2024ra, gidabaimena duten emakumeen kopurua % 14raino igo da Nafarroan, gizonen % 6,6ren aurretik; EAEn, aldea hirukoiztu ere egin da ia. Genero-arrakala estutzen ari da horretan, nahiz eta oraindik gizonak gehiago diren errepideetan.
Saretzen txostenaren bitxikeriak: bizilagun baino auto gehiago dituzten herriak eta emakumezko gidaririk gabeko udalerriak
Hegoaldeko mugikortasunaren berezitasunak azaleratu ditu Saretzen txostenak, besteak beste, Bizkaia motorren kopuruaren hazkundean nagusi dela, eta Nafarroak Hegoaldeko autorik zaharrenak dituela.
Genero-arrakala, Euskadiko mugikortasunean: Gizonezkoen joan-etorrien % 46k autoa erabiltzen dute eta emakumezkoen % 50 oinez
Eguneroko joan-etorrien % 40 autoz egiten dira. 19 urtetik beherakoak mugikortasun jasangarriaren buru dira, haiek baitira bizikleta eta garraio publikoa gehien erabiltzen dituztenak.
Autoa, Hegoaldean: gero eta zaharragoa, dieselak nagusi jarraitzen du eta elektrikoen presentzia oso txikia da
Euskadiko eta Nafarroako turismoen batez besteko adinak bi urte baino gehiago egin du gora (ibilgailuek 12 urte dituzte, batez beste). Errekuntzakoak (diesela eta gasolina) nagusitzen dira, eta ibilgailu elektrikoen kopurua oso txikia da (% 2tik beherakoa).
Sokamuturra berriro egiteak zatiketa eragin du Eibarren
Eibarren, bigantxak kalera aterako dituzte datorren astean, azken urteetan desagertua zen sokamuturrari berriro helduz. Udalerrian eztabaida erabatekoa da, aldekoen eta kontrakoen artean, eta zatiketa eragin du. Zatiketa horren erantzule egiten dute oposizioko alderdiek alkatea bera.
Sei adingabe artatu dituzte bero-kolpeen ondorioz, AP-68an, Kuartango parean, autobusak matxura izan ondoren
Arazo mekanikoa 13:10 aldera jazo da, ibilgailua Zaragozarantz zihoala, trenbidearen bazterbidean geldirik geratu denean matxura baten ondorioz. Autobusean 60 pertsona inguru zihoazen, gehienak 15 urte inguruko nerabeak.
GIB diagnostiko berantiarren kopurua % 60ra igo da Euskadin
Osasun Sailak uste du HIESaren eta STIen inguruko estigmak diagnostikoa atzeratzen duela eta kutsatzeko arriskua handitzen duela. Osakidetzarekin batera, "Parktikatu sex-carea" kanpaina abiarazi du.